وثائقي ياباني ممنوع من العرض يكشف سر مرعب

قبل كم يوم نزلت بوست على القناه قلت ف بعض المشاهد لما تبقى مركز معها شوي بتحس انه في شيء غلط في شي مخليك مو مرتاح وحاسس انك مرتاب رح اخبرك انه احساسك مو غلط وفي شخص علق على هذا البوست وقال وضح مقصدك بفيديو كامل وردي كان بكل بساطه هو ليش لا انا قاسم وخلينا نبدا هلا كل شيء بدا من قبل ما انشر البوست بقناتي بحوالي الاسبوع كنت داخل على اليوتيوب وعم بتصفح بدون هدف معين وما عم ببحث عن شيء بالتحديد وغالبا انت ما بتعرف هذا الشيء عني بس انا لما انغمس بشيء فعليا ما عاد بحس

بالعالم من حولي وبغرق على اخر بالشيء اللي عم بسويه يعني مثل كانه بادمن عليه فلهذا السبب ومن كثر ما دخلت وطلعت من عشرات الفيديوهات باليوتيوب وصلت النهايه لفيديو ووقفت عنده فينك تحكي انه الفيديو جذبني مع انه ما كان في شيء مميز من برا كانت صوره الفيديو عباره عن عائله اسيويه بالتحديد يابانيه وهذا الشيء اللي قدرت احدده بسبب تصميم البيت اللي هم فيه العائله بالظاهر كانوا قاعدين على طاوله الاكل وعم يبتسموا للكاميرا يعني فعليا الصوره ما فيها اي شيء مميز بس مع هيك ولسبب ما جذبني الفيديو ونسيت احكي لك بس فعليا الفيديو ما كان فيديو بل

كان عباره عن وثائقي طوله حوالي الساعه ونص فاللي صار من بعدها اني فعلا دخلت وشفت الوثائق كامل ورجعت شفته مره ثانيه ورجعت شفته مره ثالثه ويمكن حاليا تفكر انه في عندي جنون الارتياب بس صدقني لما احكي لك انه هذا الوثائقي اللي ظاهريا ممكن تشوفه عادي كل ما شفته اكثر رح تحس بالرعب اكثر من كميه الاسرار اللي فيه وكانه حرفيا مثل لما تطلع على المرايه لوقت طويل وتبدا تحس انه انعكاسك اللي بالمرايه هو مو انت وقتها بتحس بنوع غريب جدا من الخوف نفس هذا الاحساس تماما اللي رح يبدا يجيك لما تبدا تدقق اكثر بالوثائق لهيك يا

صاحبي خلينا نشوف الوثائقي مع بعض ومن بعدها رح اوضح لك كثير اشياء في الوثائقي بيبدا بشعار وكانه من ايام السبعينات ببين لك وكانه الفيلم قديم وجوده انتاجه مو افضل شيء مع هيك اللي بنكتشف انه الوثائقي تم انتاجه بسنه 2009 يعني فينك تحكي انه مو كثير قديم اول مشهد بيطلع قدامنا هو لوحه منقوشه عليها باليابانيه والكلمه اللي بتكون منقوشه عليها هي اورا دلاله على انه هذا البيت هو لعائله اورا ومن بعدها فورا بنتعرف على اول شخصيه بالوثائق واللي هي فيرونيكا بالتحديد هي مقدمه الوثائقي اللي بتكون دائما مع فريق التصوير وفيرونيكا بتبدا تشرح عن مشكله كبيره صايره

باليابان واللي هي مشكله معدلات الولاده البلد صاير فيها نقص فئه الشباب سواء كانوا بنات او اولاد ولهيك فيرونيكا بتوضح انه هذا الوثائقي راح يكون عن عائله كبيره باليابان لحتى نشوف كيف بيعيشوا على امل انه هذا الوثائق يسلط الضوء بشكل اكبر على هي المشكله من بعدها بتدخل فيرونيكا على حديقه عائله اورا وبنشوف الام ومعها كم ولد صغير والام بهذا الوقت بتكون عم تحصد شويه خضروات من الحديقه لحتى تعملهم على الفطور ومن بعدها بتدخل فيرونيكا مع الام والاولاد للبيت اللي لسه كان على طراز التصاميم اليابانيه القديمه وبيطلع قدامنا اسم ال وثائقي واللي هو سايكو ذا لارج فاملي

