في سنه 1963 عصابه مكونه من 15 شخص وضعوا خطه محكمه لتنفيذ عمليه سرقه قطار وقدروا ينفذون واحده من اكبر عمليات السرقه في التاريخ بغنيمه وصلت قيمتها ل 90 مليون دولار العمليه تم التخطيط لها بحنكه وذكاء وكانت بعد جريئه جدا تخيلوا انهم حتى استخدموا ملابس وسيارات عسكريه ومن بعد العمليه هذه راح تصير مطارده ما لها مثيل في تاريخ بريطانيا بين الشرطه وعصابه اللصوص. السلام عليكم معكم بدر قصتنا اليوم عن قضيه مشهوره في بريطانيا يسمونها قضيه سرقه القطار العظيمه وفي حتى عليها كتب ومسلسلات وافلام وثائقيه ورغم ان القصه قديمه من الستينات لكن الحلو ان الراس المدبر للعمليه
وقائد العصابه واللي اسمه بروس رينولدز ظل حي لسنه 2013 ففي مقابلات سووها وياه في افلام وثائقيه ونقدر نسمع منه الاحداث بشكل مباشر بروس ريندز راح يكون الشخصيه الرئيسيه في القصه مع انه في شخصيات كثير غيره من افراد العصابه اللي شاركوا في العمليه وحتى شخصيات من المحققين اللي حققوا في القضيه طبعا لا يغركم مظهر الشايب الضعيف هذا اللي قدامكم الرجل هذا على زمانه كان واحد من اخبث اللصوص في بريطانيا حياته كلها عباره عن سرقات هذه كانت مهنتها في الحياه وسرقه القطار ما كانت السرقه الكبيره الوحيده اللي نفذها في الواقع قبل سرقه القطار بسنه تقريبا بالتحديد بتاريخ
27 نوفمبر سنه [موسيقى] 1962 بروس رينولز وعصابته نفذوا سرقه مشهوره اسمها سرقه المطار مطار هيثرو في لندن مطار معروف وهو اكبر مطار في بريطانيا بروس رينولد وعصابته اللي كان عددهم حوالي سبعه وصلتهم معلومات ان في شحنه ماليه كبيره راح يتم نقلها من خلال المطار وما راح يكون عليها حراسه امنيه مشدده فقرروا انهم يحاولون يسرقون هذه الشحنه فتوجهت مجموعه منهم لداخل المبنى بملابس راقيه عشان ما يثيرون الشكوك ودخلوا للمبنى وركبوا للمصعد وطلعوا للطوابق العليا الطوابق العليا اطتهم القدره على مراقبه الشارع من فوق في هذه الاثناء بروس رينولد صاحب النظارات وقائد العمليه كان قاعد في السياره برا
مبنى المطار ينتظر اشاره اصحابه واحد من الرجال شاف عده سيارات ماشيه في الشارع باتجاه مبنى المطار ووسط الموكب هذا كانت فيه سياره مدرعه هذه السياره المدرعه كانت هدفهم هي اللي كانت داخلها الشحنه الماليه فلما لما شافها اعطى اشاره لاصحابه بالتحرك وعلى طول دخلوا للمصعد مره ثانيه عشان ينزلون للطابق الارضي وهني وصل موكب السيارات الى امام مبنى المطار رجال العصابه اللي كانوا نازلين في المصعد نزعوا قبعاتهم ولبسوا اقنعتهم اللي كانت تحتها بروس ريندز اللي كان ينتظر في السياره تحت ايضا لبس قناعه ونزل من السياره رجال الامن نزلوا صندوق معدني من السياره المدرعه الصندوق المعدني هذا هو
كان الشحنه الماليه اللي يستهدفونها العصابه افراد العصابه اللي كانوا في المصعد جهزوا عصيهم واستعدوا واول ما فتح باب المصعد هجموا على حراس الامن وضربوهم ضرب مبرح رجال الامن طبعا ما كانوا مسلحين وبالمناسبه في بريطانيا حتى رجال الشرطه معظمهم ما يشيلون اسلحه ناريه الاسلحه الناريه ما يشيلونها الا القوات الخاصه فكانت مواجهه جسديه وافراد العصابه تمكنوا من رجال الامن بسهوله وحتى بروس رينولدز قائد العصابه ما اضطر يتدخل بس قاعد يطالع المشهد من بعيد افراد العصابه الاضافيين اللي كانوا برا ينتظرون في السيارات على طول حركوا سيارات خياراتهم للمبنى بسرعه ووقفوا عند البوابه وبسرعه افراد العصابه شالوا الصندوق المعدني
وحطوه في واحده من سياراتهم وكل افراد العصابه بسرعه ركبوا في السيارات وهربوا من المكان افراد العصابه بعد ما رجعوا لمقرهم وفتحوا الصندوق تفاجوا ان كل اللي فيه كان حوالي 62000 جنيه استرليني او باوند بريطاني المبلغ هذا كان اقل من المتوقع كانوا يتوقعون مبلغ يوصل ل 400000 باوند لكن كل اللي حصلوه كان مجرد 62000 باوند طبعا لو نحسبها بقيمه فلوس اليوم يظل مبلغ حلو يطلع فوق المليونين دولار لكن بعد ما يخصمون منه المصاريف وتكاليف العمليه ويقسمونه على عددهم طلعت حصه الواحد فيهم حوالي 120,000 دولار بس مبلغ جيد لكنه يعني كان اقل من المتوقع بكثير يعني كانت
السرقه هذه المفروض تكون شيء ضخم يضبط لهم حياتهم كلها فصار نقاش عصبي بينهم شوي وكثير من اللوم كان موجه للزعيم بروس رينولد اللي كان الراس المدبر فبروس قال لهم هذه طبيعه شغلنا ما في شيء مضمون بس هذا مش معناه انه ما راح ناخذ فرصنا لما تجي المعلومات والارقام ما دائما بتكون دقيقه في النهايه بروس هداهم وقال لهم خلاص يعني صار اللي صار كان حظنا مش الافضل هالمره لكن اوعدكم عمليتنا الجايه راح تكون اكبر وفعلا بيكون على قد كلامه لان العمليه الجايه بتكون عمليه القطار اللي راح تكون سرقه القرن بدون مبالغه لكن خلال الاشهر اللي بعدها
بروس وعصابته تعرضوا لبعض المضايقات من الشرطه والمحققين على خلفيه سرقه المطار الشرطه كانوا شاكين فيهم وعندهم معلومات من مخبرينهم انهم هم اللي نفذوا العمليه وحتى تم استدعاهم للتحقيق وفي بعضهم تحاكموا لكن للاسف الادله ضدهم ما كانت كافيه او قاطعه فما تمت ادانه ولا واحد منهم فبعدها تجمعوا افراد العصابه عشان يحتفلون بنجاحهم في التخلص من قبضه الشرطه والسلطات وهني حتى نشوف صور حقيقيه لبعض تجمعاتهم كانوا يوثقونها بالصور وعايشين حياتهم الجماعه خلال هذا التجمع صار نقاش بين بروس وواحد من اصحابه المقربين في العصابه واللي كان اسمه تشارلي ويلسون تشارلي كان من اقدم اصحاب بروس وصار لهم سنين
طويله شغالين مع بعض خلال محادثتهم تشارلي كان شوي محبط ويشتكي لبروس ان حظهم صاير عاثر هالفتره بروس حاول يرفع من معنويات صاحبه واكد له انه قاعد يدور الحين على عمليه جديده وان العمليه هذه اكيد بتكون اضخم من اي شيء سووه قبل وقال له انه لازم يخلي اللي احلامه دائما كبيره خلال هذا التجمع بعد كان في محقق اسمه فرانك ويليامز قاعد يراقب افراد العصابه من بعيد ولما سنحت له الفرصه اقترب من بروس وبدا يكلمه المحقق فرانك كان عارف ان بروس هو مدبر عمليه سرقه المطار بس طبعا مثل ما قلنا الشرطه ما كان عندهم دليل قاطع عليهم
اللقاء بين هذ الرجلين كان مشحون لان كل واحد يعرف من الثاني بروس يعرف ان فرانك محقق وفرانك يعرف ان بروس لص خلال المحادثه فرانك سال بروس قال له ايش رايك في سرقه المطار اللي صارت؟ فقال بروس ما اعرف عنها الا الاخبار اللي قريتها في الجرائد هنيئا للي سووها هني فرانك تمسخر على اللصوص وقال اكيد انهم تحطموا لما فتحوا الصندوق وشافوا المبلغ اقل من المتوقع فبروس رد عليه وقال له بس 60000 اكيد تظل مبلغ حلو على عمليه ما استغرقت 20 دقيقه فقال لفرانك ممكن بس اكيد اللي خطط للعمليه هذه ما كان هذا طموحه ارتكب اخطاء غبيه
ما يرتكب بونها حتى المبتدئين كان فرانك كانه يحاول يستفزه بس بروس ظل محافظ على هدوء اعصابه وقال له يمكن يومك سعيد ومشى وخلاه هذا كان اول لقاء بين هذين الرجلين اللي بتصير بينهم مواجهات مستقبليه قويه فخلوا اسم المحقق فرانك هذا في بالكم هني بيدخل شخص مهم في القصه الشخص هذا اسمه براين فيلد الرجل هذا كان يشتغل كمحامي لكن ممكن نسميه محامي فاسد لانه داخل في عالم العصابات والامور الغير قانونيه وكونه شخص يشتغل في دوائر القضاء والدوائر الحكوميه فكان عنده اطلاع على بعض الامور اللي افراد العصابه العاديين ما يقدرون يطلعون عليها فهذا المحامي الفاسد كانت تجمعه
علاقه بافراد عصابه بروس رينولت ففي يوم من الايام ثلاثه من افراد العصابه واللي هم جوردن جودي وتشارلي ويلسون وروي جيمس التقوا بهذا المحامي هني بقول لكم ملاحظه واللي هي انه مش ضروري تتعبون انفسكم بحفظ اسماء اسماء افراد العصابه لانه في شخصيات كثيره في هالقصه ومش مهم تتذكرون اسمائهم المهم المحامي الفاسد براين فيلد قالهم انه عنده مصدر يشتغل في هيئه النقل والقطارات وقالهم ان هذا الشخص عنده معلومات قويه ممكن تؤدي لعمليه سرقه نوعيه افراد العصابه بعد ما خذوا المعلومه هذه من المحامي الفاسد براينفيلد اجتمعوا بعضهم بهذا الشخص اللي اشتغل في هيئه القطارات واللي ما تم الكشف
عن اسمه راح نلقبه العميل عميل المندس فالعميل المندس هذا خبرهم خبر افراد العصابه عن قطار يتحرك من مدينه جلاسو في سكوتلندا ويوصل الى لندن في انجلترا وقال لهم ان العربه الثانيه في هذا القطار يعني العربه اللي بعد عربه المحرك كانت عربه تابعه للبريد الملكي وعربه البريد الملكي هذه تحمل داخلها شحنه يسمونها الشحنه عاليه القيمه الشحنه هذه عباره عن فلوس كميه كبيره من الفلوس الكاش اللي جايه من البنوك الاسكتلنديه هذه الاموال يسمونها الاموال الفائضه فيتم ارجاعها من اسكتلندا الى لندن على متن هذا القطار وايضا على الطريق [موسيقى] يتم اضافه اي اموال فائضه من المدن اللي يمر
