وهيك بتكون خلصت محاضرتي لليوم لا تنسوا إذا حابين تصيروا بني آدمين أفضل تشتروا مجلداتي الـ 15 بعنوان أنت حصان إذا كنت تريد أن تكون حصاناً "ولا تنسوا تشتركوا بصفحاتي "أون لاين طبعاً كمان صفحتي اسمها المدرب زين الدين حمدان حدا عنده أي أسئلة؟ حدا عنده أي أسئلة؟ تفضل أنا كتير بحب محاضراتك وكتير متابعك وبصراحة بس عندي مشكلة إنه أنا يعني ما عم لاقي شغل حتى إذا لقيت شغل الرواتب كتير قليلة وبصراحة أنا شايفها مو بس مشكلتي هاي مشكلة كل الشباب الموجودين فنحن أحياناً هون غلط زميلكن عمم مشكلته على الناس كلياتها على الشباب اللي متله هاي مشكلة وواضح كتير إنه هاي مشكلته لحاله أنت هاي مشكلتك لحالك المشكلة عنده بطاقته وجذبه لطاقة الكون لعنده هو حابب بس يقعد مرتاح وما يشتغل . . كيف عيش كيف عيش مرتاح أستاذ؟ كوتش كوتش كيف عيش مرتاح كوتش؟ ما فهمت أنت بتعرف قصة الضفدع يا ابني؟ لا ما بعرفها ما بتعرفها جابوا ضفدع حطوه بمي غليانة نط ما استسلم للظروف رجعوا حطوه بمي باردة وسخنوها شوي شوي استسلم للظروف وتحول لشوربة ضفادع وتحول لشوربة ضفادع يعني أنا ما فهمت وين بدي نط؟ أنا كل مشكلتي كوتش إني ما عم لاقي شغل ما معي مصاري أنا حطيت كل شي معي مصاري لأعمل هاي الدورة أنا مستعد أشتغل أي شي بس ما أحتاج حدا عامل، سائق، مصلح مصلح برافو عليك زميلكن عم يحكي لنا عن المصلح المصلح شو بيكون معه؟ .
. شنتة شنتة عدة برافو عليكن وأنتو لازمكن شنتة عدة لحتى تصلحوا فيها حياتكن سجل عندك شو لازمك سجلوا عندكن كلياتكن إذا بتريدوا لازمكن مفك مصالب لتفكوا الظروف المسكرة لازمكن مقص لتقصوا التردد تبعكن باتخاذ القرارات بقى وممكن تحتاجوا بينسة أو كماشة تشدوا فيها ظروف حياتكن وممكن حتى نحتاج بهبهانة نمسك فيها كسلنا ونشد حيلنا بقى وإرادتنا وفيه حتى أدوات تانية متوفرة شو هي عفواً؟ شو هي الأدوات كوتش؟ حقيبة أدوات الحياة متوفرة على موقعي بـ 1500 شاملة مصاريف الشحن وإذا بتستخدموا "كود" حمادة 15 بيطلع لكن خصم لطيف ومفتاح شق 17 يللا يللا أهلين وسهلين ومية مرحبتين بأحبائي المتابعين والمتابعات الساعين وراء النجاح والساعيات بنفوت على أي مكتبة بالعالم العربي إجباري راح نلاقي قسم ويمكن يكون قسم كبير لكتب التنمية البشرية بنفتح فيس بوك، مواقع التواصل الاجتماعي "بنلاقي "بوستات" وفيديوهات و"ريلز كلياتهن عن إدارة تطوير الذات قوة الإرادة تنمية مهارات التواصل خفايا تدريب النفس البشرية الأسرار الخمسة لشخصية أكثر مرونة بنفتح التلفزيون حكومي كان وللا خاص بنلاقيهن مستضيفين ببرنامج صباح الخير يا حمادة مدربة تنمية بشرية وبرمجة لغوية عصبية عم تحكي لنا كيف نستقبل يومنا بطاقة إيجابية وكيف ندير عواطفنا وكيف نوجهها بالطريق الصح وكيف عن طريق الابتسامة منجابه ارتفاع الأسعار وانقطاع الكهرباء وانقطاع الكهرباء وإذا واجهتنا أي مشكلة أو أزمة فيُفضل إنه ناخد 4 شهيق 4 زفير بعدين نشرب كركديه بارد أو سخن وشوفوا كيف المشاكل كلياتها بتروح "طيب مين هدول"الكوتشات المدربين تبع التنمية البشرية؟ وشو هي أصلاً التنمية البشرية؟ من وين إجتنا؟ هل هي علم؟ . .
