قصص رعب حقيقية. عروسة مسكونة تتسبب لعائلة مصرية بالرعب الحقيقي😱

شاب اشترى عروسه لعبه لبنته علشان يفرحها في عيد ميلادها ولكن العروسه دي كانت مستعمله وقديمه واللي ما كانش يعرفه انها من اول ما هتدخل البيت هتكون السبب في كل رعب هيشوفوه في حياتهم. ابطالي وبطلاتي هلا والله عاملين ايه؟ يا رب دايما تكونوا بخير. لو انتم في مصر او في اي بلد ثانيه فيها امان اوعوا ابدا تنسوا اخواتنا المستضعفين في كل مكان بالدعاء وباي مساعده تقدروا تقدموها تمام صلوا على النبي ويلا نبدا بسم الله قصتنا النهارده بتتكلم عن شاب اسمه هشام وعمره 35 سنه وهو شاب متجوز وعنده طفله عمرها ست سنين بس وبالنسبه لحالته الماديه تقدر

تقول عليها سيئه جدا شغال صناعي حداد وقوطه بدراعه يعني اليوم اللي بيتعب فيه وما بيعرفش ينزل يشتغل يا دوبك كده بياكلوا ويشربوا فيه بالعافيه المهم في يوم من الايام وتحديدا يوم عيد ميلاد بنته طلبت البنت من هشام ان يجيب لها عروسه لعبه فبيقول والله العظيم ساعتها ما كان معايا اي فلوس وكنت حزين ومهموم ومش عارف اعمل ايه اقل لعبه دلوقتي ب 100 وب 200 فكنت حزين اني مش هعرف احقق طلب بنتي ووانا قاعد مهموم في الورشه وشغال واحد من زمايلي اللي في الشغل اخد باله ولقيته بيقول ق لي مالك يا هشام؟ فبدات افضفض معاه واحكي

له اللي مضايقني فقال لي يا عم طيب ما هي محلوله اهي فقلت له ازاي؟ قال لي الساعه معاك دلوقتي كام؟ بصيت في الساعه وقلت له 10 كنا لسه الصبح بدري قال لي طيب والنهارده يوم ايه؟ قلت له الاثنين قال لي يا عم طيب ما السوق لسه في اوله اهو فقلت له سوق سوق ايه؟ قال لي سوق الاثنين بتاع المستعمل روح هناك وهات لها لعبه تكون حالتها حلوه وسعرها متهاود وصدقني شكلها ما بيتفرقش عن الجديده فوقتها انا انبسطت وقلت له عندك حق تسلم على الفكره دي وسبته في الورشه وطلعت جري على السوق وهناك فعلا لقيت السوق

في فروشات كتير عليها لعب ففرحت جدا ولما سالت على الاسعار فرحت اكتر وكان في عروسه اول ما شفتها خطفت عيني وحسيت انها هتعجب بنتي لو جبتها لها هديه فسالت الراجل على سعرها اتفاجئت لقيت البياع بيقول لي اي حاجه على الفرش هنا ب 15 جنيه فقلت له حتى دي قال لي ايوه فطلعت الفلوس جري واديتها له وانا مش مصدق ففي واحد كان واقف جنبي كده وعمال يبص للعروسه فلفيت وشي وبدات اخبيها عنه المهم لقيته قام متكلم وقايل بقول لك ايه يا صاحبي ما تاخد لك 20 جنيه وتسيبها يعني عايز يحط لي 5 جنيه فوق الثمن اللي

انا دفعته فقلت له لا والله انا جايبها لبنتي قام سايبني ورايح للبيع وقال له بقول لك ايه يا حاج تاخد 10 جنيه فوق ثمنها وتجيبها الراجل بص لي وشاف وشي وهو متغير غير وزعلان وقال للثاني لا يا صاحبي انا اديته كلمه وهي خلاص نصيبه ففرحت جدا والراجل مشي وانا سلمت على البياع ومشيت ولكن اللي عايز اقوله لك انه يا ريته كان اداله العروسه دي وما كنتش ابدا روحت بيها على البيت المهم روحت البيت وكنت عاين العروسه في شنطه وساعتها لما روحت البيت لقيت بنتي قاعده في اوضتها وما طلعتش تستقبلني زي كل يوم فسالت ت زوجتي