عليها القطار فتتراكم الاموال بشكل اكبر داخله فسالوه افراد العصابه وقالوا له طيب كم عدد رجال الامن اللي يحرسون عربه البريد هذه فقال لهم ما في ولا رجل امن داخل العربه في خمسه رجال من عمال البريد وبس [موسيقى] هني افراد العصابه تحمسوا وسالوه طيب وبخصوص بقيه القطار فقال لهم القطار يشيل 70 راكب بالمجمل لكن عربه البريد اللي في الامام ما فيها اي ركاب فقط الشحنات والبريد ومن ضمنها الاموال سالوه طيب كم المبلغ او الاموال اللي تكون في عربه البريد بالعاده فقال لهم ما اقدر اعطيكم رقم دقيق لان الرقم يتغير لكن تقديري انها ما تقل عن مليون
باوند ويمكن خلال الاجازات يكون الرقم اكبر افراد العصابه اول ما سمعوا الرقملهم وبدوا يسرحون في الافكار والتخيلات هذه ممكن تكون فرصه العمر مليون باوند بقيمه فلوس اليوم توصل لحوالي 35 مليون دولار يعني مبلغ خرافي بروس رينولدز ومعاه افراد عصابته راحوا للمحطه اللي ينطلق منها هذا القطار عشان يلقون عليه نظره بانفسهم وانذهلوا لما شافوا حجم وكميه اكياس الاموال اللي قاعدين يحملونها في عربه البريد كانت تدل على ان في كميه اموال ضخمه ينقلها هذا القطار وهني بدا لعابهم يسيل وبدوا بعدها يتناقشون احلى شيء في الموضوع بالنسبه لهم ان ما في لا رجال شرطه ولا حراس امن يرافقون
هذه الاموال بس خمسه من عمال البريد لكن الشيء اللي خوفهم شوي ان هذا البريد هو البريد الملكي بريد ملكه بريطانيا فلو سرقوه بتنجوله كلها وبتسعى وراهم بكل الطرق الممكنه بس طبعا هم ما كانوا ناويين يخلون هالشيء يثبطهم او يمنعهم من تنفيذ العمليه الشيء المقلق الثاني كان عدد ركاب القطار اللي ممكن يوصل عددهم ل 70 شخص فكانوا يفكرون هل الركاب ممكن يتدخلون ويخربون عمليتهم بس بروس قالهم ان هذه مشكله بسيطه واكيد بيحصلوا لها حل بعد عده ايام افراد العصابه اجتمعوا في بيت بروس عشان يحطون الخطه ويتناقشون في التفاصيل اول نقطه تناقشوا فيها هي وين ممكن ينفذون
السرقه وين راح يوقفون القطار اول شيء فكروا فيه انهم راح يعترضون طريق القطار بشكل مبكر بعد ما يط تطلع من محطتها الاولى في اسكوتلندا لكن بروس قال لهم لا لازم نخلي القطار يمر على المدن والمحطات ويجمع اكبر كميه ممكنه من الاموال في طريقه قبل ما نسرقه لازم السرقه تكون على نهايات طريق القطار يعني افضل مكان للسرقه بيكون قبل ما يوصل القطار لمحطته الاخيره في مدينه لندن لكن خارج المدينه في المناطق الريفيه المناطق اللي تكون غير ماهوله بعد ما اتفقوا على المكان التقريبي اللي راح يعترضون فيه القطار الحين السؤال اللي بعده هو كيف راح يوقفون القطار؟
البعض اقترحوا يحطون شيء على السكه او يوقفون سياره او مركبه تعترض السكه فسائق القطار بيوقف غصبا عنه لكن بروس قال لهم ان هذه الطريقه راح تنذر سائق القطار وتخليه متحذر ويمكن تصنع مشاكل اثناء العمليه قال لهم لازم نحصل طريقه هاديه وخفيه عشان نوقفه بدون ما سايق القطار يشك او ينذر اي حد لازم نوقف القطار بطريقه طبيعيه هني واحد منهم ذكر ان في اشارات موجوده على السكه ولو الاشارات هذه كانت حمراء المفروض السايق يوقف القطار وفعلا هذه الاشارات مثل اشارات المرور اللي تكون على جانب سكه القطار ولو شافها سايق القطار مضاءه باللون الاحمر المفروض يوقف لانه
معناها انه في عائق او مشكله في السكه قدامه فافراد العصابه قرروا ان هذا احسن حل يستخدمون الاشارات بس للاسف ما احد منهم كان يفهم في الامور الالكترونيه او يعرف كيف ممكن يتعامل مع الاشارات هذه هني واحد من افراد العصابه اللي اسمه بستر ادوارد تذكر شخص فقال لهم انا اعرف شخص يشتغل كبائع زهور لكني سمعت انه في مره من المرات قدر يوقف قطار الشخص هذا باع الزهور كان ايضا من ضمن معارفهم في عالم الجريمه يعني ما كان بائع زهور في الواقع بس يستخدم المهنه هذه كغطاء فبروس قال لبستر ادوارد تمام شوف هذا الشخص وساله اذا كان
ممكن يشتغل ويانا او يشاركنا في العمليه باستر ادوارد راح لبائع الزهور واللي كان اسمه روجر كوردري وبدا يكلمه ويناقشه في الموضوع قال له نريد نوقف قطار وسمعنا ان عندك المهاره اللازمه للشيء هذا روجر قال لبستر انه ممكن يساعدهم بس يحتاج تفاصيل اكثر عن العمليه فبستر شرح له التفاصيل وقال انهم يتوقعون مبلغ كبير ممكن يوصل لمليون باوند هني روجر تحمس وقال له تمام بس عصابتي لازم تشارك في العمليه يعني روجر يريد عصابته يكونون الشركاء بحصص متساويه وهي عصابه بروس روجر وعصابته كان عددهم اربعه بستر ادواردز رجع لبروس وعصابته بالخبر وبعضهم كانوا معترضين ويقولون مستحيل نخليهم شركاء
هذه عمليتنا اكثر اثنين كانوا مبتعضين من الموضوع كانوا تشارلي ويلسون وجوردن جودي لكن بروس هداهم وقال لهم راح ندخلهم ويانا ما عندنا خيار ثاني اول شيء في 70 راكب في القطار واذا الامور خرجت عن السيطره نحتاج اشخاص اكثر عشان نسيطر على الوضع والشيء الثاني اذا كان عدد الاكياس كبير مثل ما نتوقع ففي كل الاحوال نحتاج اي دعامله اكثر عشان ننقل هذه الاموال بسرعه والشيء الثالث والاهم انه ما نعرف كيف نوقف قطار ما نعرف كيف نغير الاشارات فاذا ما اشركنا روجر وعصابته فكيف راح ننفذ العمليه اساسها رغم الامتعاظ اللي حسوا فيه بعض افراد العصابه بس كلام
بروس كان مقنع وخلاص انحسم الموضوع عصابه روجر باع الزهور راح تكون جزء من العمليه بعدها بفتره اجتمعوا عصابه بروس وعصابه روجر مع بعض عشان يتناقشون في الخطه وتفاصيلها. حصلوا بعض الخرائط لمسار القطار وحددوا ان افضل نقطه لتنزيل الاموال من القطار بتكون عند الجسر رقم 127. الجسر هذا كان جسر يقع في المناطق الريفيه قبل مدينه لندن وكانت مناطق غير ماهوله ما فيها الا بعض المزارع. وهذه النقطه بتكون على نهايه مسار القطار. يعني القطار بيكون جمع اكبر كميه ممكنه من الاموال خلال وقوفه في المدن والمحطات السابقه اللي امتدت من جلاسكو في اسكوتلندا الى لندن في انجلترا كانت
في مزرعه قريبه من الجسر 127 ولحسن حظهم كانت معروضه للبيع فقرروا انهم راح يشترونها وبتكون هي مركز عملياتهم بروس وروجر بائع الزهور راحوا مع بعض لمكان الجسر هذا وتفقدوه عن قرب وبعدها راحوا للسكه وشافوا الجسر اللي عليه اشاره التوقف هذه الاشاره لما تكون حمراء المفروض سائق القطار على طول يوقفه عندها لكن الجسر اللي راح ينزلون الفلوس من القطار عنده كان قدام شوي يبعد كيلومتر تقريبا عن الاشاره فبعد ما يوقفون القطار عند الاشاره هذه لازم يحركون القطار بنفسهم للامام مسافه كيلومتر الى الجسر بس ما راح يحركون القطار كله لا الخطه انهم بيوقفون القطار عند الاشاره وبعدها
راح يفصلون العربتين الاماميتين اللي هم عربه المحرك وعربه البريد وبيمشونهم للجسر بروحهم وبيتركون بقيه عربات القطار اللي فيها الركاب عند الاشاره هذا الشيء بيريحهم من موضوع التعامل ويا الركاب روجر قال لبروس ان هذه الاشاره الرئيسيه الكبيره لكن في اشاره ثانيه صغيره موجوده على الارض قدام هذه الاشاره تكون على مسافه كي متر ورا قبل الاشاره الكبيره الاشاره الصغيره اللي على الارض وظيفتها انها تكون اشاره تمهيديه لسائق القطار عشان تنبهه اذا كان يحتاج يوقف عند الاشاره الكبيره الاشاره الكبيره فيها لونين اخضر واحمر اما الاشاره الصغيره فيها لونين لكنهم اخضر واصفر فروجر اخذ بروس للاشاره الصغيره وبدا يشرح
له كيف ممكن يغير لونها من الاخضر للاصفر وقال له ان اللون الاصفر ينبه سائق القطار انه لازم يستعد للوقوف عند الاشاره الكبيره روجر طلع صندوق كهربائي وفتح الاشاره من ورا ووصل بعض الاسلاك بالاشاره وبكذا اشتغلت اللمبه الصفراء لكن ايضا لا زالت اللمبه الخضرا شغاله فقال لبروس وكيف راح نطفي اللمبه الخضراء فهني روجر طلع قفاز وبكل بساطه غطى اللمبه الخضراء بالقفاز فبينت كانها طافيه بروس استغرب وقال له هذا كل شيء حطيت عليها قفاز فقال له روجر ايوه بروس قال له حسبتك بتسوي شيء فني تقني رهيب فضحك روجر وقال له حلاوه الامور في بساطتها براين فيلد المحامي
