بنت ريفيه بتحلم تبقا مشهوره فبتقرر تسافر وتسيب حبيب طفولتها بيحاول يمنعها علشان تفضل معاه ملخص مسلسل

مشاهدينا الاعزاء كل سنه وانتم طيبين والنهارده جبت لكم مسلسل ولا اعظم قصص الحب اللي بنسمعها اليومين دول اهلا ومرحبا بكم معانا في قصه احمد ومنى فرع كوريا اعملوا لايك بقى بدل ما احمد ما يطلق منى وهيبقى ذنبها في رقبتكم يلا ندخل في الموضوع على طول بيبدا مسلسل معانا في واحده من دور المسنين وكان منهم ست عجوزه كده اسمها سون وان ودي بقى اللي القصه كلها بتدور حواليها وبتقول سون وان انها ما كانتش متخيله انها هتعيش لما يبقى عندها 70 سنه يا ست الكل هابي بيرث داي ربنا يديكي طلت العمر سونو وان بقى بتتخيل نفسها وهي

واقفه قدام المحيط وبتنادي على مامتها نرجع بقى بالزمن لورا وقت ما كانت سون وان عندها سبع سنين لسه وكانت واقفه قدام المحيط وبتنادي على مامتها اللي بتشتغل غواصه وبتقضي طول وقتها في المحيط عشان تصطاد اخطبوطات ومحاره عشان تبيعه وزمايل ام سونو وان بينادوا على سون وبيطلبوا منها تسيب مامتها تصطاد عشان تلاقي حاجه تبيعها ويقدروا يعيشوا وبيكون مع سون وان طفل اسمه مانج وبيكون صديق سون وان الوحيد وسون وان بتكون عايزه توري مامتها القصيده اللي هي كتبتها وخدت فيها المركز الثاني في المدرسه لكن مامتها بتطلع من المحيط وبيظهر قد ايه انها ست شقيانه وتعبانه عشان توفر

الاكل لاولادها وواحده من زمايلها في الشغل بتتريق عليها وبتقول لها ان جوزها لو ما كانش مات بدري كان زمانها دلوقتي لسه عايشه وسط عيلته عيله يون اللي هم اهل ابو سون وان لكن الام بتتضايق جدا من كلامها لان كل اهل القريه مفكرينها ست ملعونه لان جوزها مايت بعد جوازهم بسنتين بس فبت ازعل من الكلام ده وبتاخد بنتها وبتمشي بسرعه ولما بيوصلوا البيت بتفضل سون وان تتكلم مع مامتها وبتقول لها انها المفروض تبقى فخوره بيها عشان قدرت تاخد مركز ثاني بالقصيده بتاعتها بس الام بتحاول ترسم دور الست الشريره وبتقول لها تروح على بيت جدتها وعمها وبنعرف

هنا ان سون وان عايشه في بيت جدتها وعمها بعد ما مامتها اتجوزت وخلفت من جوزها الجديد ثلاث اطفال لكن سون وان بتحاول تستعطف مامتها عشان تخليها تعيش معاهم وبتقول لها انها في بيت عمها بتتعامل زي الخدامه ده غير انهم ما بيردوش ياكلوها سمك حتى ومش بتاكل غرز بس ده لو اتبقى منهم اكل اصلا وبتضايق الام من كلامها وبتقول لها ان على الاقل في بيت عمها عندهم فلوس ممكن يعلموها لكن هي هنا معهاش اي حاجه وخصوصا ان جوزها الجديد عاطل و لما سون وان بتلاقي جوز مامتها جه بتاخد نفسها وبتمشي وهي حزينه اما الام فما بيكونش

في ايديها حاجه وبتحاول تصبر نفسها على بعاد بنتها حتى لما جوزها بيقول لها انه ما عندوش اي مانع ان سون وان تيجي تعيش معاهم بتقول له طبعا ما انت ما فيش على قلبك خبر ما انت عاطل وانا اللي بصرف فبيقول لها ان هو متاكد ان بنتها عايشه في عذاب في بيت عمها ولما بيقرا القصيده اللي سون وان كتبتها بيصر اكتر ان البنت تيجي تعيش معاهم فالام بتمسك وقتها الورقه عشان تقرا القصيده اللي بنتها كتبتها وفي الوقت ده كانت سون وان في بيت عمها قاعده بتعمل الاكل وجدتها مهت بتعليم حفدها الولد اللي من ابنها الثاني في