وقلت لها هي مالها ما جتش ليه؟ فقالت لي لاني قلت لها ان بابا لما يبقى معاه فلوس هيجيب لك العروسه يعني لو ما جابهاش النهارده ما تزعليش ولكنها زعلت اول ما قلت لها كده ودخلت الاوضه وقفلت على نفسها فطلعت العروسه من الشنطه ووريتها لزوجتي ففضحت جدا وقالت طيب يلا نخش الفرحها وبالفعل مسكنا العروسه احنا الاثنين وفتحنا الباب ودخلنا على طفلتنا وقلنا لها كل سنه وانت طيبه البنت اول ما شافت العروسه قامت من على السرير جري وبجد حضنتنا وخدت العروسه من ايدينا وهي مبسوطه جدا فساعتها سبتها لها ولكن وقتها بدات احس بحاجه غريبه مش عارف ليه

وانا بديها لعروسه حسيت مجرد احساس كده وكانها مثلا ماسكاني من ايدي كان ايد العروسه ماسكاني من صوابعي ومش عايزه تسيبني على الرغم من انها عروسه قماش يعني مستحيل صوابعها تتقفل فساعتها ما فهمتش ولكني قلت عادي ممكن يكون بيتهيا لي مثلا ونطرت ايدي كده علشان ابعدها عني وبالفعل بنتي خدتها وجريت وهي مبسوطه ووقتها سبتها انا وامها مع العروسه وطلعنا ولكن كل شويه تنط في دماغي الفكره دي ازاي حسيت ان العروسه مسكت ايدي الاحساس كان غريب وكان انسان هو اللي كان ماسك ايدي ولكن لما بدات زوجتي تكلمني بدات اجاريها في الكلام ونسيت الموضوع اصلا لحد ما جه

وقت النوم ودخلت انا وزوجتي علشان ننام وبنتنا هي كمان نامت في غرفتها وعلى الساعه حوالي 4:00 الفجر كده قمت علشان ادخل الحمام وفي الوقت ده انا ما كنتش بصلي كنت قايم بس للحمام المهم وانا طالع عديت على غرفه بنتي علشان اطمن عليها وساعتها لقيتها نايمه فقفلت عليها الباب وطلعت وبعدين مشيت لحد ما رحت ودخلت الحمام ووقتها اتصدمت وسميت الله وانا قلبي مفزوع وضرباته سريعه وقتها اول ما فتحت باب الحمام لقيت العروسه اللعبه موجوده في الوش مسوده على جدار الحمام وواقفه فرجعتاني اخدت نفسي وقلت يخرب بيتك يا بتعامل مع هديه او حاجه جديده كده بالمنظر ده

رميتيها في الحمام وسبتيها والمهم دخلت وعملت حمام وانا ببص لها وماعرفش ليه انا ضربات قلبي بتزيد واتوتر اول ما بشوف العروسه دي وده لاني بحس انها شايفاني هي كمان وبص عليا ولكني قلت لنفسي دي مجرد خي عبيطه وخلصت واخدت العروسه من الحمام وطلعت وسبتها على الكنبه ودخلت انام وبالنهار صحيت على صوت عياض بنتي فقمت جري وقلت لها مالك يا حبيبتي بتعيطي ليه؟ قالت لي العروسه مش لاقياها فقلت لها وانا بضحك بقى يا هبله اجيب لك عروسه جديده ترميها في الحمام وتسيبيها ده انا قلت هتنيميها في حضنك وقمت من مكاني علشان اجيبها لها ولكن وانا قايم

لقيتها بتقول لي بابا قلت لها وانا متدير نعم قالت لي انا كنت منيماها في حضني امبارح وما سبتهاش في الحمام زي ما انت بتقول ففضلت واقف مكاني كده مصدوم وانا مدي ضهري للبنت ولكني ما قلتلهاش حاجه ومشيت ورحت لزوجتي وسالتها قلت لها انت اللي اخدتي العروسه امبارح من عند البنت من الاوضه وحطيتيها في الحمام فقالت لي لا طبعا انا هعمل كده ليه فقلت لها خلاص انا سايبها على الكنبه بره انا هاخدها دلوقتي ارميها وابقى اجيب لها واحده جديده فاستغربت وقالت ليه قلت لها هبقى اعرفك طلعت ادور على العروسه على الكنبه ما لقيتهاش فضلت ادور عليها