واللي اذا ترجمناه من الانجليزيه واليابانيه راح يكون افضل عائله كبيره او العائله الكبيره الافضل ولما يدخلوا على البيت بنقدر نشوف كم انه الكل مبسوط بوجود فيرونيكا وللامانه وللوقت الحالي العالم مبين انها طيبه ومثلها مثل اي عائله طبيعيه وعلى الفطور بتبدا فيرونيكا انها تعرف عن نفسها للكل ونحن كمان بنبدا اننا نتعرف على الشخصيات اللي بالعيله رح نبدا من الاب سوميو اللي عمره 39 سنه ومن بعدها الام تسوكاسا واللي عمرها 45 سنه من بعدها البنت الثانيه بالعيله ميكان عمرها 24 سنه واكيد يا صاحبي انك عم تسال نفسك وين البنت الاولى اصلا ما تعرفنا عليها بس لا تاكل

هم رح تعرف بعد شوي وراح نرجع لها ومن بعدها بنشوف الابن الثاني ريوتا عمره 17 سنه وكمان راح احكي لك نفس الشيء واللي هو انه بعد شوي راح تعرف وين الابن الاول ومن بعدها بنشوف البنت الثالثه واللي هي ري وعمرها 16 سنه البنت الرابعه ريمون عمرها 13 سنه الابن الرابع دان عمره 12 سنه البنت الخامسه سممو ست سنين والابن الخامس والاخير رايت شي عمره خمس سنين وهيك يا صاحبي بنكون تعرفنا على كل اعضاء العيله للوقت الحالي على الاقل بنفس هذا الوقت بيكون الاب عم بيقترح انه ياخذوا العيله ويطلعوا ياكلوا برا الواضح انه بوضعه المادي ما

كان افضل شيء بس مع هيك كان باين عليه انه شخص منيح وبدا يسال العيله شخص شخص شو حابين ياكلوا وكل شيء كان تمام لحد ما بدا انه يسال ري لانه الموقف بدا يصير غريب لما ري ما كانت عم بترد عليه وهو ظل يحاول يحكي معها بس مع هيك ما كانت عم بترد عليه بس الصدمه لما ري فجاه رمت صحن الاكل على ابوها ومن بعدها قامت لعنده وبدون اي سابق انذار بدات انها تضرب فيه وتسبه والاغرب انه اخوها ريوتا قام وصب الشوربه السخنه على ابوه او زوج امه في انك تحكي بدل ما يوقف اخته المجنونه اللي

بدات تضرب زوجه امه بدون اي سبب طبعا ما فيني اعرض لكم المشهد بس اتوقع انه الشرح كافي لحتى يوصل لك الفكره وفعليا يا صاحبي نحن والكل كان كمان مصدوم وخصوصا فيرونيكا اللي انصدمت من التغيير المفاجئ هذا بس بعدين قدرت انها تفهم سبب هذا الشيء لما حكت مع الام وهي عم بتعالج جراح زوجها واللي هو تقريبا كان سبب واضح الا انه سوميو اللي هو الاب ما كان فعليا الاب الحقيقي لكل الاولاد انما كان ابوهم لاصغر ولدين و بسس اما بالنسبه للاب الحقيقي كان اسمه كويتش واللي عرفناه كمان انه كويتش اختفى تماما قبل سبع سنين وما حدا

شافه من وقتها ما حدا بيعرف وين راح ولا شو اللي صار فيه وترك للام اولاد كثار لحتى تربيهم لوحدها خصوصا انها كانت عم تشتغل بدوام جزئي والدخل ما كان بيكفي لمصروف العيله واللي عرفناه كمان انه سوميو واللي هو الاب الحالي كان مدير المحل اللي بتشتغل فيه الام ولما شافها كيف عم بتعاني مع مصروف عيلتها تعاطف معها وصار يفكر كيف ممكن يساعدها بالنهايه فكر انه هو من الممكن انه يصير الاب لهي العيله الكبيره خصوصا انه هو كان جدا حابب انه يصير في عنده عيله بيوم من الايام لكن هم عم بيحكوا يا صاحبي بنشوف ورا الاب مثل

ضريح صغير لشخص ميت وعليه صوره بس ما بنعرف مين هذا الشخص بالوقت الحالي على الاقل وبنك اكتشف من الاب كمان انهم لسه مو متزوجين رسميا يعني عند الدوله لسه هم مو متزوجين رسميا وهذا الشيء لانه زوج الام السابق كان معتبر مفقود لفتره طويله وهي مو مطلقه منه لهيك كانوا مواجهين صعوبه كبيره انهم يتزوجوا رسميا لكن مع هيك واللي بنقدر نلاحظه انه الاب كان فعلا حابب يصير هو المسؤول عن هي العئله والاولاد وكان مستعد انه يتحمل كثير مش شانهم مع هيك الاولاد ما كان من الواضح انهم بدلو نفس الشعور كانوا شايفينه شخص مزعج لانه عم حاول

