هو ايه سبب كل الحرايق الفظيعه اللي بتحصل حاليا في امريكا وازاي مش قادرين يسيطروا عليها ويطفو انما الاغرب هو مين الشخص اللي الامم المتحده بتتهم ان هو ليه علاقه بالحرائق دي وان هو سبب فيها ولا هل الموضوع صدفه وكوارث طبيعيه عادي ولا في اشخاص ومنظمات ورا اللي بيحصل ده انما الاغرب بقى هل في حد يتكلم عن الموضوع ده او توق قعه من قبل ما يحصل اصلا او الاس هذه الكارثه التي وصفتها صحيفه نيويورك تايمز بانها الاخطر منذ اكثر من عقد اسفرت عن مصرع العديد من الاشخاص وتمير بئ المنازل بدايه الموضوع لما الاستاذه ليلى عبد اللطيف
كالعاده طلعت قالت شويه توقعات وذكرت امريكا وقالت ان في موجه نيران هتضرب امريكا وهيكون في خسائر فادحه سواء كانت ماديه او بشريه والكارثه دي ه تلفت انتباه العالم كله ليهم وكعاده معظم توقعات ليلى ما يعديش وقت طويل ونلاقي امريكا بتولع حرفيا مشاهد مرعبه ما بنشوفها في اجدع افلام هوليود فيا ترى ايه بقى اللي حصل بالظبط بص يا سيدي الموضوع من البدايه ان في تحذيرات طلعتها الارصاد في امريكا والتحذير بيقول ان الفتره دي ممكن تحصل حرايق بسبب الجفاف في الطقس وقله الامطار ده غير ان الشتاء عندهم السنه دي ده في حبتين وشويه عوامل ثانيه المهم يا
سيدي رجال الاطفاء والناس المسؤولين عن الحرايق راحوا عاملين كل احتياطاتهم وخدوا عربيات وخدوا المعدات بتاعتهم وراحوا للاماكن اللي بتحصل فيها حرايق كتير او المحتمل يحصل في في حرايق معظمها غابات اصلا وكانوا مستعدين اي حريق هتحصل المهم يجي يوم 7 يناير يوم الثلاث اللي فات ده ويتنفس كل اللي الارصاد قالته وتحصل حرايق ضخمه جدا وفظيعه ولاحظوا سكان مدينه لوس انجلس ان في خمس حرايق ضخمه حصلت في الغابات المحيطه عندهم في الاول السكان ما كانوش خايفين قوي كانوا متعودين ان في حرايق بتحصل ورجال الاطفاء بيسيطر على عليها وبيغ مدوها والموضوع بيبقى لذيذ ولكن اللي حصل المره دي
ان ما فيش اي حد قدر يقف قدام النار دي ولا يجي في وشها الموضوع كان مرعب ولا كانه طالع من فيلم والحرايق فضلت تكبر لدرجه ان وصلت سرعه الرياح اللي ماسكه الحرايق دي وبتجري لخمس ملاعب كره قدم في الدقيقه الواحده وطبعا بالسرعه اللي بقول لك عليها دي والارتفاع المهول بتاع النار ماحدش كان قادر سيطر على اي حاجه فاضطرت الحكومه ان هي تخلي المناطق كلها اللي في حرايق وحرفيا الشرطه كانت بتقول للناس اجروا علشان تعيشوا الموضوع بيكبر وهنا بقى دخلنا في مود افلام نهايه العالم في اللي كان بيحاول يجري على الاماكن دي اللي فيها اهله او