في البيت كله ما لقيتش ليها اي اثر دورت والله في كل مكان انا متاكد ولكنها مالهاش وجود فاستغربت انا وزوجتي وبقيت هتجن ولكن عدى اليوم ورجعت علشان انام وبصراحه من التعب روحت ونمت على طول ولكن بعد حوالي ساعه او ساعه ونص من نومي فقت على صوت غريب صوت رجلي عماله تجري في صاله البيت وخير رجلي اللي بتجري باين من ورا باب الاوضه وهو مقفول فقلت لنفسي معقوله بنتي بتلعب في الوقت ده بصيت في الساعه لقيتها 2 بالليل فقمت بالراحه كده وانا بتسحب وبصيت من ورا باب الاوضه وهو مقفول وكنت شايف وقتها حاجه بتجري بس مش

قادر احقق هي ايه دي ففتحت الباب سنه وبصيت برقت واتصدمت من كتر الرعب مش عارف هتصدقني ولا لا اللي كانت عماله رايحه وجايه تجري ما ما كانتش ابدا بنتي اللي كانت بتعمل كده هي العروسه فوقتها سميت الله في سر من الرعب اول ما عملت كده العروسه بصت ناحيتي وطلعت تجري بعيد ففتحت الباب وطلعت جاريه بص ما لقيتهاش ولكن شفت باب الحمام بيتحرك فهنا عرفت انها جوه الحمام فرحت بالراحه وبصيت من مكان المفتاح لقيتها فعلا جوه وكانت مسنوده على الحيطه بنفس الطريقه اللي شفتها فيها اول مره لما شفتها اول مره في الحمام فوقتها قفلت عليها الباب

وقلت لزوجتي تحت اي ظرف اوعي تفتحي الباب ده ووقتها كان الفجر بياذن فنزلت جري على الجامع الكبير اللي في المنطقه عندنا ودخلت وانا مفزوع وسالت بصوت عالي الشيوخ اللي موجودين مين يا جماعه فيكم اللي بيفهم في امور السحر والجن قالوا لي ليه قلت لهم ارجوكم ما فيش وقت لو حد بيعرف يتصرف في الكلام ده يجي معايا دلوقتي وبالفعل قام شيخ اسمه الشيخ عادل وجري معايا واحنا ماشيين بسرعه في الطريق بدات احكي له فجري معايا على البيت واول ما دخلنا لقيت زوجتي بتصوت وبتعيط وماسكه باب الحمام بايديها وكانت شداه وقافلاه وكان في صوت خبط وترزيع جوه

الحمام فالشيخ وقتها بدا يقرا قران بصوت عالي ووقتها الصوت سكت سكت تماما فاستاذن زوجتي وراح وفتح الباب وكانت العروسه واقفه ومسنوده على الحيطه شكلها ها كان عادي وما حدش يشك في اي حاجه وكان حد هو اللي مسكها وركنها على الحيطه راح لها الشيخ ومسكها بكل قوه ونزل بيها من البيت ووقتها اقسم لك بالله وهو خارج بيها من الباب لفت وشها وبصت ليه ولكن الشيخ نزل بيها وعدى الحوار على خير وبصراحه ربنا من بعديها وانا بقيت عارف ربنا وبصلي لان شفت اللي بيكون قريب من ربنا بيكون قوي ازاي ولكن الغريب من وقتها كل ما اسال الشيخ

عنها وشه يكشر ويقول لي ما تسالش عنها ثاني وعلشان خاطري ما تفكرنيش بيها ومن وقتها وشكل الشيخ بقى مهموم بشكل غريب مش عارف ايه اللي حصل له شكلها كده القصه دي لسه ما انتهتش وممكن يحصل اي حاجه جديده فربنا يسترها لو حصل اي حاجه جديده هبلغك بيها ودي كانت نهايه القصه قبل ما تخرج من الفيديو عندي كلمتين بالنسبه للناس اللي كانت بتسال هو ينفع ناخد الفيديوهات ونحطها عندنا على تيك توك؟ انا ما عنديش اي مشكله يعني لو عايز تاخد الفيديو وتحطه عندك على صفحتك علشان يرفع عندك الريتش ما عنديش مشكله وبس كده ما تنساش اللايك

والاشتراك كان معاكم عبد العزيز او ملك الليل في امان ‏Yeah.