الفاسد اوكلت له مهمه شراء المزرعه المعروضه للبيع واللي كانت قريبه من الجسم اللي راح يستخدمونها العصابه كمقر لهم خلال العمليه فراح براين فيلد للمزرعه هذه عشان يشوفها ويتفحصها عن قرب بعدها براين فيلد اجتمع ببروس وعصابته وبدا يكلمهم عن المزرعه وحجمها وان البيت اللي فيها واسع والارض اللي حولها تتسع لعدد كبير من السيارات وفيها حتى مستودع كبير الخطه كانت انهم راح يدفعون عربون 10% لشراء المزرعه ويسجلونها باسم وهمي وبعد ما يخلصون من عمليتهم راح يسحبون على عمليه الشراء لكن طبعا بعد ما ينفذون عمليه سرقه القطار المزرعه هذه لازم تتنظف وتنمسح منها كل الاثار اللي ممكن افراد
العصابه راح يتركونها وراهم هذه المهمه ايضا تم توكيلها للمحامي الفاسد براين فيلد هو قال انه يعرف شخص متخصص باعمال التنظيف وراح يتخلص من كل اثر يتركون العصابه وراهم في المزرعه طبعا عمليه التنظيف هذه يقصدون فيها انهم راح يحرقون المكان بشكل كامل ويتخلصون من كل شيء فيه فعمليه يه التنظيف هذه خلاص بيمسكها المحامي بدات خطتهم تتبلور بشكل حلو لكن كانت في نقطه مارقى ب روؤس واصحابه خلال العمليه بعد ما يفصلون العربتين الاماميتين راح يحتاجون يحركون القطار من الاشاره الى الجسر اللي راح ينزلون عند الاموال فكانوا يفكرون اذا مثلا السايق رفض يتعاون وياهم لو السايق رفض يحرك
القطار كيف راح يتصرفون فلازم يتعلمون كيف ممكن يحركون القطار اذا احتاجوا هالشيء خلال العمليه فبروس وواحد من اصحابه اللي هو جوردن جودي تسللوا لمحطه قطار رئيسيه هذه كانت واحده من المحطات المركزيه اللي تتجمع فيها القطارات وظلوا يدورون فيها الين ما حصلوا مقصوره قياده متروكه بروحها بدون مراقبه فدخلوا مقصوره القياده وبدوا يلعبون بالاجهزه والاذرع اللي فيها ما كانت عندهم ادنى فكره عن اللي قاعدين يسوونه نهائيا بس بطريقه ما قدروا يشغلون القطار وبعدها بداوا يضغطون ويحركون الاذرع الين ما بدا القطار يتحرك كانوا مستانسين في البدايه بس بعدها بداوا يستوعبون ان القطار قاعد يتسارع فبروز قال لجوردن انه
يوقفه جوردن قام يخبص ويحاول يضغط الازرار ويحرك الاذرع لكن القطار ما راضي يوقف هني يعرفوا انه ما عندهم خيار الا انهم يقفزون من العربه ويتركون القطار هذا يتحرك على السكه بروحه كان موقف غريب وحقيقي بروس رينولدز ذكره بنفسه خلال مقابلاته لحسن الحظ ان القطار هذا ما سبب حادث لانه ما كان في خبر عنه في الجرايد فتطمنوا انه على الاغلب ما سبب مشكله ولا كانت بتنتشر عنها اخبار في اليوم اللي بعده اجتمعوا كل افراد العصابه اللي راح يشاركون في العمليه افراد عصابه بروس وافراد عصابه روجر بائع الزهور وايضا بعض الاشخاص الاضافيين اللي قرر بروس انه يشركهم
في العمليه العدد الاجمالي لافراد العصابه كان 15 شخص عدد محترم وبروس بدا يشرح التفاصيل للجميع قال لهم اول شيء راح نتنكر بملابس عسكريه وايضا راح نستخدم سيارات وعربات عسكريه عشان تكون تحركاتنا في المنطقه بعيده عن الشبهات لان الجيش وعرباته احيانا يتحركون في هذه المناطق قصد المناطق الريفيه اللي حوالين مزرعتهم فالفكره انهم راح يتنكرون كوحده عسكريه قاعده تسوي مناورات ليليه او شيء من هالقبيل عشان ما احد يشك فيهم وحتى لو بالصدفه خلال العمليه قابلوهم شرطه مثلا فالجيش عنده سلطه اعلى من الشرطه فما بيقدرون يسووا لهم شيء بروس ايضا قال لهم ان بعد ما يوقفون القطار عند
الجسر لازم مده تنزيل الاموال ما تتج تجاوز 15 دقيقه وايضا قالهم انهم ما راح يشيلون وياهم اي اسلحه ناريه راح يستخدمون العصي وبس البعض كانوا معترضين على هالنقطه خصوصا ان هذه عمليه كبيره ويمكن في عدد كبير من الركاب في القطار والامور ممكن تخرج عن السيطره فيحتاجون اسلحه عشان يتاكدون ان الامور ما تخرج عن السيطره بس بروس رفض وقال لهم اذا شلنا معانا مسدسات فممكن ينتهي فينا الحال باستخدامها واحنا هدفنا الفلوس وبس ما نريد اي تصعيدات ما لها داعي عددنا كافي للسيطره على الامور بدون اسلحه روس كان متخوف انه لو حد مات لا قدر الله خلال
العمليه فممكن القضيه تاخذ بعد ثاني تماما الناس كلها راح تكرههم الكل راح يحاولون يبلغون عليهم السلطات راح تسوي كل شيء تقدر عليه عشان تحصلهم فكان يريد يتجنب هالشيء بروس ايضا قال لافراد العصابه ان المزرعه راح تكون مركز عملياتهم وراح يروحوا لها قبل عده ايام من العمليه ويجهزون كل شيء هناك وايضا الخطه ان بعد العمليه راح يرجعون للمزرعه مره ثانيه ويتخبون فيها الين ما تهدا الامور ايضا خلال هذا الاجتماع تم التاكيد مره ثانيه ان براين فيلد المحامي الفاسد راح يتولى مهمه تنظيف المزرعه بعد انتهاء العمليه براين فيلد اكد انه يعرف رجل محترف اختصاصه التنظيف وهو راح
يتولى الموضوع ويحرق المزرعه بالكامل وما راح يترك اي اثر وراه في نهايه الاجتماع بروس قال لهم ارجعوا الحين لبيوتكم وعطوا عائلاتكم وزوجاتكم الاهتمام اللي يستحقونه وراح اشوفكم في المزرعه يوم 6 اغسطس وصلنا لتاريخ 6 اغسطس 1963 التاريخ اللي راح يجتمعون فيه كل افراد العصابه في المزرعه بطريقه ما قدروا يدبرون بعض العربات العسكريه مش واضح هل سرقوها ولا صبغوها عشان تبدوا كانها عربات عسكريه هذه التفاصيل ما تم ذكرها في المصادر بس لو تريدون رايي على الاغلب انهم صبغوها وعدلوها عشان تبدوا كعربات عسكريه كانت عباره عن سيارتين لاند روفر وشاحنه متوسطه الحجم راح يستخدمونها في نقل الاموال
وهذه اللي قدام قدامكم صور ولقطات حقيقيه للمركبات هذه بعدها افراد العصابه نزلوا اغراضهم ومانهم لبيت المزرعه عشان يتجهزون للايام الجايه بروس جمع الكل وقال لهم الحين راح كلنا نبدل ملابسنا الى اوفر اول لان راح نتقمص دور عمال الديكور والصبغ وقال لهمذكروا دائما لازم تلبسون قفازات طول الوقت وحاولوا انكم ما تتركون اي بصمات في اي مكان لازم نكون حذرين طبعا صح المزرعه راح تنحرق بس هو يقول لهم هالكلام احتياطا لازم يحاولون ما يتركون اثار وراهم في كل الاحوال افراد العصابه بدا يحطون المؤن داخل البيت ويجهزون الامور اللي سكنهم وهم متحمسين للعمليه كلهم لبسوا الاوفرول عشان يتنكرون
كعمال ديكور وصباغين بس هني فجاه دق باب البيت فطالعوا بعض بنظارات استغراب لانه ما المفروض حد يجي ما كانوا يتوقعون اي احد بروس راح وفتح الباب وتفاجا برجل الرجل قال لهم انه صاحب المزرعه لقريبه منهم وساله اذا كان هو المالك الجديد للمزرعه هذه فقال لبروس لا المالك مش موجود حاليا احنا عمال الديكور جايين نعدل المكان ونضبطه قبل ما المالك الجديد ينتقل اذا تريد تقابله تعال بعد اسبوعين فقال للرجل اها تمام شكرا راح الرجل هذا بس نظراته للمكان مقلقه حسسهم بشويه توتر افراد العصابه كلهم كانوا مترقبين وينتظرون متى راح تبدا العمليه ما كانوا عارفين اذا راح
ينفذون العمليه الليله ولا لا بروس حاول يهدي اعصابهم وقال لهم احنا ننتظر الاشاره الاشاره هذه كانوا ينتظرونها من العميل المندس الرجل اللي خبرهم عن الموضوع من البدايه واللي يشتغل في هيئه القطارات واللي ما نعرف هويته الرجل هذا هو اللي بيخبرهم باليوم المناسب لتنفيذ العمليه لانه يعرف اليوم اللي بيكون القطار شايل فيه اكبر كميه ممكنه من الاموال ناموا افراد العصابه هذيك الليله في المزرعه في انتظار اليوم التالي للاسف خلال اقامتهم هذه استخدموا كل المرافق والحمامات اللي فيها وتركوا اثار في المكان ما كانوا حذ ين مثل ما وجههم بروس في ليله هذاك اليوم العميل المندس كان قاعد
يراقب الاكياس اللي تتحمل في القطار وشاف ان الكميه كبيره فبسرعه تواصل مع افراد العصابه وقالهم ان الليله هي الليله القطار تحرك وهو شايل كميه اكياس اموال كبيره وجا وقت التنفيذ جوردن جودي وصل الخبر لافراد العصابه وقال لهم يتجهزون الليله ليله تنفيذ العمليه القطار غادر مدينه جلاسكو في اسكوتلندا وراح يوصل الليله صوبهم القطار فعلا كان ماشي في طريقه وهو محمل بكميه اموال كبيره في عربه البريد الملكي واللي كان يرافقها خمسه من عمال البريد افراد العصابه لبسوا الملابس العسكريه واخذوا عصيهم وطلعوا من المزرعه على طول وبعدها تحركوا بسياراتهم وشاحنتهم العسكريه باتجاه سكه القطار كانوا كلهم مترقبين بس
متحمسين في نفس الوقت على الساعه 1 ون30 الفجر وصلوا بسياراتهم العسكريه الى الجسر 127 اللي راح ينزلون الاموال عنده بعضهم راح يظلون عند الجسر ومعاهم السيارات والشاحنه اللي واقفه تحت الجسر اما البقيه فراح يتقدمون على رجولهم الى الاشاره الكبيره اللي بيوقفون القطار عندها واللي راح يتقدمون عند الاشاره لبسوا اوفرولز فوق ملابسهم العسكريه لانهم كانوا يريدون يتنكرون بلبس عمال عشان في حال شافهم سايق القطار او مساعده او حتى الركاب يحسبونهم عمال تابعين للسكك الحديديه القطار ظل يمر على المدن والمحطات الين ما وصل للمحطه اللي قبل الجسر وحتى في هذه المحطه حملو اكياس اموال اكثر في عربه