الوقت ده بيجي مانج واللي بنعرف ان هو من عيله كبيره في القريه كلهم بيكون عندهم مراكب صيد لان القريه دي قايمه بس على الصيد وبيكون جايب سمك لعم سون وان وبيقول لعمها ان هو بيشوفه كل يوم وهو جاي يشتروا خمس سمكات وهم ست افراد وعشان كده هو جاب له سمك زياده عشان يبقوا ياكلوا سون وان سمك معاهم وطبعا مش محتاج اقول لكم انه باين عليه قد ايه انه مهتم بيها وبيحبها بس في اللحظه دي بتيجي مامه سون وان وهي شايله سمك في ايدها وعينيها كلها شرار وبترمي السمك قدام اخو جوزها السابق وبتصرخ الام في وشهم

وبتقول لهم انهم عيله جحده وبيعامل البن بطريقه وحشه وان بنتهم مش خدامه وبتاخد سون وان وبتمشي وهم في الطريق بتتكلم الام مع بنتها وبتقول لها انها هتستناك تكبر عشان تبقى تجيب لها م يوان اللي المفروض ان الام بتكسبه في اليوم عشان في اليوم ده هتفضل قاعده مع سوني وان مش هتخرج وتسيبها وبتقضي اليوم كله في المحيط وبتفرح وقتها سوني وان من كلام مامتها لانها بتعرف ان هي قرت القصيده بتاعتها واللي كانت كتبت فيها انها تتمنى تحصل على ميتي وان كل يوم عشان تديهم لمامتها وده عشان ترتاح لان هي عارفه ان مامتها التنفس بتاعها بيقلها من

المحيط وعندها هشاشه في العظام ورغم كده بتضطر تشتغل كل يوم عشان تجيب لهم اكل والام بتنهار لما بتسمع الكلام ده عشان كده بتقرر تروح تجيب بنتها وبتقول للام لسون وان انها لازم تكبر وتبعد عن القريه دي وما تعش حياتها هنا ابدا وبيرجعوا على البيت وبتنام اخيرا سون وان جنب مامتها وجنب اخواتها وبتسهر الام مع جوزها وبنعرف ان هم الاثنين بيخنه وبيتكلموا عن سون وان وبعد كم يوم بنشوف سون وان راجعت من المدرسه وهي بتدبدب وبتصرخ على اخرها وبتطلب من مامتها تخليهم يرجعوا لها المركز الاول بتاعها ومنج بيقول ان فعلا المدرس ظالم سون وان لان انتخابات

رئيس الفصل هي اخذت 36 صوت مقابل زميلها اللي كان مترشح قصادها وكان واخد 22 صوت بس وبنعرف ان المدرس خلى الطالب الثاني يفوز لان هو من عيله غنيه وابن قبطان ومامته بتيجي وبتدي له تبرعات للمدرسه وبيجيب حلويات للمدرسين وقتها الام قلبها بيتخلع من مكانه على بنتها وبتقرير انها لازم تساعدها وقامت راحت لمراه عم سون وان وفضلت تحرس الارض مكانها واللي كانت حامل على اخرها ورغم كده حماتها بتخليها تحرس ارض كبيره بس والده سون وان بتقول لها انها ه تحرس لها الارض دي خلال يومين اثنين وهتلي السمسم وهتعمل لها كل حاجه طول الاسبوع مقابل حاجه واحده

انها تستلف منها العقد اللؤلؤ بتاع جوازها وبعد نقاش كتير بتوافق اخيرا وتاني يوم على طول بتروح مامه سون وان على المدرسه ولما بتشوف القصيده بتاعه ابن القبطان بتلاقيها مش حلوه خالص مقارنه بقصيده بنتها اللي فعلا جميله وبعدها بتروح تقابل المدرس وبتقعد معاه وبتكون جايبه له حلويات وبتترك عامل بن ها بطريقه كويسه ويديها حقها مش اكتر من كده وما يظلمها ثاني وكمان بتجيب له شراب نايلون وبعد ما بتمشي وبيفتح بيلاقيها حطه له فلوس ودي كلها رشوه عشان المدرس يتعامل كويس مع بنتها اما سون وان فبتكون فرحانه ان مامتها جت لها وبتقول لمامتها انها اقتنعت ان ما