فيها حيواناتهم الاليفه وفي اللي كان بياخد عربيته ويجري بره المناطق المليانه حرايق دي ولكن كان في تكدس شديد جدا لدرجه ان في عربيات النار طالتها وراحت المشكله بقى ان من الزحمه اللي حصلت دي في عربيات اطفاء ما كانتش قادره تعدي ما بين العربيات اللي مكدسه الطرق لان معظم العربيات الناس نزلت منها وطلعت تجري ما هو النار جايه عليهم وهم مش عارفين يتحركوا من الزحمه فكمان عربيات الاطفاء مش عارفه تروح تطفي النار المشكله مش هنا ده مش حريق واحد دول كانوا بيواجهوا خمس حرايق في نفس الوقت منهم اثنين فتاكين بالمعنى الحرفي الحرايق دي خلتهم ينقلوا 350,000
شخص ودمرت اكثر من 14000 هكتار من الاراضي ولو مش عارف 14000 هكتار ده قد ايه فدول تقريبا 14 مليون متر مربع انما بالنسبه للمباني ففي 100000 مبنى ادمر من ضمنهم خمس كنايس و11 مدرسه ومعبد يهودي وكذا بنك ومك تبتين ووصلوا عدد الوفيات ل 11 حاله وفاه طبعا الوفيات كانت ممكن تبقى اضعاف الرقم ده بكتير جدا ولكن الشرطه قدرت تخلي اكبر عدد من الناس يخلوا المناطق بتاعتهم ده غير ان البيوت اللي كانت بتولع كانت معظمها بتاع اغنياء في الاول فكان بيبقى في مساحه ما بين كل بيت وبيت وفي مساحات واسعه ما بين البيوت وبعضها انما الدمار
اللي حصل في المباني وفي الاماكن العامه كان فعلا كانه طالع من فيلم زي ما انت شايف كده كل دي صور وفيديوهات حقيقيه لدرجه ان الخبراء بيقولوا ان الحرايق اللي حصلت دي فاضل لها حاجات بسيطه جدا وتبقى الحرايق الاكثر تكلفه وخسائر في تاريخ الولايات المتحده كلها المهم التقديرات المبدئيه بتاع شركه اكيو ويزر بتاع التنبؤ بالطقس قالت ان الخسائر الاقتصاديه للي حصل ده بتبدا على الاقل ب 150 مليار دولار امريكي الكلام ده من الحرايق لوحدها بس ده غير ان في خسائر ثاني حصلت بسبب الحريق وان هي وقفت مسلسلات وافلام لهوليود تقدر بمليارات برده ده غير الحفلات بتاع
ترشيحات الاوسكار وحاجات كانت المفروض تحصل في الوقت ده كل يوم بيعدي بخسائر اكبر واكبر وطبعا اكت ناس متضررين من موضوع الحرايق ده هي شركات التامين لان زي ما قلت لك معظم البيوت والقصور اللي ولعت وراحت دي متامن عليها وبتاع اغنياء يعني فوق ما تتخيل فصباح الفل كده شركات التامين هتبدا تعوض مش اقل من 20 مليار دولار ده في الكام يوم دول بس كل يوم بيعدي في خساير اكبر وفي تعوضت اكبر انا عارف انك بتسال نفسك دلوقتي وبتقول يعني دوله زي امريكا مش قادره تسيطر على الحرايق دي بكل الامكانيات وكل التطور اللي هم وصلين له ده
انما الاهم بقى ايه اخره الحرايق دي يعني هتوصل لحد فين ولا هتنتهي امتى في الاول خليني اقول لك على اخر الاخبار والمستجدات هم حاليا ست حرايق ايتون وده سيطروا على 3% بس منه انما حريق باي سيدز ده سيطره على 88% بس منه انما ارتشر ده ما سيطرو على ولا 1% منه انما بالنسبه لكينسي وليديا فدول بالترتيب كده 50% و 70% و 98% هم اي نعم بيقولوا ان في حريق اني اشد من كل دول واقوى هيحصل الفتره الجايه ولكن الله اعلم هل ممكن يحصل ولا لا انما السؤال المهم بقى ازاي امريكا مش قادره تسيطر على كل