البريد يعني القطار طول الطريق ماشي ويحمل فلوس اكثر واكثر روجر باع الزهور ومعاه بروس بالاضافه لفرد ثالث من العصابه راحوا مع بعض عند الاشاره الصغيره اللي على الارض وروجر بدا يعلم فرد العصابه كيف يغير الاشاره الصغيره من اللون الاخضر للون الاصفر لان روجر بيتولى الاشاره الكبيره فلازم شخص ثاني يتولى الاشاره الصغيره فبعد ما علمه كيف يتولى موضوع الاشاره الصغيره هو راح ومسك موضوع الاشاره الكبيره بنفسه بروس اكد وياه على تفاصيل الخطه قبل ما يتركه لان بروس راح يرجع للجسر اللي واقفه عند الشاحنه والسيارات وراح يستمر التواصل بينهم من خلال اجهزه الراديو كل شخص صار في
موقعه والحين الكل مترقبين وينتظرون لحظه وصول القطار وبعد ما مضت فتره اخيرا شافوا اضواء القطار وهي تقترب من بعيد وبروس اعلن بالراديو لاصحابه ان العمليه بدت فرد العصابه اللي كان مسؤول عن تغيير الاشاره الصغيره غير الاشاره من الضوء الاخضر للاصفر وروجر اللي كان مسؤول عن الاشاره الكبيره غير لونها من الاخضر للاحمر القطار لما بدا يقترب من الاشاره الصغيره سائق القطار ومساعده لاحظوا ان الاشاره منوره باللون الاصفر فعرفوا انهم لازم يهدون السرعه استعدادا للوقوف عند الاشاره الكبيره وفعلا لما اقتربوا من الاشاره الكبيره شافوها منوره باللون الاحمر فهني وقفوا القطار بشكل كامل افراد العصابه كانوا متخبين على
جانب السكه ورا حائط صخر بعد ما وقف القطار تماما عند الاشاره الحمراء الكبيره السائق ومساعده كانوا مستغربين لانهم ما شافوا اي عائق على السكه قدامهم وما كانوا فاهمين سبب التوقف فالسائق قال لمساعده ينزل ويستخدم التلفون اللي عند جسر الاشاره عشان يتصل بالمسؤولين عن الاشارات يعني كان في تلفون جنب الاشاره يقدرون يستخدمونه في التواصل بين المحطات والاشخاص المسؤولين عن تنظيم حركه القطارات لكن افراد العصابه كانوا قاطعين خط التلفون هذا اساسا في هذه اللحظه بعض افراد العصابه تسللوا خلف عربه البريد اللي هي عربه الاموال عشان يفصلونها هي والعربه الاماميه عربه المحرك عن بقيه القطار في نفس الوقت
مساعد السائق نزل من القطار وراح صوب التلفون اللي عند جسر الاشاره افراد العصابه لما شافوه عرفوا انه ناوي يحاول يستخدم التلفون وعرفوا انه لما يرفع السماعه ويكتشف ان الخط مقطوع راح يحس انه في شيء غلط فلازم يتدخلون بسرعه ويمسكونه قبل ما ينبه السائق فواحد منهم شال قناعه وطلع من مخ اخباه واشر لمساعد السائق من بعيد انه يجي صوبه مساعد السائق اول ما شافه استغرب وقال في نفسه منو هذا بس مثل ما قلنا اللصوص اللي عند الاشاره كانوا لابسين اوفرول فوق ملابسهم العسكريه فمساعد السائق حسبه واحد من عمال السكه فراح صوبه واقترب منه عشان يساله ايش
صاير افراد العصابه استدرجوه بهذه الطريقه عشان يخلونه يرجع ورا عربه القياده فبالتالي السائق اللي بعده في المقصوره ما يقدر يشوفه وفعلا لما رجع وتجاوز مقصوره القياده وصار خارج مجال رؤيه السائق هني بعض افراد العصابه تسللوا من وراه وطرحوه على الارض ومباشره هددوه وامروه انه يظل هادي وما يطلع اي صوت مساعد السائق طبعا على طول خضع وقال لهم حاضر راح اسوي اي شيء تريدونه هني بعض افراد العصابه قرروا يتسللون لمقصوره القياده اللي فيها السائق لكن السائق لاحظ واحد منهم وحاول يضربه وهني تسلل واحد ثاني من وراه وضربه بالعصا على راسه وطرحه على الارض واصاب اصابه شديده
كانت ضربه موجعه في هذه الاثناء افراد العصابه اللي كانوا قاعدين يفصلون العربه عن القطار قدروا اخيرا يفصلونها لكنهم ايضا فصلوا انبوب الضغط بدون ما ينتبهون في نفس الوقت عمال البريد اللي كانوا داخل عربه الاموال بدوا يسمعون اصوات وبعضهم يمكن فكروا ان في شيء غلط صاير بس في كل الاحوال ظلوا في اماكنهم بعد ما تم فصل العربتين الاماميتين افراد العصابه جابوا سائق القطار المصاب وامروه انه يحرك القطار السا لما شاف عداد الضغط قالهم انه في هواء في الانابيب والضغط نازل وما يقدر يحرك القطار واحد من افراد العصابه نزل عشان يشيك على انبوب الضغط وفعلا حصل الانبوب
مفصول فراح وركبه وقدر يرجعه لمكانه اخيرا بدا الضغط يرتفع ويرجع لمستواه الطبيعي وبعد دقائق السائق قدر يحرك القطار او بالاحرى العربتين الاماميتين اللي هم عربه القياده وعربه البريد اما بقيه عربات القطار اللي فيها الركاب فتركوها وراهم افراد العصابه طبعا كانوا فرحانين ومستانسين اخيرا القطار وصل عند الجسر اللي راح ينزلون عنده الاموال الجسر اللي واقفه تحته سياراتهم وشاحنتهم وهناك كان ينتظرهم بروس وبقيه افراد العصابه اللصوص امروا السائق يوقف القطار عند الجسر وبعد ما وقف القطار بروس سالهم ليش تاخرتوا فقالوا له انهم واجهوا بعض المشاكل لكن الامور انحلت بعدها افراد العصابه اقتحموا عربه البريد وهددوا عمال البريد
اللي داخلها وضربوهم حتى وامروهم بالانصياع عمال البريد ظل خلوا منبطحين على الارض وكلهم على طول انصاعوا لاوامر اللصوص. افراد العصابه بسرعه شيكوا على اكياس الاموال اللي كانت في العربه وكانوا طايرين من الفرحه لما فتحوا واحد منها وشافوه مليان بالكاش وعلى طول بعدها بداوا ينقلون الاكياس من العربه الى الشاحنه العسكريه ورغم عدد افراد العصابه اللي وصل ل 15 شخص الا ان عمليه نقل الاكياس خذت منهم وقت بروس كان محدد 15 دقيقه لعمليه نقل الاموال ولما خلص الوقت قال لهم يلا خلونا نتحرك مع انه كانت في بعض الاكياس القليله باقيه في العربه افراد العصابه رموا السائق ومساعده
على الارض مع عمال البريد وهددوهم وقالوا لهم ما احد منكم يتحرك لمده 30 دقيقه وقالوا لهم في واحد منا راح يظل هني ولو تحركتوا قبل الوقت المحدد راح تنالون عقابكم طبعا كان كذب ما احد منهم راح يظل هني لكن التهديد هذا كان كافي انه يخوفهم ويخليهم ينتظرون لمده 30 دقيقه الين ما هم يبتعدون عن المكان بعدها افراد العصابه ركبوا شاحنتهم وسياراتهم العسكريه وتحركوا من عند الجسر وتوجهوا مباشره الى المزرعه على الساعه 3 و45 45 الفجر يعني عمليه السرقه بالمجمل استغرقت حوالي الساعتين وربع بعد ما مضت 30 دقيقه السائق ومساعده وعمال البريد طلعوا من العربه ببطء
وبدوا يتلفتون حولهم عشان يتاكدون ان اللصوص تركوا المكان وبالمناسبه حتى عربات الركاب اللي ظلت عند الاشاره بعد ما فصلوا اللصوص العربتين الاماميتين ظلت واقفه في مكانها لفتره الين ما استوعبوا الناس وعمال القطار اللي كانوا موجودين داخلها ان عربه القياده تم فصلها في هذه الاثناء افراد العصابه وصلوا بسياراتهم للمزرعه وبسرعه بداوا ينقلون اكياس الاموال لداخل البيت بروس نبههم انهم يظلون حذرين ويظلون لابسين قفازاتهم طول الوقت افراد العصابه كلهم كانوا طايرين من الفرحه مع هذه الاموال حياتهم خلاص بتتغير للابد بس اللي ما كانوا يعرفونه ان الاموال اللي سرقوها كانت في الواقع اضخم من اللي كانوا يحلمون فيه
وما استوعبوا هالشيء الا بعد ما بداوا يفرغون الاموال من الاكياس كانت كميه اموال ما شافوا مثلها في حياتهم مباشره بعدها بداوا يعدون الاموال هذه بس كان واضح ان عمليه العد بتستغرق وقت طويل بس ما يهم كانوا مستانسين على الاخر وفعلا استغرقوا من الفجر الى الظهر عشان يخلصون العد تشارلي ويلسون كان هو المسؤول عن العد ولما خلاص وصلوا للرقم النهائي اعلن وهو يبتسم البروس وبقيه افراد العصابه ان غنيمتهم وصلت قيمتها لمليون و630,000 باوند كلهم ما كانوا مصدقين الرقم اللي سمعوه والدنيا كلها ما كانت توسعهم من الفرحه يعني كانوا يتوقع مبلغ اقرب لمليون باوند بس حصلوا اكثر
من ضعف هذا المبلغ وبالمناسبه لو حولنا هذا الرقم لقيمه الفلوس اليوم فبيطلع حوالي 90 مليون دولار رقم يخلي هذه السرقه واحده من اضخم السرقات في التاريخ وعلى وقتها كانت اضخم سرقه في تاريخ بريطانيا ما بتتجاوزها الا سرقه المستودع اللي تكلمنا عنها في هذا الفيديو ومع ان بروس كان فرحان ومستانس ويا اصحابه لكنه بعدها على طول بدا يستوعب ويفكر في التبعات اللي بتسببها هذه السرقه هذه سرقه القرن السلطات وقوات الامن مستحيل تخليها تمر مرور الكرام وهني بدا يحس بشويه توتر وقلق مباشره بعدها افراد العصابه بداوا يقسمون الغله وكل واحد منهم ياخذ حصطه وفي نفس الوقت كانوا