فيش فرق ما بين الرئيس والنائب وانها موافقه على المركز اللي خدته بس مامتها بترفض وبتقول لها انها لازم تتمسك بكل حاجه من حقها وهنا بنفهم قد ايه ان مامه سون وان انسانه كويسه ومش عايزه بنتها تعاني زيها وعشان كده سون وان بتوعد مامتها انها اول مات اشتغل ويبقى معاها فلوس هتجيب لها عقد من اللؤلؤ والام بتفرح قوي لدرجه انها لما بتروح بتحرق كل السجاير اللي كانت عيناها وبتقول انها عايزه تعيش عمر طويل عشان تشوف بنتها وهي بتكبر وبتحقق احلامها وبعدها بتعدي الايام والسنين وبنشوف ام سون وان وكانت الكاهنه اللي في القريه وكل زمايل الام عندها

في البيت وبيقولوا لها ان هي لا يمكن تنزل المحيط ثاني ودل انها تعبت جدا وبقى عندها التهابات في الرقه خطيره رغم كده الام ما بيكونش قدامها حل ثاني وبتقول لهم ان هي حتى لو هتموت في المحيط ما عندهاش مشكله رغم ان كل لزميلاتها بيقولوا لها ان هم عندهم استعداد يدوها من فلوسهم عشان خاطر ولادها لكن هي بتبقى مصممه تشتغل لاخر نفس فيها بس سون وام بتاخد بدله الغطس بتاعه مامتها وبترمي في النار وبتمشي وهي حزينه وبتفضل تعيط وكالعاده بتلاقي مانجا مستنيها وبيروح وراها وسون وان بتروح عند المحيط وبتفضل تعيط وتشتم فيه وبتقول له كفايه قوي

لحد كده انت خدت مني ابويا ودلوقتي كمان هتاخد امي بس مانج بيروح لها وبيكون معاه اكل وبيقول لها ان هو مش بيشف عليها زي ما هي مفكره وعشان كده بتهدى وبيقعدوا ياكلوا مع بعض وسون وان بتقول له ان هو حتى لو بيهتم بيها فهي مش هتتجوزوا لما يكبروا بس مانج بيقول لها مين قال لك اصلا ان انا عايزه اتجوز واحده زيك ده انت مجنونه اما الام بقى فبن عرف ان هي ما عندهاش في الحياه الا ايام معدوده وهي بتبقى عارفه ده وعشان كده في يوم بتصحى سون وم من النوم وبتسهر معاها وبتعمل لها اكل كتير

وبتقعد تتكلم معاها وكمان بتعمل حنه وبتحن ايديها وبتقرب منها وبتقول لها انها لو ماتت بتطلب منها تروح تعيش في بيت جدتها وعمها وان على الاقل هناك هم هيخلو تتعلم او تعيش حياه افضل من هنا و هتعيش عد تخدم في جوز امها واخواتها بس سون وان بتفضل تعيط على كلام مامتها لحد ما بتنام وبعد ايام بسيطه بيحضروا كلهم جنازه الام وبتفضل سون وان اللي عندها 10 سنين تعيط حتى بعد ما بتخلص الجنازه والكل بيمشي وجوز امها والاطفال بيناموا فبي جي مانجو كالعاده بيبقى جايب معايا اكل وبيقول لها ان العياط بيجوع وبيقعدوا ياكلوا مع بعض وبيقول لها

انه هيفضل صديقها ومش هيسيبها ابدا مهما كانت الظروف اللي بتمر بيها وبعد الجنازه سون وان بتقول لجوز امها ان هي هتروح تعيش مع عمها لكنه بيفضل يقنعها انها هتفضل تعيش معاه لان حياتهم صعبه واكيد هي مش هتسيب اخواتها بسهوله كده وبيفضل بقى يتحيل عليها شويه يقول لها استني لحد ما اكون فلوس وبيو بعدها انه هيوديها الجامعه وشويه وبيطلب منها تستنى لحد ما اخواتها الصغيرين يبداوا يتحركوا ويمشوا وبعدها بيطلب منها تستنى لحد ما اختها تدخل المدرسه الابتدائي وطول السنين دي كانت سون وان بتحرس الارض الصغيره بتاعه مامتها وبتزرع خضروات وكرنب علشان تصرف على نفسها وطبعا مانجا