الحرايق دي بص يا سيدي بالنسبه للرد اللي اتقال ان احنا ما كناش متوقعين كل ده ادوات الاطفاء اللي معاهم اصلا والامكانيات دي كلها تقدر تسيطر على حريق او اثنين كبار بالشكل ده لكن مش خمسه ولا سته ده غير ان بصراحه الحريق مقفلها عليهم حبتين يعني السنه اللي فاتت واللي قبلها حصلت امطار غزيره في المنطقه دي فبالتالي الغطاء النباتي تضاعف فج في وقت الخريف كل اوراق الشجر والحاجات دي كلها بدات ان هي تتساقط وتنشف فمع اقل مصدر للنار او الولعه الدنيا كلها تمسك في بعض وخد بالك مش بس عشان كده ده الحريق اصلا قام في وقت
رياح سن انا ودي مش رياح عاديه دي حرفيا عاصفه وماشيه بسرعه 100 ميل في الساعه وطبعا بتنقل معاها الحرايق والنيران دي للاماكن الثانيه بسرعه الغريب بقى ان السنه دي بالذات سرعه الرياح دي شديده قوي يعني ما وصلتش للسرعه دي اصلا يجي من 2011 المشكله الاكبر ان بسبب سرعه الرياح دي رجال الاطفاء ما كانوش قادرين يتحركوا بسهوله مع العربيات بتاعتهم فكانوا بيسبوها ويجروا هم ما كانش معاهم غير 10 دقاق علشان يوصلوا لمكان الحريق اما بيخش للمكان اللي بعده وينتشر ويتوسع اكتر فكان معظم الاعتماد على الصنابير الحمراء اللي هي موجوده في الشوارع وخراطيم الميه لحد اما الحكومه
قدرت توفر لهم عربيات ضخمه تقدر ان هي تحرك العربيات بتاع الناس اللي سابوها دي وتوسع لهم الطريق المصيبه كمان ان بسبب سرعه الرياح دي مش بس كانت بتخلي النار تنتشر اسرع دي خلت الطيارات الهليكوبتر ما تقدرش ان هي تيجي للمكان وطفيه بالمايه فالاعتماد الكلي كان على اليد البشريه وطبعا زي ما انت عارف الحنفيات والصنابير الحمراء دي ما بتستخدم للحرائق الضخمه والكبيره دي بتكون للبيوت والحرايق الصغيره ده غير ان الضغط عليها كان كبير جدا لان تقريبا معظمهم او كلهم مستخدمين في المنطقه فده خلى ضغط الميه اصلا قليل ده غير ان هم استهلكوا ميه كتير جدا وبرده
ما كفيش ان هم يخلصوا على الحرايق اللي في المنطقه دي لدرجه ان الخزانات اللي كان فيها الميه هي كمان خلصت فكانوا محتاسين المهم شبكه سي ان ان الامريكيه قالت ان الحكومه بتاعتهم عامله اللي عليها وزياده وقالت ان هم سالوا الخبراء هل لو عندهم نظام ثاني للميه كانوا هيقدروا يسيطروا على الدمار بتاع الحريق ده بس خبير الموارد المائيه في جامعه كاليفورنيا اللي اسمه جريك بيرس رد وقال لهم لا طبعا ما فيش اي نظام ميه في العالم مجهز او عنده استعداد ان هو يواجه كوارث بالشكل ده فاحنا كده يعتبر تمام التمام وبصراحه الراجل عنده حق بس مش
قوي وده لان مجله لوس انجلز تايمز انكرت كل الكلام ده وقالوا ان لو كانت الحكومه صلحت الخزانات اللي بايظه وكانت المفروض تتصلح من السنه اللي فاتت كان الموضوع هيختلف خزان الميه بتاع لوس انجلس اللي بيتكلموا عليه ده بيقدر يشيل 117 مليون جالون من الميه وبقى له اصلا سنه م كون بسبب ان هو كان عاوز صيانه وكانوا مكسلين ان هم يعملوه فاكيد طبعا خزان بالحجم المهول ده كان هيساعد في تقليل الدمار او ان هو يخفض شويه الحرايق او حتى ما يخليش ضغط الميه يقل قوي كده وطبعا دي كسفه كبيره بالنسبه للسي ان ان ولكن مش اكبر