يسولفون عن شو راح يسوون بهالفلوس في المستقبل ويتكلمون عن احلامهم وطموحاتهم اللي يقول انا بفتح مطعم او بزنس واللي بيهاجر لبلد ثاني واللي بيشتري له بيت كبير واللي واللي واللي احلام لكن خلال سوالفهم هذه بدوا يسمعون في الراديو اخبار عن عمليتهم في الاخبار انذكر انه يعتقد ان اللصوص استخدموا عربات وسيارات عسكريه خلال عمليه السرقه لان في شخص شاف عربات عسكريه حول موقع السرقه على الساعه 4 الفجر العصابه كانوا مخططين انهم راح يستخدمون نفس هذه الشاحنه والسيارات عشان ينقلون الاموال بس الحين استوعبوا انهم خلاص ما يقدرون يستخدمونها مره ثانيه كل الاحوال بروس طمنهم وقال لهم ان
الامور طيبه احنا راح نظل متخبين في المزرعه الين ما تهدى الامور وبعدها راح نخلي اصحابنا يجيبون سيارات ثانيه من المدينه وننقل عليها اموالنا بشكل فردي اما الشاحنات والسيارات العسكريه راح نخليها تظل في المستودع في المزرعه وفريق التنظيف راح يحرقونها وهي البيت والمزرعه وكل شيء هني الاجواء صارت متوتره شوي بين افراد العصابه بس بروس كان يحاول يهديهم ويقول لهم انه ما في داعي يتوترون مع كل خبر ينذكر في الراديو بعض افراد العصابه حاولوا يصبغون السيارات والشاحنه بلون اصفر عشان يغيرونها من عربات عسكريه لعربات عاديه لكن النتيجه ما كانت مرضيه وتخلوا عن هالفكره بس خلوا سالفه الصبغ
هذه في بالكم لان لها دور بعدين في القصه بروس وافراد العصابه سمعوا في الاخبار في الراديو ان قوات الشرطه راح يبداون يفتشون المزارع والممتلكات اللي موجوده في المناطق المحيطه بسكه القطار الخبر هذا وترهم بشكل كبير اذا الشرطه وصلوا لمزرعتهم على طول راح يكشفونهم صار في نقاش حاد بين افراد العصابه بعضهم يقولون انهم لازم يتركون المزرعه حالا والبعض يقولون انهم لو تحركوا الحين باعدادهم الكبيره راح يلفتون الانظار واحتمال كبير تقابلهم حواجز تفتيش في الطريق بروس كان يميل للبقاء في المزرعه لوقت اطول هذه كانت الخطه الاصليه راح يظلون في المزرعه لين ما تهدى الاوضاع لكن نفس الوقت
كان مستوعب ان الامور بدات تخرج عن السيطره وقال لاصحابه بصراحه ما كنت اتوقع ان بنسرق مبلغ بهالحجم اكيد كميه الاموال هذه راح تسبب بلبله كبيره في النهايه الجماعه خلاص قرروا انهم لازم يطلعون من هالمزرعه بكره فكل واحد منهم نسق مع اصحابه عشان يجون بسيارات من لندن وياخذونهم من المزرعه عه على طول بعدها بداوا افراد العصابه يتجهزون للخروج من المزرعه فحاولوا انهم ينظفون المكان ويمسحون الاسطح مع انه في كل الاحوال المفروض براين فيلد المحامي الفاسد راح يوظف شخص محترف عشان يحرق المزرعه ويتخلص من كل شيء فيها لكن بروس وجه الجميع انهم لازم يحاولون يتخلصون من اللي
يقدرون عليه عشان لو جو شرطه قبل ما يجي فريق التنظيف ما راح يحصلون شيء فحرقوا بعض الملابس والشراشف اللي ناموا عليها وبعض المقتنيات الشخصيه لكنهم ما تخلصوا من كل شيء حاولوا يمسحون الاسطح والاثار قدر الامكان لكن الوقت كان ضيق فما كانت عمليه تنظيف دقيقه كانوا لازالوا معتمدين ان فريق التنظيف راح يجي بعدهم ويحرق المزرعه والبيت بالكامل وصلت السيارات من لندن والجماعه حطوا اموالهم واكياسهم فيها وفي النهايه بروس قال للجميع انهم ينتبهون على انفسهم وما يسوون اي شيء متهور وما يصرفون اموالهم بشكل يجذب الانظار واتمنى لهم كلهم حظ موفق خلاص الحين كل واحد بيروح في طريقه
وكل واحد مسؤول عن نفسه وفعلا كلهم تحركوا بسياراتهم وتركوا المزرعه وراهم بالنسبه لبروس فرجع لبيته وزوجته وابنه وزوجته كانت فرحانه لما شافتها لانها كانت قلقانه ومتوتره طول الوقت من الاخبار اللي تسمعها في الراديو بروس على طول قالها انهم لازم يطلعون من البيت ويروحون لمكان ثاني زوجته اعترضت شوي لكنه اصر عليها وقالها لازم نطلع وهني عرفت ان الموضوع كبير بروس انتقل لشقه مؤقته مع عائلته وبعدها بعده ايام التقى باصحابه المقربين افراد عصابته الاصليين قضيتهم لازالت مولعه في كل مكان والاخبار ما توقف فكانوا متوترين شوي بس كانوا متاملين ان كل شيء بيكون تمام بعد ما تنحرق المزرعه
ومثل ما قلنا هذه كانت وظيفه براين فيلد المحامي الفاسد هم في الواقع كانوا متجمعين هني لانهم كانوا ينتظرونه عشان يعطيهم خبر باللي صار في المزرعه هني دخل عليهم براين فيلد بس كانت تبدو على وجهه علامات القلق فعلى طول سالوه تعاملت مع الموضوع ولا كيف براين فيلد بدا يتلعثم في الكلام ويقول لهم ما ادري ما ادري هذاك الرجل خذلني بروس واصحابه عرفوا انهم طاحوا في ورطه وبدوا يسالونه بغضب وبعصبيه كيف يعني المزرعه بعدها على حالها مرت ايام وهي فاضيه ليش ما انحرقت للحين براين فيلد توتر اكثر ورد عليهم بصوت مرتجف والله خذلني خذلني هذا اللي اسمه
مارك كنت احسبه احسن واحد للمهمه بس اخذ الفلوس واختفى وما حرق المزرعه هني تشارلي ويلسون مسك براينفيلد وضربه بشده وهو يصرخ عليه ويقول له تعرف انت ايش سويت فينا يا ملعون دمرتنا دمرتنا وفعلا دمرهم لانهم طلعوا من المزرعه وتركوا وراهم العربات العسكريه وعدد من اغراضهم ومتعلقاتهم الشخصيه وعلى الاغلب حتى اثار وبصمات براينفيلد قاعد يقول لهم الشرطه راح يجوني انا اول انا اللي رتبت موضوع شراء المزرعه انا اول واحد رحت لها واحلف لكم اذا مسكوني ما راح اقول اي شيء بس ارجوكم اعتنوا بزوجتي هني جوردن جودي مسكه ورماه بعيد وقال له انقلع من هني ولا بقتلك
بايدي براينفيلد طلع من المكان وتركهم محتارين بورطتهم في النهايه الجماعه قرروا ان الحل الوحيد وانهم يرجعون للمزرعه ويحرقونها بنفسهم صح الموضوع كان في مخاطره كبيره لكن بقاء المزرعه على حالها يعتبر مخاطره اكبر فبسرعه رجعوا لبيوتهم عشان يجهزون انفسهم لكن خلال فتره قصيره انتشر خبر جديد في الراديو يعلن ان الشرطه عثروا على المزرعه اللي يعتقدون ان لصوص القطار استخدموها كمركز لعملياتهم هني بروس حس انه كل شيء انتهى ومر عليه شريط حياته كانه كان في صدمه عرف انه الحين على الاغلب راح يتحول لهارب مطلوب بروس طلع وهو شبه متنكر بملابس وقبعه والتقى باصحابه في مطعم وقعدوا يتناقشون
ايش راح يسوون واحد منهم اقترح انهم يحاولون يتسللون للمزرعه الليله ويحرقونها حتى لو كانوا فيها شرطه بس كلهم كانوا عارفين ان هذه فكره مستحيله المزرعه الحين على الاغلب مليانه بالشرطه ويمكن في 1000 حاجز تفتيش قبلها اللقاء كان يخيم عليه ياس شديد كانوا عارفين ان هذه نهايه الطريق بالنسبه لهم كمجموعه خلاص الحين كل واحد لازم يحاول يهرب بروحه في النهايه ودعوا بعض وتمنوا لبعض التوفيق وخلاص كل واحد مشى في طريقه بالمناسبه هذا كان اليوم الخامس بعد العمليه يعني الشرطه حصلوا المزرعه خلال خمسه ايام لو كانوا هم حرقوها بنفسهم قبل ما يطلعون من المزرعه كان هذا الشيء
افضل لهم بكثير بس هم كانوا معتمدين على المحامي الفاسد والرجل اللي وظفه خلونا نرجع يوم واحد لورا اليوم الرابع بعد العمليه واللي كان بتاريخ 12 اغسطس 1963 فهذاك اليوم تم توكيل محقق مخضرم اسمه تومي بتلر بقياده عمليه التحق تحقيق في قضيه سرقه القطار تومي بتلر كان واحد من اقوى المحققين في تاريخ بريطانيا عنده سجل وتاريخ حافل بالانجازات تخيلوا انهم كانوا يلقبونه تومي وان داي تومي ابو يوم واحد لان كثير من قضاياه كان يحلها في يوم واحد وزير الداخليه بنفسه التقى فيه وعينه قائد التحقيق في قضيه سرقه القطار وقال له نريد نشوف افضل اداء لك العصابه
هذه ما نفذوا عمليات سرقه ضخمه وبس هذلا سرقوا بريد جلاله الملكه تعدوا على الذات الملكيه وتعدوا على كيان المملكه المتحده بحد ذاته وهذه جريمه لا تغتفر لازم نحصلهم وينالون عقابهم عطاه كذا كومه تحفيز وطنيه المحقق تومي بتلر اكد للوزير انه راح يتعامل مع القضيه بطريقته الخاصه وراح يتاكد انه يقفلها باسرع ما يمكن بعدها تومي راح للسكه والموقع اللي صارت فيه السرقه عشان يفحصها بنفسه وايضا تفقد العربه المسروقه وكل زواياها واركانها في اليوم اللي بعده اللي هو اليوم الخامس بعد السرقه تومي بتلر اجتمع بالض الضباط والمحققين المحليين اللي كانوا ماسكين القضيه خلال الايام الماضيه قبل ما
هو يتولى قيادتها واخذ منهم تفاصيل اللي سووه خلال الايام الماضيه لكن سرعان ما تمت مقاطعه اجتماعهم لانه وصل بلاغ مهم عن مزرعه يعتقد انها ممكن تكون مخبا العصابه على طول كلهم قاموا من مكانهم وتوجهوا لهذه المزرعه البلاغ على ما يبدو وصلهم من واحد من ملاك المزارع اللي مزرعته موجوده بجوار هذه المزرعه على الاغلب كان نفس الجار اللي طرق طق الباب عليهم قبل ما ينفذون العمليه بعد ما وصل المحقق تومي بتلر للمزرعه وجه تعليماته للضباط انهم ما يسمحون لاي حد يدخل البيت الا اذا كان من رجال الشرطه بعدها المحقق تومي دخل للبيت وبدا يشوف الغرف ويشوف