ياخذ مكان ابوهم المختفي وفي انك تحكي يا صاحبي انه معهم حق لدرجه ما بننتقل لليوم اللي بعده وبيكون الكل اما راح للشغل او للمدرسه لكن هون بنعرف انه الام تركت شغلها لسبب معين واللي هو انها لازم تهتم بابنها الاول اللي حكيت لك انك راح تعرفه بعدين اسمه جوكي وعمره 23 سنه ونحن لحد الان ما شفناه اصلا فعلى حسب كلام الام انه كان حابب يصير لاعب بيسبول مشهور بس بالنهايه ولسبب نحن ما بنعرفه قرر انه ينعزل عن المجتمع تماما وما يطلع من غرفته الا اذا كان محتاج يفوت للحمام وبس وبالوقت اللي فيرونيكا بتكون عم تحكي فيه

مع الام بنلاحظ كتابات بالياباني على باب غرفه جوكي وبدي اياك تتذكرها يا صاحبي لانه رح نرجع لها بعدين وبنفس اليوم بالليل طاقم التصوير بيكون عم بصور الاب والام وهم عم بيحكوا بدون ما يحسوا فبن اسمع الاب عم سال الام لو عرفت اي شيء جديد عن رينجو لكنها بتحكي له انه ما في اي شيء جديد عنها فبتل فيرونيكا وبتسال الام مين رينجو اصلا وهون بنعرف انه رينجو هي بنتها الكبيره وانها تاركت البيت قبل سبع سنين بس انها اختفت تماما قبل ست شهور وما شافوها من وقتها وعلى حسب كلام الاب انه رينجو ما كانت موافقه على زواجه

من امها لهيك غالبا اختفت وهو ظل حاسس انه من مسؤوليته يرجعها للبيت فبنت قل بالمشهد لبعد كم يوم وبنشوف الاب وهو عم بيمشي بشوارع مدينه يوكاهاما وهذا الشيء لانه وصله دليل على المكان محتمل انه بنت مرته تكون موجوده فيه واللي هي رينجو لهيك اخذ اجازه من الشغل وتوجه لحتى يتاكد من الموضوع بنفسه فبن شوف الاب يمشي لحد ما بالنهايه وقف قدام محل ولحتى اكون دقيق اكثر كان محل دعاره ولو انه المحل بيقدم نوع قريب من انواع الدعاره ما رح اشرحه حاليا لانه هذا الشيء ما بغير حقيقه انه كان محل دعاره بس الاب كان مستغرب كيف

دليله وصله لهذا المكان انه هل من المعقول انه بنت مرته تكون موجوده هون لحد ما بالنهايه دخل على الموقع تبع حجز المحل وشاف بنت باسم تفاحه وجوه البنات كانت كلها مخفيه الا انه كان شبه متاكد انه تفاحه هي رينجو اولا لانه معنى رينجو بالياباني هو تفاحه ثانيا لانه البنت كانت جسديا بتشبه فهون بنقدر نشوف كم انه الاب زعلان على حال بنت مرته وكانه فعليا ابوها مو زوج امها لهيك بالنهايه قرر انه يتصل ويحجز موعد معها وكانه زبون عادي لحتى يقدر انه يحصل فرصه ليحكي معها وفعلا بنفس الليله دخل الابل على المحل وكان مدخل معه كاميرا

مخفيه بشن تيته والتقى بتفاحه اللي رحبت فيه بس لسه ما استوعبت مين هذا الشخص اللي حاجز معها فبيد الاب هو وتفاحه للغرفه وبيحط شنته بزاويه الغرفه ومن بعدها بيحكي معها وهون تفاحه او رينجو تستوعب مين اللي فعلا معها بالغرفه فبيس كتوام الاثنين كم دقيقه وبعدها رينجو بتصير تبكي وبتتصل على الحراس لحتى يطردوا زوج امها من المحل وفعلا الحراس بييجوا بسرعه وبيطريه الاب بيطلع مكسور الخاطر بس بنفس الوقت مبسوط انه على الاقل قدر يلاقي رينجو وكان واضح جدا انه ما را يستسلم وراح يحاول يرجعها للبيت بننتقل لبعد كم يوم على حادث صار فجاه ببيت العائله واللي