من الكسفه اللي حطهم فيها عمنا ترامب لان ترامب علق على الشو بتاع الحرايق ده وقال هو ما فيش ميه في الحنفيات عشان نطفي الحرايق دي ولا ايه ولا ما فيش فلوس في الوكاله الفيدراليه علشان حالات الطوارئ هو ده اللي سايبه لي جو بايدن شكرا يا عم جو وشويه وراح مكمل على حاكم ولايه كاليفورنيا اللي اسمه غافين نيوسوم وقال له انت احسن لك تستقيل احسن انت ورجالتك بقى لكم ثلاث ايام مش قادرين تسيطروا على الحرايق فاللي حصل ده كله بسببكم احسن مكان في امريكا بقى خراب دلوقتي الاهم بقى من كل ده ايه سبب الحرايق دي اصلا
هل معقوله تكون شبت لوحدها وهنا بقى يا سيدي تطلع النظريات واول واشهر واحده فيهم ان الجماعه اياهم هم اللي عاملين الموضوع ده و مفتعل وهم اللي وراه والناس بدات تربط الموضوع ده بالكلام بتاع لالي عبد اللطيف ما هو مش معقول يعني حد هيعلم بالغيب ربنا بس اللي يعرف بالغيب فاكيد الموضوع ده متدبر يعني وفي ناس عارفاه الاغرب ان هي عرفت واتكلمت عن الموضوع قبل ما الارصاد الامريكيه اصلا تعرفه الاغرب كمان ان حتى الكرتونيه بتاع سيمبسون ذكر حاجه شبيهه لكده بالظبط وان الغابات وامريكا كانت بتولع والنار شابه فيها فده خلى الناس اللي عندها شك ان الجماعه
اياهم او ده مخطط يتاكدوا اكتر ما هو الكرتون كمان ذكر الكلام ده لا والغريب كمان هو تعليق ايلون ماسك على اليكس جونز وده صحفي من المهتمين بنظريات المؤامره نشر تويته وبيقول ان حرايق لوس انجلوس مؤامره كبيره وعالميه معموله علشان تدمر الاقتصاد بتاع البلد ويدخلنا في حرب اقتصاديه قريب ايلون ماسك بقى يرد عليه ويقول له فعلا ده صحيح وطبعا من الظاهر والواضح كده ان عمنا ايلون ماسك عارف حاجه ما حدش تاني عارفها المهم النظريه الثانيه بقى يا سيدي بترمي اللوم على ماس كهربائي وده لان في حرايق كتير قوي بتحصل في الغابات وبيكون السبب فيها ماس كهربا
ففي بعض المصادر بتقول ان هم بالفعل لقيوا اسلاك فيها مشاكل قريبه من المناطق اللي حصل فيها حريق ولكن الكلام ده لسه مش مؤكد قوي ولكن السؤال هنا بقى هل كل الاماكن اللي شبت فيها الحرايق كان بسبب ماس كهربائي وفي نفس المده الزمنيه ونفس الكلام في النظريه الثالثه اللي بتقول ان في اشخاص بعينهم هم السبب في الحرايق دي حد يعني هو اللي ولع في الغابه بنفسه المشكله بقى ان بالفعل طم القبض على شخص مشتبه فيه ان هو كان سبب في حريق كينت والسكان بيقولوا ان هو اللي عملها وبالفعل الشرطه قبضت عليه وبتحقق معاه حاليا ولكن الله