الاشياء اللي تركوها العصابه وراهم وكان واضح ان المكان في كنز من الادله تومي كان مستغرب ليش تركوا المكان بهذا الشكل ليش ما اخفوا اثارهم او دمروها بعدها طلع برا وشاف بقايا محروقات ونار واضح ان العصابه استخدموها لحرق بعض اغراضهم وملابسهم ايضا دخل للمستودع وشاف العربات والسيارات العسكريه بعدها بفتره قصيره وصل رئيس الجنائيين واللي كان اسمه موريس ري هذا الرجل راح يشرف على عمليه الفحص الجنائي للمزرعه وكل الاشياء اللي فيها ومباشره تحت اشرافه بدا الضباط الجنائيين يفحصون المكان طبعا الفحص الجنائي راح ياخذ وقت طويل اول شيء لازم يجمعون كل الادله ويصنفونها بدقه وبعدها لازم ياخذونها لمختباراتهم
ويحللونها فتومي بتلر تركهم يسوون شغلهم هذا وفي هذه الاثناء هو قرر انه يبدا يبدا ينشئ فريق خاص من المحققين اللي راح يساعدونه في القضيه طبعا كانت عنده صلاحيات مفتوحه يقدر يطلب اي محقق ينضم لفريقه وفعلا اختار سته من اكفا المحققين واشهرهم في شرطه لندن وواحد من المحققين اللي اختارهم كان فرانك ويليامز فرانك هذا كان المحقق اللي ماسك قضيه سرقه المطار اذا تذكرونها وهو اللي التقى ببروس وواجهها قبل بس طبعا هم للحين ما كانوا عارفين ان بروس له علاقه بقضيه سرقه القطار على كل حال تومي جمع محققين السته ومساعدينهم وقال لهم مرت خمسه ايام على السرقه
واحنا متاخرين لان تونا بدينا الحين احنا في مرحله جمع المعلومات فاريدكم تكلمون مخبرينكم وتاخذون منهم معلومات اسالوهم من اللي مختفي هذه الايام خصوصا بعد سرقه القطار من اللي قاعد يتحرك تحركات غير اعتياديه اريدكم تجيبوا لي معلومات طبعا احتاج اوضح لكم شيء مجتمع الجريمه في انجلترا وخصوصا في لندن يعتبر مجتمع يعرف بعضه الحراميه عارفين بعض واعضاء العصابات عارفين بعض فلما تصير عمليه كبيره مثل سرقه القطار تبدا الاخبار تنتشر وسط المجتمع هذا فيتناقلون الاخبار عنها والشائعات ويتكلمون عن الاشخاص اللي نفذوها وطبعا وسط مجتمع الجريمه هذا في مخبرين يتعاونون مع الشرطه والمحققين بمقابل فرئيس المحققين تومي بتلر جمع
سته من اشهر محققين لندن لانه عندهم مخبرين في كل مكان في هالمدينه وهذا اللي كان يحتاجه فوجه محققينه انهم يكلمون مخبرينهم وياخذون منهم معلومات وفعلا المحققين تحركوا على طول في مخت اختلف انحاء المدينه وبدوا يكلمون مخبرينهم ومعارفهم في عالم الجريمه في لندن وبدوا يجمعون المعلومات بعدها رجعوا وتجمعوا في مكتب التحقيقات وبدا كل واحد منهم يقول عدد المشتبهين اللي حصلهم وكل واحد عنده قائمه اللي جمع اربعه اسماء واللي جمع سبعه واللي جمع عشره قائدهم تومي بتلر وجههم انهم يقارنون قوائم المشتبهين هذ اللي جمعوها ويحددون الاسماء اللي تكررت اكثر المحقق تومي ايضا وصلته قائمه من وحده الاستخبارات
في جهاز الشرطه واللي كان فيها عده اسماء مشتبه فيهم فكان بعد يريد يقارنها بالاسماء اللي جمعوها رجاله من الاسماء اللي حصلوها تتكرر بكثره كانت جون ديلي جوردن جودي روي جيمز تشارلز ويلسون والراس الكبير بروس رينولدز المحقق فرانك لما سمع هذه الاسماء خصوصا اسم بروس رينولدز على طول عرف ان هذه ممكن تكون نفس العصابه اللي كانت ورا سرقه المطار وشارك هذه المعلومه مع قائد المحققين تومي بتلر قال له ان هذلا كانوا كلهم اصحاب سوابق وكانوا متهمين في قضيه سرقه المطار لكن للاسف ما تمت ادانه ولا واحد منهم بسبب نقص الادله وايضا قال له ان بروس رينولدز
على الاغلب قائد هذه العصابه والمحرك الرئيسي لها تومي وفرانك كانوا المحققين الرئيسيين في القضيه فقاعدوا يتناقشون في هذه الاسماء خصوصا بروس رينولد وقعدوا يستعرضون ملفه وتاريخه للاسف بحسب كلام المخبرين ان مكانه حاليا غير معروف حاولوا يروحوا له في بيته بس واضح انه تركه وهرب ونفس الحال مع معظم المشتبه فيهم الثانيين معظمهم ما كانوا موجودين في بيوتهم وعناوينهم المعروفه وهذا ان كان يدل على شيء فيدل على انهم هم رجالهم المطلوبين لان الاختفاء اكبر دليل على الذنب المحققين ايضا قابلوا سائق القطار اللي انضرب على راسه وبالمناسبه كانت الضربه شديده وسببت له ارتجاج في المخ وهذه بعد لقطه
حقيقيه للسائق من ايام الستينات لما صارت هالحادثه المحققين راوا السائق صور المشتبه فيهم وسالوه اذا كان يقدر يتعرف على اي حد منهم لكنه ما قدر وقال لهم ان الدنيا كانت ظلام وكل اللصوص كانوا لابسين اقنعه في كل الاحوال المحققين حطوا الصور المشتبه فيهم في لوحه المتهمين داخل مكتب التحقيقات وبدوا يتحرون عن كل واحد فيهم وتاريخه وكل شيء خصه بالنسبه لفريق الجنائيين فكانوا بعدهم مستمرين بفحص المزرعه وكل زواياها والاغراض اللي تركت فيها بقياده موريس ري رئيس الفريق الجنائي فريق الجنائيين جردوا كل الاشياء والادله اللي حصلوها في المزرعه ورتبوها عشان بعدها ينقلونها لمختبراتهم ويفحصونها بدقه خلال هذه
الفتره صار تطور مهم في القضيه من ضمن المتهمين الهاربين كان روجر بائع الزهور وصاحبه تومي الاثنين هذلا كانوا يدورون مكان يستاجرونه ويتخبون فيه الين ما تهدا تحقيقات الشرطه فكلموا سيده صاحبه عقار كانت عارضه بيت للايجار في الجريده وكانوا يطلبون منها تاجر لهم هالبيت بس اللي ما كانوا يعرفونه ان صاحبه العقار هذه زوجه رجل شرطه وزوجها كان من الضباط اللي شغالين على قضيه القطار اسوا حظ ممكن في البدايه صاحبه العقار اعتذرت منهم لان البيت معروض للعوايل فقط بس هم ظلوا يصرون عليها وعرضها حتى انهم يدفعون الايجار مقدم لمده ثلاث شهور وفلوسهم كانت كاش فهني صاحبه العقار
شك فيهم لكنها قالت لهم تمام وبعدها بلغت زوجها وزوجها تحرى عنهم وعرف انهم من ضمن المشتبه فيهم فعلى طول بعدها ضباط الشرطه اعتقلوهم وجابوهم للتحقيق اثناء الاعتقال الشرطه صادروا منهم حقائب كانت فيها اموال كاش بكميه هائله المبلغ الاجمالي كان حوالي 140,000 باوند يعني بقيمه الفلوس اليوم حوالي 5 مليون دولار قائد المحققين تومي بتلر ومساعده فرانك ويليامز حققوا مع روجر باع الزهور وصاحبه تومي وسالوهم من وين جابوا هالفلوس؟ روجر حاول يتملص في البدايه وحاول يالف لهم قصه بس كلامه كله كان غير منطقي وبعد ما استمر التحقيق لعده ساعات ومع كثير من الضغط في النهايه اعترف ان
هذه الاموال كانت من سرقه القطار سالوه المحققين من كان مشارك في العمليه وياكم لكن هني روجر قال لهم انا ما قلت اني شاركت في العمليه بس قلت لنا الفلوس من سرقه القطار وهذا كل اللي راح تحصلونه مني روجر رغم اعترافه ما تعاون وياهم اكثر لكنه صار اول متهم سقط بين ايدين الشرطه هو وصاحبه تومي المحققين للحين ما كانوا متاكدين كم عدد المشاركين في عمليه السرقه لكن تقديراتهم كانت تقول انهم ممكن يوصلون ل 20 شخص في هالوقت فريق الجنائيين كانوا شغالين بكامل طاقتهم على تحليل الاثار والادله اللي حصلوها في المزرعه ومن ضمن الادله كانت بصمات ترجع
لعدد مختلف من الاشخاص المحقق تومي عطى رئيس فريق الجنائيين قائما بالمشتبه فيهم وطلب منه يقارن البصمات اللي حصلوها ببصمات هذلا المشتبهين طبعا هم عندهم بصماتهم في السيستم لانه اصلا هذ معظمهم اصحاب سوابق الفريق الجنائي كانوا يفحصون كل شيء حصلوه في المزرعه ويدورون على اي شيء سواء كان اثر دماء او شعر او حتى ذرات تراب معنى بالمناسبه ما كان في فحص نووي او دي ان ايه في ذاك الوقت لكن هالظل هذه كانت ادله ممكن يستخدمونها للمقارنه مع المتهمين بتاريخ 15 اغسطس 1963 صار تطور و جديد في الادله الشرطه حصلوا حقيبه مليانه فلوس بين اشجار غابه اسمها
دور كينج البلاغ وصلهم من زوجين كانوا يتمشون في الغابه مقدار المبلغ كان 100000 باوند يعني بقيمه فلوس اليوم حوالي 3 ونص مليون دولار المحققين عرفوا ان هذه على الاغلب حصه من فلوس سرقه القطار الفريق الجنائي حصلوا عده بصمات على الحقيبه وايضا حصلوا داخل الحقيبه فاتوره من مطعم في المانيا والفاتوره باسم براين فيلد براين فيلد طبعا هو المحامي الفاسد اللي كانت اول مهمه له هي تضبيط موضوع شراء المزرعه للعصابه ومهمته الثانيه كانت توظيف شخص يحرق المزرعه ويتخلص من الادله اللي فيها المهمه اللي طبعا فشل فيها وورط الجميع طبعا وجود اسمه في الفاتوره اللي كانت داخل الحقيبه
خلاه ضمن قائمه المشتبه فيهم وبعد ما الفريق الجنائي فحصوا البصمات على الحقيبه تاكدوا انها بصماته وبعد ما تحروا عن الشرطه عرفوا انه لازال يمارس عمله بشكل طبيعي وانه ما حاول يهرب او يتخبى مثل بقيه افراد العصابه المحقق فرانك راح له وواجهها بالحقائق والاد اللي حصلوها عليه فتلعثم وما عرف يجاوب حاول يكذب ويناور لكن كلامه كله كان متناقض وكذبه انكشف بسرعه في النهايه الشرطه اعتقلوه وسحبوه من مكان شغله لكن بعد التحقيق معاه رفض انه يتعاون وياهم او يعترف باي شيء فظل محبوس على ذمه التحقيق الين ما يجي وقت المحاكمه استمرت التحقيقات ومرت عده ايام بدون تقدم