هو انه الابن الثاني ريوتا وقع من الطابق الثاني وفقد وعيه ومن الواضح انه كان عم بينزف كثير فالاب بيعمل اتصال وبسرعه بتجي سياره الاسعاف بس ما بتقدر تدخل للمكان اللي فيه ريوتا لهيك الاب بيحمل ريوتا على ظهره وبيرك فيه لسياره الاسعاف وبنعرف بعدها انه فاقد لوعيه وانه صار في عنده كسور بالجمجمه لكن مع هيك قدروا انهم ينقذوه من الموت بشكل وشيك بنفس هذا الوقت فيرونيكا رجعت لحتى تحكي مع الام وفهمت من الام انها مو قادره تروح لتزور ابنها بالمشفى لانه لازم تهتم بابنها الكبير كمان ابنها اللي لحد الان نحن ما بنعرف اي شيء عنه لكن

وهم عم بيحكوا بنشوف سله فواكه وفيها سكينتين داخلين بالفواكه وكانه في حدا طاعن الفواكه فيهم وهذا الشيء كمان بدي تتذكره منيح يا صاحبي لانه كمان راح نرجع له بعدين وبعرف اني يقط لك هذا الحكي كثير لكن صدقني انه كل شيء بالنهايه راح يكون منطقي رح ننتقل لبعدها بثلاث ايام الاب رجع لمدينه يوكوهاما مره ثانيه لحتى يرجع يحاول يحكي مع رينجو بس هي المره استناها لحد ما تطلع من محل شغلها لحتى يحكي معها برا بدون ما يزعجوا الحراس وفعلا اول ما طلعت رينجو من المحل لحقها الاب وصار يحاول يحكي معها بس كانت عم تتجاهله ولا كانه

كان موجود اصلا بس بعدها احكى لها انه ريوتا دخل للمستشفى وانها لازم تسمعه وفعلا قعدوا بحديقه قريبه وصار يحكي لها انه ريوتا وقع من الطابق الثاني ونزف دم كثير وانه ان لسه مغمى عليه بس قدروا انهم ينقذوه وحكى لها غالبا هذا الشيء صار لانه بيستخدم جواله على بلكونه الطابق الثاني كثير وكل هذا الوقت رينجو عم تسمع وهي ساكته بس بعدها صار يحكي لها ارجعي للبيت معي امك واخوانك مشتاقين لك فارجعي معي فهي صارت تبكي وحكت له انه ما فيني ارجع وبهاي اللحظه عرفنا سبب رفضها واللي كان انها تعرفت على شخص وصارت تواعده وطلع شخص سيء

وحط عليها ديون كثيره جبرتها انها تشتغل بالدعاره يعني بتقدر تقول انه تم الاتجار فيها بينتقل فينا المشهد للمشفى بعد مرور يومين وبنقدر نشوف انه ريوتا رجع لوعيه وكل شيء صار بالسليم وبعد مرور كم يوم كمان بنشوف انه الاب رجع للبيت بس المفاجاه انه رينجو كانت معه وبنعرف كمان انه الاب سحب اغلب الفلوس اللي كان مجمعها بحياته كامله ودفعها للدين اللي كان على رينجو واللي كان تقريبا حوالي ال 50,000 دولار بس لحتى انه يقدر يرجعها للبيت وامها رينجو استقبلتها لكن مو بالحراره اللي كنا متوقعين ها بعد مرور اسبوع ريوتا طلع من المشفى وبما انه رينجو كمان

موجوده بالبيت فراح تكون هي اول مره العيله كلها بتجتمع من سبع سنين لهيك وفعليا الاوضاع شكلها بدات تتحسن بالنسبه للعيله لكن فجاه ريي بتقوم وبتخربش بزوج امها وتسبه بدون سبب واضح كمان المشهد ما را اعرض لك اياه لكن هالمره بنشوف انه رينجو بعدتها عن الاب والعائله بشكل عام كانت متعاطفه معه بشكل اكبر وكانه كانوا شايفين كل التضحيات اللي عم بيعملها وكل الاشياء الاشياء المنيحه اللي عم حاول يقدم لهم هي بننتقل لمشهد ثاني فيرونيكا بتدخل فيه على حديقه العيله وبتشوف هم عم بيعملوا تمارين صباحيه والكل مبسوط وكانه ما في اي مشكله عندهم وبهذا الوقت نفسه الاب

