برنامج إثمد القوة الناعمة في رسم الحدود Rehamgifts.com

عباده من البنات قالت شغله قالت انا ملكه رسم الحدود انا ما عندي مشكله رسم الحدود هذا اخر هم انا اشيله قلت ما شاء الله شلون تقول اي واحده تقول لي كلمه ارد عليها بعشر وايده تفكر تروح يمين ولا يسار تلقاني مجهزت لها الرد القاطع الليخليها بعد ما تفكر تقرب من هالصوب قلت لها والله عجيب بس السؤال اللي يعني ثار انتباهي ايش درجه انها بتقول الكلمه الفلانيه فانت انت مجهزت لها رد حق هذه الكلمه او حق هذا السؤال اللي فيه تطفل تقول انا قبل كل جمعه او زواره او تجمع مع الصديقات او الزميلات او بعض الاماكن

تقول اقعد افكر شنو السيناريو اللي ممكن يصير وافترض 1000 سيناريو سيناريو اقول اذا قالوا لي كذي لازم ارد كذي واذا قالوا لي السؤال الفلاني لازم ارد عليهم كذا تقولوا ابتدي انسج واخلق قصص في بالي يمكن من هالعشر قصص ولا ال 100 قصه اللي في بالي واحد منهم يضبط قلت لها هذه ما هي حدود هم حق حدود هذه حروب هذه غزوات هذه الحياه ما عادت يعني احنا نستمتع ونروح نزور الناس نضحك ونستانس معاهم اذا احنا نتجهز لهم قبل ما نروح شنو بيقولون شنو ما يقولون انزين خلي الحدود مع الناس شو اخبار سلامك الداخلي شو اخبار ايش

للحظه وانت مع الناس خلي مع الناس وانت بينك وبين نفسك مرتاحه انت تقعدين تفكرين وتخلقين سيناريوهات هذه ان قالت كذا برد عليها كذ وهذه المره اللي فاتت تعديت لها اياه الحين ما راح اعدي لها اياه وراح اوقفها عند حدها هذا التفكير اللي انت بالنسبه لك هو مهاره رسم الحدود هو مهاره قتل السلام مهاره قتل اللحظه عيش اللحظه ونسيتي شغله مهاره رسم الحدود مهاره اجتماعيه نمارسها مع الناس في لها هدفين اساسيين ان شاء الله يا رب ما يغيبون عن بالك الهدف الاول ان احنا نحفظ ونديم هذه العلاقات ببهجه بسلام بمتعه ما امكن الحين مو كل العلاقات

نقدر نديمها في علاقات لازم نقطعها صح بس معظم العلاقات ممكن فيها مجال للديمومه فمهاره رسم الحدود الهدف الاول منها المحافظه على ديمومه العلاقات ما امكن الهدف الثاني اللي لا يقل اهميه بل ممكن يكون هو اهم انك اثناء محافظتك على هذه العلاقات وعلى تواصلك مع الناس تحافظين على سلامك الداخلي من هذه الزاويه ابي اشاركك خبر اطلاق برنامج اثمد لرسم الحدود من خلال القوه الناعمه مبدا مبدا مختلف تماما عن مبدا الردود وان انا هي قالت لي كلمه انا سمعتها عشر وان انا اتغدى فيهم قبل ما يتعشون فيني هذه مو هي الطريقه اللي انا راح اشاركك اياها في

البرنامج ولكن راح اشاركك ليش ممكن الناس تتجاوز حدودها معانا شنو الشيء اللي موجود في داخلنا شنو الخوف اللي احنا نحمله ويوصل حق الناس بدون لا نتكلم يخليهم يتجاوزون حدودهم معانا وراح اشاركك الطريقتين في رسم الحدود الطريقه الذكوريه اللي فيها قوه صلبه والطريقه الانثويه اللي فيها القوه الناعمه في رسم الحدود. البرنامج راح ينطلق قريب وهو عن طريق الاونلاين مسجل يعني تقدرين تتابعينه من اي مكان في بلدك والبرنامج هديه مني لك تستاهلين كل اللي عليك تسوينه تكتبي لي في التعليق قلب حطيلي قلب احمر وراح ارسللك رابط التسجيل للبرنامج تسجلين وتشوفين معاي الحلقه الاولى وتكونين معاي بانتظار اطلاق

بقيه حلقات البرنامج اتركي لي تعليق وخليني ارسللك على الدايركت