[不是陰謀論]少鹽反而會心臟病、仲百病叢生！？｜高鹽唔會引致腎病？｜ 罪魁禍首又係糖？｜粵語中字

Hello 大家好，我係白兵 之前唔同既影片都有同大家講過 糖同碳水化合物有咩問題 又有係糖尿病條片提到肝既重要性 今條片順住個脈絡 講下永遠都好似同糖一齊出現既 鹽 同埋同鹽關係最親密既器官 腎 究竟低鹽飲食有冇問題 腎功能 又同食得多唔多鹽有冇關係 食得多鹽又係咪係會高血壓呢？ 今條片 小弟會主要引用the salt fix 哩本書 黎同大家討論一下 首先好簡單講少少科學原理 鹽－即係氯化納 Sodium Chloride NaCl 當我地食左鹽之後，入到身體 就會形成帶住正電既納離子NA+ 同埋負電既氯離子Cl- 相比起其他所有電解質 例如鈣、鎂、鉀 納同氯係濃度係最高 亦都係代表着氯同納 對身體係不可或缺 之後呢就要講下腎有咩用啦 肝同腎都係用嚟幫身體解毒 同時腎臟亦都會調節血液嘅水份 同埋鈉嘅濃度 喺度就要講一個初中科學堂會學嘅一個term 滲透作用（osmosis） 滲透作用係指水分子經差異透性膜的擴散現象 它由低濃度溶液經滲透 移動至高濃度溶液 直到活細胞內外的濃度平衡為止 就咁聽呀好難明㗎 我嘗試具體少少咁講 我哋每個細胞都有個細胞膜 用嚟隔住細胞入邊既野同埋血液 如果血液嘅濃度較低 即係比較稀 例如唔夠納離子 細胞入邊比較濃 血液水份 就會滲透入細胞 從而減低細胞入邊濃度 令到細胞內嘅濃度 同出面一樣為止 咁會令到細胞比較脹 唔係好事嚟㗎 而腎臟嘅功能 就係當如果血既鈉濃度升左 腎臟就會將鈉吸收 多餘嘅就會經尿液排出體外 令到人體維持正常嘅血濃度 有助避免細胞被出出入入既液體破壞 所以點解腎臟有事嘅人 好多時呢都會手腫腳腫 原因就係因為調節唔到血入邊嘅濃度 然後令到細胞腫脹 正常人嘅腎臟每日過濾1.4至1.6公斤嘅鈉 差唔多係人體日常鹽分攝取量150倍 所以世衛話俾我哋聽我哋每日只係需要一茶匙 即係 6g嘅鹽 非常之值得商榷 因為如果腎臟每日都過慮過千gram既鈉既話 真係要care哩10g8g既鹽咩？ 詳情之後會再講 其實係近四十多年來 美國政府 國際間嘅研究 同埋好多健康協會 都不停咁宣傳 鹽分會使血壓上升 進而引發慢性高血壓 事實是這個概念從來沒有任何扎實的科學佐證 就算是回溯到一九七七年美國政府 「美國飲食目標」（Dietary Goals for the United States）建議限鹽 美國的衛生總署有份報告也坦承 並無證據顯示低鹽飲食 可預防常隨年齡增長而起的血壓上升 作者提到實際上醫學文獻顯示 係度講明先，唔係話攝取過量的鹽冇問題 鹽分攝取 實際上與高血壓的關聯性並不高 低鹽準則只係利用極少數對鹽敏感既病患