والام بيعلنوا انهم واخيرا قدروا يثبتوا زواجهم بشكل قانوني يعني من ها اللحظه الامور صارت مختلفه يا صاحبي لو فهمت شو بقصد من بعدها بنشوف رينجو وهي رايحه لحتى تعطي الاكل لاخوها المنعزل اللي لحد الان لسه ما تاكدنا انه فعلا موجود اصلا بس هي المره بنقدر ناخذ نظره سريعه جوا غرفته وبنلاقي تبات زياده على الحيط قبل ما تطلع رينجو مره ثانيه من الغرفه وبعد مرور كم ساعه بنشوف الاولاد وهم عم لعبوا بحديقه البيت لوحدهم فبتل عليهم الام وهي مو ملاحظه انه طاقم التصوير موجود وبتصير تصرخ على الاولاد وتحكي لهم انها مش مهتمه لو اختفوا كلهم اصلا

وببين انها جد مزعوجه جدا منهم لانهم عم لعبوا بالحديقه والمشهد بيكون جدا غريب يا صاحبي وغير منطقي ليش انفعلت الام كل هيك بس لانه الاولاد لعبوا بالحديقه شو المشكله ففير كا بتروح لحتى تقابل الاولاد فبن شوف واحد منهم عم يرسم قط لكن الواضح ان القط ما كان بافضل حالاته مثل ما انك شايف وبنعرف انه هذا القط مات بعد ما اختفى ابوهم ودفنوا القط بالحديقه وبنشوف الورد اللي اكبر منه عم بدرس فلما فيرونيكا بتساله شو هو اللي عم تدرسه بصير يحكي لها انه عم بدرس عن الصحه البشريه وذكر انه سبب دراسته هو كلام امه المستمر عن

التامين الصحي واللي هو شيء غريب بس كان كافي للولد انه يبدا دراسه بهذا الموضوع وبينقل فينا المشهد فجاه للام وهي عم تهتم بحديقه الخضروات تبعها وبيكون شغال اغنيه طفوليه بالخلفيه لكن ما فيني اشغلها الكم لانه في عليها كوبي رايت لسبب ما وصحيح انه هذا المشهد مشمس والام واضح انها مبسوطه ومبتسمه كل الوقت لكن مع هيك اذا شفت هذا المشهد لوقت كافي راح تصير تحس وبقوه انه في شيء غلط في شيء مو بمكانه والمشهد وكانه الهدف منه هو انه يدخلك بحاله خوف بدل ما يدخلك بحاله سعاده والاغنيه بتضل شغاله بنفس الوقت اللي بننتقل فيه لمشاهد ثانيه

مثل اننا بنشوف بعض الكتابات اللي موجوده بغرفه الاخ اللي لسه ما شفناها لحد الان او سله الفواكه اللي هي المره بنشوف كل الفواكه اللي فيها مطعونه بسكين المشهد بينتهي وبننتظر مين اللي موافق على فكره اننا ننتقل لبيت جديد وفي كم فرد من العائله كان موافق على الفكره بس اكثر شخص كان من الواضح انه مزعوج من هي الفكره هي الام اللي سببا ما كان واضح عليها جدا عدم تقبل الفكره ومن بعدها بنشوف الكاميرا على الارض وكانه طاقم التصوير نسيها شغاله وهي على الارض ما بنقدر نشوف اي حدا بس بنقدر نسمع الاب والام عم بيحكوا بالغرفه اللي

جنبها والاب يصير يحكي للام انه هو حاسس وكانه في شيء مو طبيعي بالبيت يعني لحتى اوضح لك من كثر الحوادث اللي بتصير معهم بدا الاب يشك انه البيت عليه لعنه ولهذا السبب اقترح فكره انهم ينقلوا لبيت جديد وخلاص فال حكت له انه هم اصلا ما عندهم الفلوس الكافيه لحتى انهم ينتقلوا لبيت جديد خصوصا بعد ما فلوس الاب كلها تقريبا راحت لحتى يرجع رنجو للبيت فالاب ذكرها بانها حكت له من اببل عن فلوس كانت راح تحصل عليها واللي هي فلوس التامين الصحي تبع زوجها اللي اختفى لانه بعد اختفاء اي شخص بسبع سنين الدوله بتعتبره مات رسميا

ولهذا السبب قانونيا بحق لهم انهم ياخذوا فلوس التامين الصحي تبع زوجها اللي اختفى قبل سبع سنين لكن الام بتنز عج من الكلام بهذا الموضوع لهيك بينهي الكلام من بعدها فيرونيكا بتنتقل فينا لمشهد ثاني وبتبدا تحكي لنا عن الولد الثالث اللي خليتك تشوف صورته على الضريح قبل شوي فاللي بنعرفه انه هذا الولد مات لما كان عمره تسع سنين بالتحديد غرق بنهر وكان هذا هو سبب وفاته قبل سنه واحده مما يختفي الاب ولهيك الاب الحالي كان حاسس وكانه في شبح او لعنه بالبيت لانه بالبدايه الولد غرق وبعدها ابوه اختفى وبعدها صار في دين كبير على رنجو وتم