واضح في القضيه لازالوا معظم المشتبه فيهم اماكنهم غير معروفه او ما حصلوا عليهم ادله قاطعه فهني وصل استدعاء لقائد التحقيق تومي بتلر وذراع الايمن المحقق فرانك من قبل رئيس الشرطه رئيس الشرطه صارحهم وقال لهم ان في ضغط كبير من الناس اللي فوق بخصوص القضيه هذه خصوصا من وزير الداخليه وعلى اثر هذا الشيء قررنا ان ننشر صور واسماء المشتبه فيهم في الاعلام عشان عامه الناس يعرفون ان قاعدين نحقق تقدم حقيقي في القضيه وان شغالين عليها بكل جديه هني تومي اعترض بشده وقال لهم لا ما تقدرون تسوون هالشيء هذا راح يخرب كل شغلنا بس رئيس الشرطه قال
له خلاص احنا في مرحله حرجه لازم نبين للناس ان عارفين منهم المجرمين اللي ورا هال العمليه وعامه الناس راح يساعدونا نعتقلهم تومي ظل مصر على اعتراضه وقال ان بالعكس العامه راح يعرقلونهم وهالشيء راح ينبه المشتبه فيهم ويخليهم حذرين اكثر فكانت وجهتين نظر مضادتين رئيس الشرطه يريد ينشر صور واسماء المشتبه فيهم عشان يبين للناس انهم قاعدين يتقدمون في القضيه وفي نفس الوقت يخلي العامه يس يساعدونهم في العثور عليهم اما تومي بتلر فيريد تظل هذه الامور طي الكتمان عشان يقدرون يمسكون المشتبه فيهم بدون ما ياخذون حذرهم لكن اذا تريدون وجهه نظري المنطق يقول ان المشتبه فيهم اصلا
ماخذين حذرهم خلاص يعني لان في بعضهم اعتقلوا ومعظمهم مختفين او هاربين في النهايه رئيس الشرطه حط تومي بتلر امام الامر الواقع وقال له خلاص تقرر الامر راح ننشر صور واسماء المتهمين تومي طبعا طلع من مكتب رئيس الشرطه وهو منزعج جدا من هالقرار وفعلا في اليوم اللي بعده قنوات التلفزيون والجرائد والصحف نشرت اسماء وصور المشتبه فيهم وكل الناس صاروا عارفين صورهم واسمائهم بعدها على طول مكتب التحقيقات [موسيقى] بدا يغرق بالرسائل والاتصالات والبلاغات اللي صارت توصل من عامه الناس وكان واضح ان معظم البلاغات هذه كاذبه او خاطئه بروس رونالدز على سبيل المثال تم رصده في كل انحاء
بريطانيا ومش بس في بريطانيا في اللي شافوه في سويسرا وفي اللي شافوه في ايطاليا وكل مكان ما شاء الله الوضع كان خبصه من كثر البلاغات وتومي بتلر كان غاضب وهو يشوف كل هالرسائل اللي راح تضيع وقتهم وجهودهم على الفاضي لكن اخيرا وصلت له اخبار حلوه غيرت من مزاجه رئيس الفريق الجنائي خبره ان بعض البصمات اللي حصلوها في المزرعه اطابقت مع بعض المشتبه فيهم وواحد من اللي اطابقت بصماتهم كان تشارلي ويلسون الصديق المقرب لبروس رينولد تشارلي ويلسون انتقل مع عائلته لبيت جديد من بعد السرقه عشان يتخبى من الشرطه بس ما كان حذر كثير والشرطه قدروا يحددون
موقعه من خلال مخبرينهم فكان تحت المراقبه وكانوا بس ينتظرون يحصلون دليل قاطع عليه عشان يداهمونه ويعتقلونه فبعد ما حصلوا بصماته في المزرعه صار عندهم الدليل اللي يحتاجونه فعلى طول بعدها المحققين راحوا لبيته وداهموه واعتقلوه قدام عائلته بعدها جلسوا معه المحققين وبدوا يستجوبونه ومثل اصحابه تشارلي حاول يكذب وما اعترف لهم باي شيء بس هذا كان اللي يتوقعونه المحققين في كل الاحوال وهم ما محتاجين اعترافه صار عندهم دليل عليه فانضم تشارلي ويلسون لقائمه المشتبه فيهم المعتقلين اللي ينتظرون المحاكمه المتهم اللي يعتقلوه بعده كان جوردن جودي بتاريخ 24 اغسطس 1963 جوردن جودي كان مغير شكله شوي مسوي تسريحه
شعر جديده ولابس نظارات بعد وفي هذاك اليوم وهو طالع صادف بائعه ورود على الطريق فاشترى منها باقه ورد طبعا صور المشتبه فيهم منتشره في كل مكان ومن ضمنها صورته فبائعات الورود على طول بلغت عليه وتم اعتقاله المحققين لما قعدوا وياه للاستجواب ضحكوا عليه بسبب حظه التعيس لان تنكره في الواقع كان ناجح بائعه الورود ما تعرفت عليه لكنها حسبته صاحبه بروس رينولدز بسبب نظاراته فبلغت عليه على اساس انه هو بروس رينولدز حظ تعيس جدا ومثل اصحابه اللي قبله لما سالوه المحققين عن السرقه والمزرعه ظل ينكر ويناور ويقول انه كان في ايرلندا وقت السرقه وانه ما كان
موجود حتى في لندن لكن المحققين باغ غتوه بالحقائق اللي عندهم واثبتوه لانه ما كان في ايرلندا وهني سكت جوردن وصار ما يتجاوب وياهم وطالب بمحامي الدليل اللي استخدموه المحققين عشان يثبتون التهمه عليه كان في الواقع حذاء صادروه منه خلال اعتقاله الحذاء هذا كانت عليه اثار صغيره لصبغ اصفر من تحت هذا كان نفس الصبغ اللي حاولوا يستخدمونه في المزرعه عشان يصبغون السيارات العسكريه طابقوا الصبغ اللي صادروه من المزرعه مع اثار الصبغ اللي على حذا اذاه فوجدوا انها مطابقه فهذا كان دليلهم ضده دليل تحسه جاي بلفه بس يعني كان دليل كافي على ما يبدو خوصا مع الادله
الظرفيه الثانيه فتم اعتقال جوردن جودي وضم لاصحابه اللي ينتظرون المحاكمه التحقيقات والاهتمام الكبير اللي اعطتها الشرطه وقوات الامن لقضيه سرقه القطار كانت قالبه عالم الجريمه في لندن فوق تحت وبدات تضيق على العصابات واللصوص اللي شغالين في هالمجال يعني افراد العصابه اللي نفذوا سرقه القطار ما كانوا المتضررين الوحيدين من ورا التحقيق الحقيقه الكبير في هالقضيه وهالشيء صنع حاله من الاحتقان في مجتمع الجريمه والمحققين كانوا مستانسين بهالشيء كانهم قاعدين يرسلون رساله للعصابات والمجرمين هذ انكم اذا ما ساعدتونا في القبض عليهم فانتم بعد راح تتضررون وياهم وراح يستمر هالوضع وهالضغط الين ما نقبض على كل افراد عصابه القطار
واحد وفعلا الحركه والرسائل التهديديه هذه جابت مفعولها فصار كان كل اللي في مجتمع الجريمه في لندن قلبوا على عصابه القطار فصاروا يبلغون عليهم وعلى اماكن تواجدهم ومثل ما قلنا مجتمع الجريمه يعرف بعضه وبدوا المحققين ورجال الشرطه يجتثون المشتبه فيهم واحد ورا الثاني من مخابئهم على طول صار كل ما سقط واحد يسقط الثاني وراه وما بقوا في النهايه على لوحه المتهمين الا ثلاثه اشخاص واللي هم روي جيمس وبستر ادوارد والراس الكبير بروس رينولت تومي شجع فريقه وقال لهم ان لازم نحصل المتهمين الثلاثه الباقيين هذلا خصوصا بروس رينولدز اللي هو قائد العمليه خلال هذه الفتره بروس رينولدز
كان متخبي مع زوجته وابنه في شقه صغيره في واحده من احياء لندن النائيه كان يقعد يقرا الجرائد وهو مرتاح ومطمن انه بعيد عن الانظار لانه ما كان في حد يعرف انه هني وما كان يطلع الا نادرا كان ماخذ حذره لكن بتاريخ 6 ديسمبر 1963 اثنين من رجال الشرطه شافوا سلم طالع لشباك الشقه اللي تقع في الطابق الاول الشقه اللي فيها بروس رينال حسبوا ان السلم يرجع لحرامي اقتحم الشقه فقرروا يدخلون ويشيكون طبعا السلم هذا كان يستخدمه بروس عشان يطلع ويدخل للشقه من الجهه الخلفيه بدون ما يشوف احد بس لسوء حظه ضباط الشرطه هذلا شافوا السلم
فقرروا انهم يطلعون للشقه ويدقون بابها زوجه بروس قامت وفتحت الباب وتفاجات برجال الشرطه قدامها فعشان تنبه زوجها اللي جالس داخل قالت بصوت مرتفع شوي في مشكله يا حضره الضباط هني بروس لما سمع كلمه ضباط عرف انه في ورطه لو شافوه بيعرفونه على طول صورته مدشره في كل مكان في البدايه فكر ينزل بالسلم بس اذا الشرطه جايين عشان السلم فممكن يكونوا في غيرهم تحت وهني خطرت على باله اغرب فكره ممكن تتخيلونها ضباط الشرطه اللي على الباب قالوا للزوجه انهم يعتقدون ان في لص اقتحم الشقه لان في سلم طالع للشباك الزوجه توترت وظلت تحاول تماطلهم وكان ظاهر
عليها علامات القلق فرجلين الشرطه ضغطوا عليها وقالوا لها ممكن ندخل نفحص المكان فما حصلت خيار قدامها غير انها تخليهم يدخلون هني الضباط دخلوا وحصلوا مفاجاه شافوا رجل شبه عاري واقف قدامهم فبسرعه اشاحوا بانظارهم بعيد عنه الفكره المجنونه اللي خطرت على بال بروس هي انه يفسخ ملابسه ويتظاهر ان العشيق السري لهذه المراه اللي هي اصلا زوجته وان الشرطه دخلوا عليهم في الوقت الغلط فرجال الشرطه بطبيعه الحال ما بيقدرون ان يطالعون في واحد شبه عاري راح يبعدون انظارهم عنه فما بتكون عندهم فرصه حقيقيه يتاملون في ملامح وجهه ويعرفون انه رجل مطلوب بروس كلم الضباط اللي بعدهم بعدين