而造成血壓上升 擴展到整體人口都要低鹽 其實係人類既歷史進程 高鹽既飲食係一直都存在 從乾涸閎湖底刮取鹽粒，或者採掘鹽礦 至少有八千年的歷史 係雪櫃面世之前，想防菌防腐 都一定係要用鹽架啦 去到十六世紀，歐洲人每日吃鹽約四十克 十八世紀時，增加至七十克 係而家西方社會當前攝取量四到七倍 如果食鹽係咁大禍害 又高血壓又心臟病 心臟疾病病例有成千上萬先啱㗎嘛 大約到十七世紀中期先至出現首個心臟病例 20世紀初期 心臟疾病發生率 先至升到而家咁誇張嘅程度 世人的鹽分攝取量同慢性疾病病例 可以話係完全無關 而家嘅日本法國南韓呢三個國家 都係全世界冠狀動脈心臟病死亡率最低 同時亦都係採取高鹽嘅飲食方式 淨係一碗拉麵，都已經有12茶匙鹽 都未計佢地食咁多海鮮 食魚生點豉油 韓國人食既泡菜 都係相當高鹽架 所以其實而家對鹽的錯誤 來自於以極少數人為樣本 再胡亂推導出低鹽飲食 卻對相關風險提都不提 當中以心跳率增加既情況就最嚴重 心率經證實會在低鹽飲食後加快 且幾乎每個飲食限鹽的人都有此問題 儘管醫學文獻對此效應的紀載完整得多 卻從不見食品廣告或飲食準則提及 也就是說 我們只關注低鹽飲食而變化的一項指標 （血壓）仲要冇直接關係 卻全然無視採行低鹽飲食的過程中 其他一切有害作用 其實鹽分對我地身體嚟講係好重要㗎 鹽入面鈉質也都至關緊要 係度就要講下咩係血壓啦 亦即係上壓同下壓 血壓高咗 即係身體想d血行快d 原因可以有好多既 例如血既氧唔夠 營養唔夠 血量唔夠 又或者係血管塞塞地，都會令到血壓上升 等d血行快d，彌補番血量唔夠既問題 亦即係話，低鹽飲食長遠唔單止會令心跳率增加 仲會導致血壓上升 另外 最近的研究甚至顯示 長期缺鹽 或許是內分泌學者所說的「內在飢餓」的因素之一 限鹽會使人體啟動防衛機制 其中一項正是提高胰島素濃度 原因是胰島素能幫助腎臟保留多一點鈉 不幸的是 胰島素一旦升高 會令脂肪好難分解成脂肪酸 或者將所儲藏的蛋白質分解成胺基酸以獲取能量 到最終，能經人體有效率地運用 取得能量的就得番碳水化合物 於是你的身體會渴求糖和碳水化合物 因為身體相信碳水化合物是唯一的能量來源 這是一個恐怖的loop黎架 咁如果食鹽唔傷腎既話 我地既腎病又係點黎架呢？ 其實上面提到胰島素既問題 大家都應該知真相架啦 冇錯 兇手就係糖 或者碳水化合物 在近200年 係糖分攝取量飆升的年代 這正對應番高血壓 糖尿病、肥胖症 腎病等慢性疾病 點解咁猖獗 糖業在同時期資助實驗跟輿論風向 努力減少糖 對身體有害的論述與證據 將對身體造成既問題 先推比飽和脂肪 再推比膽固醇 再推埋比鹽 總之就唔關糖同埋碳水化合物事 畢竟如果倡導多吃點油鹽 多運動多喝水就真的讓人身體健康 咁邊個睇醫生？ 糖業相關既公司 怎麼能靠糖 碳水化合物這麼低廉成本又能大量製造的產品 大賺一筆呢？

實驗要得出糖有害這個結果並不難 但誰要資助這個實驗的執行？ 即使有實驗結果 又有誰會大力資助媒體宣揚跟支持呢 其實醫學界老早就知道 腎臟能夠排出人體嘅鹽份之多 遠超過於每日常態攝取量 當然這只是代表短時間我們能承受的上限 不是天天吃八十克的鹽就對身體更好 而係想講 好多長期病患既罪魁禍首都係糖 而唔係鹽 同時有高血壓嘅人嘅小朋友 本身胰島素抗阻會比較高 本身胰島素抗阻會比較高 日後亦都可能會觸發高血壓 所以，其實即使有患者係食完鹽之後會令到有高血壓 即係鹽敏感性高血壓 主要嘅原因都係因為嗰個人呢已經係胰島素抗阻 或者糖尿病 先至會觸發到佢食鹽之後高血壓 所以治療高血壓係要先戒糖 黎治胰島素抗阻 再加上， 如果有胰島素抗阻 血糖較高 會損害腎臟嘅腎小管同埋腎小球 即係會損害腎臟嘅再吸收機能 同埋減低過濾率 過濾率低咗嘅話會變成偏向保留水份 血液入邊嘅鈉同埋氯離子濃度就會過低 然後就係一個惡性循環 另外就係一d比糖尿病二型既人食既西藥（每福敏） 同埋高血壓藥（例如利尿劑） 都會消耗身體入面既鈉 同埋令鈉排放量增加 又係另一個惡性循環 最癲係其實腎病既出現 除左係多左食糖同埋碳水合物之外 好多時係因為阿士匹靈 等等既止痛藥 類固醇出現後先多腎病 所以除非閣下已經腎衰竭到吸引唔到鈉質 否則唔好亂戒鹽 同埋如果想預防腎病 請先戒糖 同埋澱粉質 影片黎到最後 再三重申多一次 哩條片係話比大家聽唔洗專登低鹽 但唔係叫大家完全放縱自己食鹽既量 畢竟作為都市人 鹽唔係好難接觸到架 近乎所有加工食物，例如腸仔 午餐肉火腿甚至燒味 白切雞，都係非常之高鹽份架 要食加工食品作賤自己真係幫你唔到 煲湯落多兩羹鹽就真係冇所謂 煲湯煮飯好食好多添 所以，同時間補充鉀質都係相當重要 書中有研究發現 食蘋果可以降低血壓 蘋果入面既鉀質就係重點 所以多食 深綠色蔬菜 西蘭花，南瓜，蘑菇等等 入面都有豐富既鉀質架 咁就真係唔洗驚食得太多鹽啦 最後講多兩句 市面上咁多款鹽，邊款最好呢咁？ 基本上岩鹽 海鹽，都比精製鹽好 因為多唔同既微量元素 海鹽揀d乾淨既海 唔好長期食一種鹽就ok 今次條片就黎到哩度 會員後績精華會講多d 食鹽點樣揀 點解唔同岩鹽海鹽會唔同色 點解唔好長期食一種鹽 同埋講少少腎病既問 鍾意我哋影片不妨cls 記得訂閱我哋撳埋隔離嗰鈴鈴 我哋已經開始咗我哋嘅patreon 會員 希望大家可以多多支持 我哋逢星期四出片 星期二可能有片 星期五夜晚9:00會喺YouTube直播講吓時事同政治 希望到時可以見到大家 我哋下條片再見 拜拜~