الاتجار فيها ومن بعدها الاخ الكبير حبس نفسه بغرفته وصارت حوادث كثيره اصلا فهي الاسباب كلياتها خلته يعتقد انه في مثل لعنه على البيت بالمشهد اللي بعده بنشوف فيرونيكا عم تسال افراد العائله عن شو اللي بتوقع وه يكون سبب اختفاء ابوهم قبل سبع سنين رينجو صارت تحكي انه ابوها كان شخص طيب واب صالح بشكل عام لكنه اختفى فجاه لهيك هم فعليا ما عندهم اي فكره عن سبب اختفائه ودان الصغير حكى انه ابو كان محبوب وكان يلعب معه كثير وهو صغير لكنه ما بيعرف ليش اختفى فجاه بس كل اللي بيعرفه انه صحته ما كانت بافضل حالاتها قبل

ما يختفي ووضح كمان انه امه واخواته واخوانه الكبار كمان كانوا دائما يجتمعوا ويتناقش لوحدهم بخصوص هذا الموضوع ولما فيرونيكا سالت ريوتا حكى لها انه في برنامج تلفزيوني اجا من قبل لحتى ياخذ معلومات عن عائلتهم والبرنامج التلفزيوني حكوا لهم انه في عندهم شبح بالبيت وهذا الشبح تم التقاط صوره لاله فيرونيكا سالت ميكان عن صوره الشبح وميان ردت عليها بانه الموضوع كان غريب ومخيف لدرجه انه كل ما تتذكره بتصيب قشعريره حكت انه لما شافت صوره الشبح راحت ورمتها بمكان بعيد عن البيت بس لما صحيت باليوم الثاني لقت نفس الصوره موجوده بصندوق البريد تبع البيت فراحت ورمت الصوره

بالزباله لحتى تلاقيها مره ثانيه قدام باب البيت باليوم اللي بعده ومن بعدها بيعرضوا لنا الصوره اللي ما بتكون بافضل جوده ممكنه الا انه بيكون واضح وجود وجهين مجهولين بالصوره وجهين بدون اي جسم ولما فيرونيكا سالت الاب عن الصوره حكى لها انه هو مو من نوع الاشخاص اللي بيؤمن بالمرا لكنه بدا انه يحس في شيء غريب بالبيت وانه لازم يحاول يقنع عيلته ان هم ينقلوا من هذا البيت بعدها بينتقل المشهد للبنات وهم عم طبخوا الاكل وبنلاقي عم تطبخ لحم فاخته بتعطيها انين صغيره فيها مسحوق ابيض ما بعرف شو هو وبتحكي لها انه صار وقت تحطي المكون

السري وفعلا رينجو بتاخذ المسحوق وبتحط منه على الاكل بعدها بتحط اللحم بصحن وبتعطيه له زوج امها وبتحكي له انه ها الاكله عملناها بالتحديد لك فواحد من الاخوه الصغار بيحكي او ابوي دائما كان ياكل من ها الاكله فالام بتضايق من الولد وبتحكي له انه يسكت ويكمل اكله وبعدها بنشوف رينجو وهي عم تاخذ اكل لاخوها المنعزل جوكي لكن هي المره بنقدر ناخذ نظره اعمق داخل غرفه جوكي واول شيء بنلاحظ هو مضرب البيسبول الحديد اللي بغرفته وهالمره كمان ولل المفاجاه بنقدر نشوف جوكي اللي ما كنا اصلا متاكدين انه موجود فعلا فبن قدر نشوف انه رينجو بعد ما اعطته

الاكل بدات تهمس بكلام لكوكي نحن ما سمعناه ولو انه في عندي تحلي الخاص عن الشيء اللي حكته رينجو لاني ما رح احكي لك شو هو بس رح اعطيك تلميح بسيط واللي هو انه لغه الجسد تبع جوكي بتوحي انه كان عم بيسمع شيء ويهز براسه دلاله على انه متفق معها ام بالتحديد مثلا شايف لما تتفق مع صاحبك على شي خطه معينه ويصير يهز براسه فينك تحكي انه نفس الشيء او نفس الموقف من بعدها بصير وقت العشاء والعيله بتنجم مع مره ثانيه لحتى ياكلوا وفعليا الكل بيكون مبسوط والاب بيكون عم بمزح لحد ما فجاه ومره ثانيه بتجي