وللا شو؟ يعني اليوم بقى راح نحكي عن موضوع التنمية البشرية ونشوف هل هي علم حقيقي وللا علم زائف؟ شو قصتها؟ شو قصتها؟ خليكن خليكن أول شي إذا مسكنا كلمة التنمية البشرية وترجمناها للإنكليزي بيطلع معنا مفهوم تاني تماماً "Human development" وهدا المصطلح بيستخدموه ليشوفوا قديش فيه تطور بالاقتصاد بالتعليم بالصحة بيقيسوا عليه إذا كان عالي فالوضع منيح إذا كان واطي منخفض فالوضع مو كتير منيح أما مصطلح التنمية البشرية المنتشر عندنا بالعالم العربي فيقابله ما يسمى بأمريكا بالـ "self-help" وهالمفهوم بيهدف للتحفيز وتطوير المهارات وإدارة الوقت وتنظيمه والحصول على الثروة والمكانة الاجتماعية يعني إنه يتحسن الواحد بشكل عام هالفكرة مو جديدة موجودة من زمان بثقافات متعددة عربية وأوروبية وآسيوية وغيرها بس الانطلاقة البراقة لهاد المفهوم كانت بعد انهيار البورصة وحصول الكساد الكبير بأمريكا عام 1929 خلال فترة التحش حوالي 12 مليون فرد بعالم البطالة هيك قعدوا ع جنب وأفلست شركات كاملة والروح المعنوية للناس انهارت والأوضاع صارت متأزمة كتير بس بعدين بلش بقى يتعافى الاقتصاد الأمريكي وينتعش وبهاد الوقت بلشت تنتشر هاي الكتب وخصوصاً بعد ما ألف كاتب اسمه ديل كارينغي كتاب كيف تكسب الأصدقاء وتؤثر في الناس حولك هالكتاب يا حمادة يعتبر كتاب كتير مشهور بهاد المجال وانباعت منه نسخ بالملايين لاحقاً بالتمانينيات والتسعينيات والألفينيات تضاعفت أعداد الكتب اللي بتنباع من هاد النوع تبع التنمية البشرية على حساب شو؟ على حساب الكتب اللي بالاختصاصات اللي بالعادة بتكون منتشرة متل السياسة والاقتصاد يعني الناس أهملوا قراءة هاد النوع بشكل أو بآخر وصاروا يقروا أكتر بكتب التنمية البشرية إذا بتسأل أي واحد بيشتغل بهاد المجال "بمجال التنمية البشرية "والمساعدة الذاتية بيقول لك نحن عم نشتغل علم نحن حاطين قوانين قواعد لهاد الموضوع شي بيذكر بقوانين الفيزيا هيك بتحسهم عم يقولوا بقى فيه قانون الجذب قانون الطاقة قانون الذكاء العاطفي بتحس حالك أنت هاه هاد العلم مو بعيد عن علم الفيزيا يا أخي ليكه بيشبه قانون نيوتن قانون كولون وغيره من القوانين يعني عم يحاول يوصلك فكرة إنه قوانين التنمية البشرية لا تقل شأناً عن قوانين المواد التانية والعلوم التانية فيزياء وكيمياء ورياضيات نحن عندنا قوانين كمان قانون الجذب هاد مو قانون؟ ومع ذلك معظم العلماء بيقولوا لك إنه معظم الكتب المحسوبة على التنمية البشرية والبرمجة اللغوية العصبية هي علم زائف علم زائف وإن كان فيه ببعضها هيك بداخلها بنلاقي هيك من بعيد شوية شغلات من علم إدارة الأعمال وممكن تشم ريحة خفيفة هاه يعني خفيفة جداً من بعض مفاهيم علم النفس خفيفة جداً من بعض مفاهيم علم النفس طبعاً أنا هون ما بقصد أبداً دورات إدارة المشاريع يللي جاية من عالم إدارة الأعمال هي دورات بإدارة الأعمال أنا عم أحكي عن كتب والمحتوى اللي منشوفه على السوشال ميديا عن التنمية البشرية وعموماً الهدف من هاي الكتب أنك تطوري حالك وتحسني حياتك الشخصية والمهنية تصيري إنسانة أحسن برأيهن وهالكتب بقى سيدي بتجي على أنواع وأشكال متعددة بيقول لنا الأستاذ إيريك ميغنيد دو بليسيس اللي هو أستاذ مساعد بـ "Copenhagen business School" المدرسة العليا لإدارة الأعمال بكوبنهاغن إنه هدول الكتب تبع التنمية البشرية فيه منها عدة أنواع فيه نوع "بيكون قريب من "البزنس يعني بيتعامل مع الأمور بشكل عقلاني بيقعد بيحاكيك بمفاهيم ومصطلحات "تأتي من إدارة الأعمال و"البزنس بتعطي شوية مبادئ بإدارة الشركات بتعطي شوية نصائح بالعلاقة مع الموظفين العلاقة مع المدراء وأشهر كتاب بهالمجال هاد هو كتاب ستيفن كوفي العادات السبع للأشخاص الأكثر فعالية هاد الكتاب استُخدم بكتير شركات وبتقول الكتب إنه الرئيس الأميركي السابق بيل كلينتون قراه وحبه وراح جاب المؤلف تبعه وخلاه يشتغل معه بالبيت الأبيض وحتى مين استخدمه؟ دونالد ترمب بيقول لك إنه استفاد منه كتير لما فلس وكان هيك الحياة ضاغطته قام هو استفاد منه كتير وحتى بنته إيفانكا بتستخدمه واستشهدت منه كتير بكتابها "النساء العاملات" وفيه نوع تاني من الكتب ما بيحاكوك بشكل عقلاني بيحاكوك بالماورائيات هدول الكتب ما بيحاكوك مصطلحات "إدارة الأعمال و"بزنس هدول بيحكوا بالطاقة هدول بيحكوا بالجذب بالإشارات اللي بترسلها للكون كيف ممكن تسيطر على أفكارك؟ وهل سيطرتك على أفكارك ممكن تخليك تغير مسار مستقبلك وتغير مسار حياتك كلياته باتجاهات أخرى غير التي اتجهت. . وأشهر كتاب بهادا المجال هو كتاب "The Secret" السر يللي بيجمع بقى أفكار ميتافيزيقية على شوية أفكار دينية غربية على شرقية بيحطهن كلياتهن هيك بكوكتيل "وعلى طريقة "العصر الجديد والحكي فيه بيكون بعيد بقى عن البزنس متل ما قلنا مصطلحات إدارة الأعمال بيحكي أكتر عن شغلات خفية وقوى خفية بتساعدك إنك تحقق ذاتك وتحقق أهدافك وشي بيشبه السحر يعني وطبعاً هدا الشي ما بيصير معك إلا إذا كنت شاطر وفتح نبيه وعرفت ترسل الإشارات الصحيحة للكون وتستقبل إشارات الكون تبعك بالمحصلة كتاب السر "The Secret" بيحكي بشكل مختلف عن كتاب ستيفن كوفي اللي حكينا عنه اللي بيحكي أكتر البزنس بس انباع منه ملايين النسخ وكان "الأفضل مبيعاً" على أمازون لأنه الناس بيحبوا ياخدوا يقروا هيك شغلات ويحققوا ذاتهن بطرق خفية فيه ناس بيحبوا هيك بصراحة يعني وهيك بقى كتب التنمية البشرية والمحتوى كله تبع التنمية البشرية اللي منشوفه على السوشال ميديا بيكون بين هالكتابين هدول