اعلم هو اللي عمل كده اصلا ولا وطبعا الراجل ده لو طلع فعلا هو ليه علاقه بالحريق ده هياخد سجن مش اقل من مدى الحياه تقريبا بس تفتكر برده ان شخص واحد ولا شخصين ولا 10 هيقدروا يعملوا حاجه زي كده بالفضا دي المهم النظريه الاخيره معانا بقى بتربط انتشار النار ده بنوع من الطيور اسمه الحداقه الطير ده من الطيور الجارحه واللي بتستخدم النار نار عشان الفرايز بتاعتها يعني بتشوف اي مكان ف نار وتجري عليه وتلقط غصن مولع بالنار وتروح للمكان اللي شكه ان فيه الفريسه او عاوزه تصطاد فيه فريستها وتروح حاطه فيها النار فالمكان تمسك فيه
النار والفريسه اللي موجوده فيه تحاول تهرب فهم يصطادوه وطبعا حتى لو ده بيحصل فاكيد الطائر ده مش هو السبب في ان النار تشب اصلا ولا حتى تنتشر بالطريقه دي بس خليني اقول لك ان فعلا الطائر ده معروف بالحركه بتا عده لدرجه ان قبل كده استراليا قالت ان الطائر ده كان سبب في ارتفاع معدل الحرايق في 2020 وعامه يا سيدي انا عارف ان عندك فضول تعرف الموضوع ده هيخلص امتى ولا الحرايق دي هتطفي امتى فاحب اقول لك ان في مصادر اعلنت ان خلاص على بدايه الاسبوع الجاي كل الحرايق دي هتطفي وده مش علشان هيسي طروا عليها
ويقدروا ان هم يتخلصوا منها لا ده علشان سرعه الرياح هتنخفض جدا وهتوصل سرعتها من 56 ل 80 ك م بس في الساعه وده تقريبا نص السرعه بتاعتها حاليا وفي مصادر كمان طلعت وقالت ان هي بالفعل حاليا بدات تنخفض سرعتها المهم في اخبار برده ثاني بتقول ان في حاجات ابشع من كده ممكن تحصل وسرعه الرياح دي تبقى اكبر من كده بكتير الفترات اللي جايه وفي النهايه يا سيدي احب اقول لك ان امريكا عامله حظر تجول من الساعه 6 المغرب لحد الساعه 6 الصبح وده لان عمليات السرقه زادت جدا خصوصا في الاماكن اللي الناس ثبتها ومشيت فطلعت
تنبيهات وتحذيرات بتقول ان اللي هيتمسك ويتقبض عليه هيتحط في السجن فورا ما حدش يبقى موجود في الشارع ولا يبان الغريب ان امريكا طلعت من السجون 1ف رجل اطفاء كانوا محبوسين علشان يساعدوهم بمقابل مادي كمان ان هم يخمد النار دي ده غير ان هم وعدوهم كمان بتخفيف العقوبه عنهم وبس يا سيدي دي تكون كل المعلومات اللي محتاج عرفها عن اللي بيحصل حاليا في امريكا والحرايق اللي ماسكه فيها واحب اقول لك طبعا ان ما فيش حاجه اسمها توقعات ولا حد بيتوقع ان حاجه هتحصل في المكان الفلاني ما هو يا اما حاجه متخط لها يا اما كل دي
صدف انما ان شخص يقول لك هيحصل كذا ويحصل بالفعل الكلام ده بالنسبه لي بلح في بلح ولا يعلم الغيب الا الله فعرفني انت بقى رايك في الموضوع وانهي نظريه مقتنع بيها ان هي السبب في ان الحرائق دي تنتشر بالطريقه دي وعرفنا على اي موضوع ثاني حاب يتعمل الفتره الجايه وانستجرام بتاعتي موجود في الدسكربشن وما تنساش لو حابب تجيب اي جزء من كتب في الضلمه تقدر تطلبه من بيج انذا دارك ستور على الانستجرام او على الفيسبوك وبس كده كان معاكم حبيب [موسيقى]