ري وبتصبر على ابوها وبتبدا تضرب فيه كمان مره ولما رينجو بتحاول تسحبها عنه ري بتضرب رينجو كمان فالاب عصب وبيحكي لها انه اذا بدك تضربي حدا اضربيني لي لكن لا تفكري انك تاذي حدا من هي العيله وبيضربها كف محترم واخيرا يا صاحبي بتوقع انه كلياتنا كنا عم نستنى هي اللحظه ومن بعدها بيحكي لها انه شو ما عملت رح يضل يحبها لانه هو ابوها وهي بتهمه فريي بتبقى ساكته ومن بعدها بتركض لبرا البيت وبتهرب منه بدون ما تحكي لحدا لوين رايحه لكن من بعدها ابوها فورا بيرقد لبرا البيت حتى يرجعها لانه خايف عليها المشكله الوحيده انه

ما كان بيعرف وين را راحت وهون بيتوضي حب الاب لهي العائله لما يبقى حرفيا عم ببحث عليها لمده خمس ساعات متواصله لحد ما بالنهايه لقاها واقفه على جسر بمنطقه مظلمه فالاب راح واعتذر منها والغريب يا صاحبي انها حكت له انه هي اصلا ما بتكرهه وانه هو شخص جدا منيح فليش حابب يصير اب لهيك عائله تعيسه ومضطرب وانه هو صح شخص طيب لكنه غبي جدا بسبب هذا القرار فرد عليها بانه بحب هي العيله وانه رح يعمل اي شيء مشانه فريي صارت تبكي وتحكي انها اسفه على كل شيء عملته من قبل واللي هو شيء انا بلاقيه غريب

يا صاحبي لكن مع هيك بيدعم تحليلي بشكل اكبر لهيك رح نكمل القصه المشهد بينتهي والواضح انه ري وابوها حاليا صاروا متفقين بشكل جدا كبير والمشهد اللي بيطلع بعده هو فيديو لباب غرفه جوكي اللقطه فعليا ما فيها اي شيء ومن الممكن انه تبين عشوائيه بشكل بحث الا اذا كنت شخص بيدقق بالتفاصيل لانك رح تنتبه انه الكتابات اللي كانت على باب غرفته تغيرت لهيك خليني استعرض معكم الجمل اللي كانت موجوده واللي حاليا صارت موجوده بالنسبه للجمل اللي كانت موجوده من قبل فالجمل الاولى هي جاتسو ا باتسو ترجمتها الحرفيه هي ضربه واحده بعزيمه واللي فعليا من الممكن انها

تظهر لك وكانها شيء مرتبط بالبيسبول صح تقريبا لا لانه معناها المجازي هو انه بعض المواقف بالحياه بتتطلب منك اخذ قرار حاسم وما في عنه رجعه بلحظه واحده وانا عم بذكر لك هي المعاني المجازيه لانه بعدين من الممكن انك تستفاد منها بطريقه ما ما حدا بيعرف صح اما بالنسبه للجمله الثانيه واللي هي جوسان شيندا ترجمتها الحرفيه هي 13 ضربه لكن كمان مره معناها المجازي هو انه رغم المحاولات السابقه الفاشله الا انه ما لازم الشخص يفقد الامل ولازم يحاول مره ثانيه اما بالنسبه للجمل اللي بالمشهد الحالي فالجمل الاولى هي موكو وترجمتها الحرفيه هي النمر القوي لكن معناها

المجازي هو الموقف اللي بيتطلب من الشخص شجاعه وقوه كبيره لحتى يتصرف فيه اما الجمله الثانيه واللي هي هايا شياني ترجمتها الحرفيه هي لا يوجد خيار اخر سوى الاسراع ومعناها المجازي هو وجود الشخص بسباق مع الوقت وكانه لازم يتخذ اجراء معين او فعل معين قبل ما يفقد الفرصه ويندم على هذا الشيء ومثل ما قلت لك ولو انه هذا المشهد من الممكن انه يظهر عشوائي الا اني رح اضمن لك انه عكس هيك تماما المهم خلينا نكمل بالوثائق بعد كم يوم الاب بيستاج سياره وبيطلعوا فيها برحله عائليه لكن الغريب بالموضوع يا صاحبي انه بنشوف جوكي طالع معهم واخذ