بين هالمفهومين كلما قرب أكتر ع البزنس بيكون قرب على ستيفن كوفي وكتاب تبع العادات السبع وكلما قرب أكتر بقى ع الشغلات الميتافيزيقية والخفايا والطاقة والجذب والكون بيكون أقرب لكتاب "السر" والكتب بقى بيجوا بيناتهن بالنص وفيه ناس بيجمعوا بين التنين بزنس وعلوم طاقة وجذب متل المدرب المصري الشهير إبراهيم الفقي بيحكي بالبزنس والأعمال وأنه كان مدير أهم الفنادق بأمريكا الشمالية وبنفس الوقت بيحكي بعلوم الطاقة البشرية والإنسانية وإنه معه دكتوراه بالميتافيزيقيا وغيره كتار وتتنوع الاختصاصات شي بيعطوكن نصائح بالعلاقات العاطفية شي بيعطوكن نصائح كيف تتعاملين وتنشئين ابنك والذكاء العاطفي ودورات بمصاري وخصومات وشغلة والمشكلة إنه بيكونوا مو دارسين الموضوع ولا مختصين فيه طيب أنا فهمت يا جهبذ كتب ومحاضرات ومحتوى على السوشال ميديا على تنمية بشرية وفهمنا الموضوع بس أنا يللي ما عم أفهمه ليش كل ما أفتح التلفزيون على برامج الصباح الباكر تلفزيون حكومي وللا خاص بلاقيهن مستقبلين واحد جايبينه وقال هو مدرب تنمية بشرية وعم يسألوه بقى بعلوم الطاقة وهالقصص ليش ع التلفزيون؟ وليش بيجيبوه كتير بيجيبوه؟ شو قصة هالموضة الدارجة؟ القصة يا حمادة متعلقة بالوضع السياسي والاقتصادي في بلداننا وفي العالم أجمع واذا بنرجع لبداية الانتشار الكبير لهاد النوع من الكتب والمحتوى تبع التنمية البشرية منلاقيه إنه بالتمانينيات والتسعينيات وقت انتصرت أمريكا بالحرب الباردة على الاتحاد السوفييتي وتعمم النموذج الأمريكي إنه هو النموذج الأمثل للنجاح إذا بدك تنجح بالبزنس وريادة الأعمال ما لك غير النموذج الأمريكي بالإضافة إلى إنه بهديك الفترة حصلت ببلداننا العربية الجميلة بعض التغيرات العميقة القوية جداً الدولة رفعت الدعم عن الوقود والخبز وبعض السلع الأساسية والتعليم المجاني بالمدارس انتزع والطبابة بقى بالمشافي الحكومية لا حول ولا قوة إلا بالله لا حول ولا قوة إلا بالله هون بقى إجا المواطن قال لهن يا جماعة الخير الوضع والله مو منيح أنا ما عاد فيني أسكت راح أختنق راح موت من الوضع يعني لازم تلاقوا لنا حل هون بقى بتجي التنمية البشرية وبيكون إلها دور كتير لطيف دور سياسي اقعد اقعد أهلاً وسهلاً فيك يا ابني أهلاً وسهلاً فيك يا ابني بتوقع شايف كيف التعامل مختلف متغير ما؟ سمعنا إنك كتير عم تتذمر وتنق ومو عاجبك الوضع وأنا تكلفت كمدرب تنمية بشرية إني تابع ملفك بشكل مباشر شخصياً قول لي تفضل شو مشاكلك؟ سيدي كوتش يا ابني كوتش كوتش سيدي أنا مشكلتي إنه ما عم لاقي شغل يعني والفساد نخرنا وكتير الوضع سيئ اقتصادي وكتير الوضع سيئ اقتصادي يا ابني لا تعلق فشلك على الظروف دور بنفسك جوا نفسك بتعرف قواعد تحويل المشاكل إلى فرص؟ وللا ما.