انظارهم عنه واعتذر منهم وقال لهم سامحونا يا شباب انتم دخلتوا في الوقت الغلط وحسبت ان زوجها رجع يعني بروس اوهمهم بهاي الحركه انه هو العشيق السري لهذه المراه المتزوجه هذا الشيء بيفسر ليش في سلم برا الشباك وبيفسر ليش المراه هذه كانت متوتره فرجال الشرطه اعتذروهم بعد وطلعوا من الشقه بسرعه بدون ما يلقون نظره فاحصه على وجه هذا الرجل فما عرفوا ان بروس رينولدز اكبر مطلوب في البلد وترى الموقف هذا حقيقي مش موقف درامي او مبالغ فيه انذكر في الكتب اللي وثقت القصه وايضا انذكر على لسان بروس رينولدز ذات نفسه فكانت حركه خبيثه وذكيه عشان ينقذ
نفسه من هالموقف بتاريخ 10 ديسمبر 1963 وصل للشرطه بلاغ جديد عن طريق واحد من المخبرين البلاغ هالمره كان يتعلق بروي جيمس واحد من الثلاثه اللي ما نمسكوا للحين بحسب البلاغ ان روي جيمز كان متخبي في مبنى سكني يقع في شارع اسمه جون وودز المحققين والشرطه حاصروا المبنى السكني بشكل كامل عشان ما يعطونه فرصه يفلت وبعدها تقدموا للباب واقتحموه لكن على ما يبدو ان روي جيمس حس فيهم او شافهم قبل ما يقتحمون المبنى فبسرعه طلع السطح وبدا يقفز ما بين اسطح المباني وهو يحاول يهرب منهم الوضع تحول لمطارده وروي جيمس كان شايل وياه حقيبه صغيره فيها
بعض الاموال والحقيبه اعاقتها بشكل بسيط بس ما كان مستعد يتخلى عنها وظل يركض ويركض لكن في النهايه الشرطه قدروا يحاصرونه لما نزل للارض وتم اعتقاله ومعاه حقيبه فلوسه اللي دينه اكثر المحققين قعدوا وياه في غرفه الاستجواب ومثل اصحابه حاول ينكر بس الادله عليه كانت قويه والحبه اللي كانت وياه كان فيها حوالي 12000 باوند والارقام التسلسليه على الفلوس هذه كانت تدل على انها جايه من سرقه القطار ايضا حصل ورقه كان كاتب فيها حساباته الماديه وواضح من خلال الحسابات هذه ان مجموع حصطه كان حوالي 1100 باوند يعني حوالي 4 مليون دولار بقيمه فلوس اليوم روي جيمس رفض
يعترف او يفصح وين الفلوس هذه فكل اللي قدروا يص صادرونا منه كان ال 12000 باوند اللي حصلوها في الحقيبه الصغيره اللي وياه بعد اعتقاله تمت ازاله صورته من لوحه المتهمين وما بقوا الا اثنين مانسكو واللي هم بروس رينولدز وباستر ادواردز ومرت فتره بدون تطور جديد في القضيه الاثنين هذلا ظلوا هاربين بدون اثر لكن في كل الاحوال بتاريخ 20 يناير سنه 1964 بدات محاكمه المتهمين اللي تم القبض عليهم كانت محاكمه جماعيه كبيره وبسبب عدد المتهمين وعدد محامينهم وايضا الاهتمام الكبير بالقضيه من قبل الاعلام وعامه الناس تم تحويل قاعه مجلس كبيره الى قاعه محكمه مؤقته عشان تستوعب
عدد الناس وظلت جلسات المحاكم مستمره لعده اشهر وبتاريخ 26 مارس 1964 هيئه المحلفين وجدت ان كل المتهمين مذنبين في عمليه سرقه القطار الحكم النهائي تم نطقه في الجلسه اللي بعدها واللي عقدت بتاريخ 16 ابريل سنه 1964 انحكم على المتهمين باحكام ما بين خمس 25 الى 30 سنه لكل واحد منهم. الحكم كان غير مسبوق في بريطانيا خصوصا في قضيه سرقه ما صار فيها عنف حقيقي لكن واضح ان السلطات والقضاء كانوا يريدون يخلونهم عبره. بعض الناس استهجنوا الاحكام القويه هذه لكن معظم الناس خصوصا رجال الشرطه والمحققين كانوا فرحانين فيها. قائد المحققين تومي بتلر كان مستانس بعد ويشوف
ان هذا جزائهم المستحق. لكنه في نفس الوقت كان بعده يحس انه ما قدر يحل القضيه بشكل كامل لان في متهمين لازالوا ما نمسكوا ومش متهمين عاديين واحد يعتبر قائد العمليه والثاني واحد من رجال المقربين وظلوا الاثنين هذلا مفقودين لفتره طويله ومرت الاشهر والسنوات وبعدها ما في اثر لهم لكن بعدها بحوالي سنتين فجاه من العدم بستر ادواردز بدا يتواصل مع السلطات البريطانيه وهو يعرض انه يسلم نفسه مقابل حكم مخفف بعد المشاورات قبل عرضه ووعدوه بحكم مخفف اذا سلم نفسه وفعلا بتاريخ 19 سبتمبر سنه 1966 بستر ادواردز اللي كان وقتها في المكسيك مع عائلته رجع لبريطانيا وسلم
نفسه المحقق تومي ومساعده فرانك كانوا اول ناس قاعدوا وياه وبستر ادواردز اعترف اعتراف كامل بدوره في عمليه السرقه حاول ينكر بعض الجوانب لكنه اعترف بدوره وفي نفس الوقت رفض يتكلم عن اي حد من اصحابه خصوصا بروس رينولد الصفقه كان انه يسلم نفسه وبس فالمحقق قين سالوه ليش قررت تسلم نفسك الحين بعد كل هذا الوقت فقال لهم بكل صراحه انه خلص معظم فلوسه وان حياه الهروب مكلفه جدا وايضا قال لهم ان زوجته وبنته تعبوا وهم بعيدين عن اهلهم وبلدهم فالخلاصه انه هو وعائلته تعبوا من حياه الهروب وان حتى الفلوس اللي عندهم بدات تخلص فقرر يرجع ويسلم
نفسه في النهايه انحكم على بستر ادواردز ب 15 سنه في السجن حكم اخف من اصحابه بحسب الاتفاق اللي صار بينه وبين السلطات فالحين الشخص الوحيد اللي ما انمسك كان الراس الكبير بروس رينولد. تومي بتلر كان يشوفه كانه غريمه وكان مصر يحصله باي ثمن. تخيلوا ان تومي كان المفروض يتقاعد في سنه 1968 لكنه قدم طلب خاص لرئيس الشرطه عشان يظل مكمل على راس عمله بس عشان يمسك بروس رينالدز. كان هاجسه اللي ما قادر يتخلص منه. اللي صار ويا بروس رينالدز انه طلع من بريطانيا هو بعد. وفي الواقع كان هو اول واحد راح للمكسيك ويا عائلته. بستر
ادواردز وعائلته لحقوهم بعدين وظلوا هناك فتره الين ما سلم بستر نفسه في سنه 1966 بروس كان يواجه نفس مشاكل بستر كانت فلوسه قاعده تخلص فقرر انه هو بعد يطلع من المكسيك ويرجع لبريطانيا لكنه ما كان ناوي يسلم نفسه بريطانيا كانت الوجهه الوحيده اللي حصلها قدامه لانها بلده واضح ان خياراته كانت محدوده لما تكون مجرم هارب مطلوب وما عندك فلوس تبدا الابواب تتقفل بوجهك بسرعه بعد ما بروس رجع لبريطانيا ويا عائلته وكانت الفلوس اللي عنده على وشك انها تنفذ ما حصل طريق قدامه غير انه يرجع مره ثانيه ويحاول ينفذ عمليات سرقه جديده فتواصل مع بعض افراد
العصابات اللي يعرفهم عشان ينضموا له ويسوون وياه عمليات كان يحسب ان شهرته في المجال وكونه نفذ اكبر عمليه سرقه في بريطانيا بتخلي اي حد يرغب وينضم له يعني لكنه تفاجا بالعكس تماما الاحكام اللي حصلوها اصحابه خوفت كل المجرمين الزخم اللي حصلتها هالقضيه خلتهم كلهم خايفين منه ما احد كان يريد يربط نفسه ببروس رينولدز ويتورط وياه بروس قدر يمشي اموره بالعافيه عن طريق بعض العمليات الصغيره هنا وهناك وكان قادر يشيل نفسه وعائلته على الاقل لكن للاسف حظه بينفذ بتاريخ 8 نوفمبر سنه 1968 يعني بعد خمس سنوات من عمليه السرقه المحقق تومي بتلر كان بعده يدور عليه
واخيرا حصل الفرصه عشان يصيده على ما يبدو ان بعض المجرمين او اللصوص اللي كانوا مستائين من بروس رينالد وتسببه بكثير من المشاكل لهم قرروا يوشون فيه فاتصلوا الشرطه وقدموا بلاغ بموقعه بروس طبعا كان يحاول يخبي مكانه عن الكل لكن اكيد يعني كانوا في بعض الاشخاص في عالم الجريمه يعرفون وين ساكن وبروس كان وقتها ساكن ويا عائلته في بيت صغير في مقاطعه دفن في انجلترا فالشرطه داهموا بيته وعلى راسهم تومي بتلر وتومي كان مستانس انه اخيرا حصل غريمه واول ما شافه قال له مر وقت طويل يا صاحبي الشرطه عطوا بروس فرصه عشان يودع زوجته وابنه اللي
على الاغلب ما راح يشوفهم لسنين طويله قدام وهني نشوف بعض الصور الحقيقيه للحظه اعتقاله من البيت اللي كان متخبي فيه وبعد محاكمته تم الحكم عليه ب 25 سنه في السجن وبكذا يكون المحقق تومي بتلر اخيرا قفل القضيه اللي ارقته لفتره طويله وبالمناسبه بعدها بسنه ونص تقريبا توفى وعمره 58 سنه وبالنسبه للفلوس فالشرطه ما استعادوا الا حوالي ال 10% من الاموال اللي انسرقت يعني اذا قلنا بفلوس اليوم ان العصابه سرقت 90 مليون فهم استعادوا بس حوالي ال 10 مليون 80 مليون ظلت مفقوده ما عارفين وينها كثير من افراد العصابه على الاغلب بعد ما يطلعون من السجن
راح يعيشون حياه مريحه بروس رينولز مثل ما قلنا انحكم عليه ب 25 سنه مثل اصحابه تقريبا لكنه طلع بعدها بعشر سنوات على خلفيه حسن سلوكه خلال فتره حبسه وكثير من اصحابه بالمناسبه طلعوا قبل انتهاء محكومياتهم بفتره كانت معظم الاحكام للتخويف اكثر من اي شيء ثاني بس اللي يضحك ان بروس رجع وانسجم مره ثانيه في سنه 1980 على خلفيه قضيه سرقه وغسيل اموال بس كانت قضيه صغيره تعتبر فانحبس لمده ثلاث سنين وطلع مره ثانيه بعدها صار شخصيه تظهر في الاعلام وصاروا استشار لبعض الافلام والمسلسلات والكتب اللي روت قصتهم وحتى هو بنفسه نشر كتاب لسيرته الذاتيه في
سنه 1995 وبالمناسبه زوجته ظلت وياه طول هالفتره في الحلوه والمره الين ما توفى في سنه 13 ولهني نكون وصلنا لنهايه قصتنا اذا عجبتكم كالعاده لا تنسون اللايك واشتركوا في القناه وفعلوا زر الجرس وهذه بعد قصص سابقه مشوقه تقدرون تشوفونها شكرا لكم على المتابعه اشوفكم في الفيديو الجاي ومع السلامه Ah.