مضرب بيسبول لرحله التخييم بتوصل العائله لمكان التخييم وبيكون واضح عليهم جدا انهم مبسوطين ولما فيرونيكا هالمره بتسال الكل عن رايهم بابوه الجديد الكل بيكون رايه انه شخص جدا جدا طيب وانه ساعدهم كثير بل وانهم تقبلوه اكثر من ابوهم اللي مختفي اصلا ومن بعدها واخيرا بنشوف فيرونيكا وهي عم بتودع العائله لانه خلص الوثائق خلص وكان لازم طاقم التصوير يمشي بس على الاقل النهايه كانت سعيده او هذا اللي توقعناه يا صاحبي لانه طاقم التصوير رجع مره ثانيه بسبب حادثه ما حدا كان متوقعها اللي صار انه بنفس الليله اللي مشي فيها طاقم التصوير الامه وقعت من جرف لما

كانت رايحه للحمام لحالها وراسها انضرب بقوه لهيك اغمى عليها بشكل كامل وتقريبا كانت را تموت وللوقت الحالي هي داخله بغيبوبه لوقت نحن ما بنعرفه ولا بنعرف اصلا اذا كانت رح تصحى بشي يوم من هي الغيبوبه مع هيك العائله بقيت مسانده وسعيده حتى بنقدر نشوف انه جوكي اندمج مع العائله وصار يفطر معهم ويلعب رياضه مع معهم فبال النهايه بنقدر نقول انه ايه النهايه كانت سعيده وتمام يا صاحبي حاليا انت يمكن لاحظت ويمكن ما لاحظت بس كان في قصتين بهذا الوثائقي مره ثانيه انا ما راح اعطيك تحليل الخاص واللي هو القصه المخفيه الكامله لكن راح اعطيك معلومات

زياده عن التلميحات اللي موجوده بالفيديو لحتى تقدر تشوف شو هي القصه المخفيه الكامله وتكتبها بتعليق وبالمناسبه اذا كان في شخص تحليله صحيح راح اثبت تعليقه تحت هذا الفيديو اولا اذا بتتذكر المقابلات اللي فيرونيكا عملتهم مع افراد العائله غالبا ما راح تتذكر انه الام كانت عم تتجسس عليهم كل الوقت غالبا لحتى تسمع شو اللي عم حكوه وهي بعض اللقطات اللي بتوضح مقصدي ثانيا لما ريوت وقع من الطابق الثاني الكل كان مشغول بشو صار بيوتا بدون ما نلاحظ انه الام كانت واقفه بالطابق الثاني اصلا وعم تطلع عليهم من فوق ثالثا بعد ما رجعت رينجو على البيت بقدر

نشوفها وهي عم تتسمع على مقابله الاب مع فيرونيكا لسبب ما رابعا ري كانت عدائيه جدا على ابوها بدون اي سبب مع انها بالحقيقه كانت بتحبه وهذا هو الشيء اللي هي اعترفت فيه بنفسها خامسا الام ما كانت بتحب حدا يقرب من حديقه الخضروات تبعها لسبب ما واذا بتتذكر لقطه اللي بتطلع فيها الام وهي عم تسقي الزرع بالحديقه وحكيت لك اني رح ارجع لها بعدين هلا صار الوقت اللي اني ارجع لها فيه لانه لما شفت اللقطه حسيت انها فعليا غريبه بنفس الوقت كان فيها شيء مالوف واللي هو تحديدا ورد الاك نايت او خوذه الشيطان لانه هذا الورد

شكله جدا حلو لكن ممكن استعماله لصنع سم جدا قوي بيقتل عن طريق سكته قلبيه وغير هيك انه صعب جدا جدا يتم اكتشافه بجثه سادسا بالرحله ولما الكل كان عم يستمتع بوقته جوكي كان ظاهر بوحده من اللقطات انه عم بتمرن تحديدا عم بتمرن على البيسبول بدون كره بس بمضرب حديدي سابعا واخيرا لا تنسى الاخ الصغير اللي غرق بالنهار قبل بسنه من اختفاء الاب انا فعلا يا صاحبي حابب اني اشوف تحليلاتكم ومثل ما قلت راح اثبت اكثر تحليل مناسب بالتعليقات وشيء كمان اذا كنت حابب تشوف الفيديوهات الجديده قبل ما تنزل بشكل عام للكل او تشوف بعض اللقطات

من خلف كواليس الفيديوهات او حتى تحصل على بعض ملفات المونتاج للفيديوهات وغيره اشياء ثانيه راح تلاقي رابط الباتريون تبعي موجود بالوصف الفتره القادمه راح يكون فيها تطويرات كثيره على المحتوى فشكرا لالكم على كل شيء كان مع قاسم سلام