. ما عندك فكرة عنها؟ سيدي الكوتش شو فرص شو؟ أنا يعني ما فيه شغل وإذا لاقيت شغل الرواتب بتكفي 3 أيام ما فيه فرص أصلاً يعني فشو لازم نعمل نحنا؟ ما بعرف أنت يا ابني ليش ما بتركز على النصف المليء من الكأس آه؟ رسمت أهدافك جدول؟ حاولت تنظم حياتك؟ حاولت تنظم نفسك؟ أنا ملاحظ إنه نفسك غير منتظم يا ابني أنا انقطع نفسي يا سيدي وأنا عم دور كل يوم على رجليي من الصبح لليل لحتى جيب لقمة خبز بس وبوقع من مشكلة لمشكلة أنا متأكد إنه المشكلة بأفكارك يا ابني أنت كأنه عندك طاقة سلبية وعم تجذب الطاقة السلبية تبع الكون لعندك . .
أنا يعني عم تشرب شاي أخضر؟ بتعرف قواعد السعادة بالبرمجة اللغوية العصبية وللا لا؟ الذكاء العاطفي كيف عندك يا ابني؟ قول ورايي يا ابني أنا سعيد أنا تعيس كوتشي السيدي سيدي كوتش لأنه الحكومة أدن من طين وأدن من عجين والفساد معبي الدنيا وسرقة ونهب والدولة رايحة ورايح البلد وما بيعرف الواحد وين رايح وين رايحة بتعرف قصة الأرنب اللي راح ع الحديقة وقت المغيب يا ابني؟ ما بعرفها لا ما بتعرفها يا مساعد بركات تعال خده احكِ له ياها تعال خده احكِ له ياها يعني بالمختصر التنمية البشرية عم تقول لك أنه الحق عليك بكل مشاكل البلد يا شاطر أنت لحالك فيك تتجاوز مشاكلك إن كان بقى بدك تفكر بزنس فكر بدك تفكر لي بقى بعلوم الطاقة والجذب براحتك وبالفترة الأخيرة مع الانهيار التام اللي صار بعدة بلدان من بلداننا الحبيبة كهرباء ما فيه وقود ما فيه شغل ما فيه الحياة تحولت لصراع للبقاء وأمل فيه بنهاية النفق بس مو مبين يعني بيقولوا لك فيه ضوء في نهاية النفق أنا يعني ما لقيناه عم نستناه بصراحة منظل مننوص عيوننا وما عم نشوفه هون بقى بتجي التنمية البشرية "والمساعدة الذاتية" اللي عم نحكي عنهن وبيلعبوا دور مهم كتير وجديد وين؟ على قنواتنا بقى وتلفزيوناتنا والمحتويات اللي بتنتشر على السوشال ميديا بيقولوا لك خليك عم تفكر بإيجابية شو بدك أنت بكل شي حواليك؟ انسَ اعمل هيك انسَ كل شي حواليك فكر بإيجابيات لا فكر بالسلبيات اللي حواليك لا تنق علينا لا تكون نقاق حتى لو بلدك وقعان بجورة هيك بحفرة ما لها قرار ما عم يصل للقاع أنت خليك مختلف خليك إيجابي قول آه وأنت عم تقع قول ما فارق معي ما حقول لك دج لأنه لسه ما وصلنا للقاع أتمنى نصل للقاع أنا يعني أنت بالنهاية فيك تختار نمط حياتك حمادة بمعزل عن الظروف المحيطة فيك أنت. . وبشوقك عيش بشوقك ودماغك املاها على ذوقك هكذا يقول الفنان الكبير تامر حسني بكلام عميق بشكل عام حمادة بدي ياك ما تهتم غير بحالك ركز مع حالك أنا كخبير بشؤون التنمية البشرية وعلوم الطاقة وفيه عندي زميل بعرفه مرة قال ع التلفزيون إنه هو ما بيتفرج ع الأخبار لأنه هاي الأخبار بتعطي طاقة سلبية ليش لحتى يعرف معاناة الناس؟ هو بده يظل بحاله وأصلاً قال برأيه لازم يحكي مع الدولة والجهات الأمنية المختصة لتُعنى بأمن المواطن إنه يمنعوا بقى نشر الأخبار السلبية ويعاملونا كالأطفال الأطفال ما بيتفرجوا ع الأخبار لازم كمان نحن ما نتفرج ع الأخبار حمادة خليك بحالك وإذا بدك نصيحتي اللي هاي ما بقولها لحدا هاه هاي النصيحة ما بقولها لحدا بس لأنك أنت حبيبي حمادة بقولها بس بالدورات المدفوعة أنا كخبير تنمية بشرية نصيحة اقتدِ بالمدرب تبعك تبع التنمية البشرية ولا تقول لحدا صير مليونير متله بقى وصير أنت ألف كتب واعمل محاضرات وصير مشهور وصير مشهور بسيط بسيط بس اعمل دورات للتنمية البشرية وادرس تنمية بشرية بتصير منمي بشري كوتش والمشكلة الأكبر إنه هدا التفكير الفرداني وتبع خليك بحالك ما لك علاقة بمشاكل المجتمع شو بدك فيها؟ بيقلل الوعي السياسي وبيعرقل محاولات الإصلاح الاجتماعي حتى بالدول الديمقراطية والحكي كلياته بحسب مين؟ بحسب الباحثة السلوفينية ريناتا ساليك الخلاصة يا أصدقائي هي إني ما عم قول لكن أنا إنه ما منستفيد أبداً من أي شي إله علاقة بالتنمية البشرية ممكن إذا شاهدنا أو قرأنا شي بهاد الموضوع ناخد لنا شوية أفكار تحفزنا ناخد لنا شوية أفكار تساعدنا بتنظيم الوقت يعني هاه ممكن يكون إله شوية آثار إيجابية بس بنفس الوقت أوعى تخلي حدا يستغل يأسك ويتاجر بأملك لا تخلي حدا يقنعك إنه أنت المسؤول عن كل المشاكل اللي حواليك والحل لهاي المشاكل هو بالتجاهل وبالتفكير الإيجابي هاد الحل مزيف ما راح يحل أي مشكلة بس راح يعمل لك إحباط لما تكتشف إنه ما له أي نتيجة التفكير الإيجابي يا حمادة هو إنك تشوف المشاكل منيح وتعرف أسبابها الحقيقية وبنفس الوقت ما تيأس وتشوف شو فيه عندك مقومات لتصلح الوضع وهاد الحكي بينطبق على المشاكل الفردية والجماعية أصلاً كتير من مشاكلنا يا حمادة هي مشاكل جماعية والشي المضر اللي بتعمله التنمية البشرية "والمساعدة الذاتية" هاد إنه بتقول لك إنه ما لك علاقة بالجماعة ما فيه شي اسمه جماعية خليك بحالك خليك فرد مشان هيك ما بتلاقي ع التلفزيونات تبعنا غير علوم الطاقة والتنمية البشرية هاد العلم الوحيد اللي مسموح مو العلوم السياسية والاقتصاد وعلوم الاجتماع وخاصة السياسة هاي ما حدا بده ياك تحكي فيها أصلاً شو بيجي من تعاطي السياسة إلا وجع الراس يا حمادة السؤال هون هو ليش برأيكن فيه جمهور كبير للمحتوى تبع التنمية البشرية؟ خدوا نفس عميق وجاوبوني على هادا السؤال بالتعليقات وإذا حبيتوا الحلقة عطونا "لايك" إعجاب بعدين خدوا نفس عميق وشوفوا الحلقات السابقة والحلقات القادمة بعدين شهيق واشتركوا بالقناة بعدين زفير وفعلوا زر الجرس وتخيلوا حالكن متابعين للجهبذ .
.