ما كانش بيسيبها ابدا ودايما كان بيساعدها وبيسط سمك عشان ياكله سوا وبعد كان سنه بتقرر سون وان اخيرا تنفذ وصيه مامتها وتسيب البيت بس كالعاده جوز امها بيفضل يتكلم معاها ويلعب في دماغها لانها لسه طفله صغيره وبيقول لها ان هو عارف انها عايزه تدرس الادب الكوري وعشان كده لو فترت عايشه معاه هو هيعلم لحد ما توصل للجامعه وان هو اصلا هيحوش فلوس كتير من شغله عشان يدخلها الجامعه بما ان هي حاليا بتصرف على نفسها في المدرسه من فلوس زراعه وبيع كرنب وكالعاده سون وان المسكينه بتصدقه وبتقعد عشان كمان مش هتقدر تسيب اخواتها وهم صغيرين كده

وبتشوفها وهي واقفه في السوق بتبيع الخضار بتاعها وجنبها مانج اللي بيبقى هو اللي مسؤول عن بي الخضار لانها بتبقى مشغوله بالمذاكره وقرايه الكتب ومنج بيبقى مهتم بيها في كل حاجه بيوصلها وبيجيب وبيديها وبيساعد في بيع الحاجات وبيديها الفلوس وعمره ما بيتضايق منها او من تصرفاتها وبيهتم بيها حتى بالخضار بتاعها واصحاب مامه سون وان بيبقوا قاعدين قصادهم في السوق ومتابعين تحركاتهم ومبسوطين من علاقتهم هم الاثنين قوي ولا اللي متابعين مسلسل توك شو وبتمر السنين سنه ورا سنه لحد ما بتكمل سون وان 18 سنه وم بيتم سن 19 وبتبقى حياتهم مستقره وتمام وزي الفل لحد ما فيوم

بتيجي جدد مانج للسوق واللي بنعرف ان هي نفسها العرافه بتاعه القريه ساعتها سون وان بتطلع تجري وجده مانج بتوقع الخضار بتاعها على الارض وبتزعق مع حفدها وبتتخانق معاه وبتهز مامه مانج اللي هو ايه علاقه الست الغلبانه بالموضوع ما نعرفش والله وبنعرف ان الجده بتعمل كده لان هي عارفه ان مصير سون وان مرتبط بمصير مامتها اللي كان وشها شقم على جوزها وعيلته ولانها ست بتامن وبتصدق في الخرافات وكمان مانج ده يبقى حفدها الاول وفخر العيله فما ينفعش انها تجوزه من اي واحده كده وعشان كده كانت دايما بتطلب منهم يبعدوا مانجا عن سون وان وفي نهايه اليوم

بعد ما بيقدر يتخلص مانج من جدته ويروح في سلام بياخد حاجته وبيروح لسون وان وبيديها الجزمه بتاعتها اللي طالعت تجري من غيرها وبياخد عشان يروحه سوا وهم في الطريق بتفضل تتكلم سون وان معاه ان هي عمرها ما هتتجوز شاب من قريتهم وخصوصا لو كان هو لانهم اصدقاء وبتفضل تتكلم عن احلامها وطموحاتها وانها عايزه تتجوز راجل من المدينه وكمان يبقى من عيله غنيه وجدته ما تبقاش عراف وتدخل الجامعه وتكتب روايه وتنشرها ف مانج بيقول لها والله مقدر تفكيرك وزي الفل بس يا ترى الراجل ده هتعرفي تحطي ايدك في جيبه وانت ماشيه معاه زي ما انت عامله

معايا كده فبتسم وان وبنعرف ان كل اهل القريه شايفين ان علاقه سون وان ومانجا اكيد هتنتهي بالحب والجواز حتى جداته ومامته واثقين من حاجه زي دي واحب اقول لكم ان ثقه الناس دي بتبقى في محلها لان مانجا اخيرا بيقرر ان هو يخرج عن صمته وبيمسك ايد سون وان وبيقول لها ان هو بيحبها فبتقول له يا راجل اخيرا وبنعرف ان هي كمان بتحبه من زمان بس كانت مستنياه يتحرك بدل ما هو شبه الجدار كده وبتبدا بقى قصه الحب وتبدا معاها المعاناه الحقيقيه معاناه كل العاشقين اللي دايما اهاليهم بيبقوا مش طايقين بعض مش فاهمه ليه هو لازم

اي علاقه كده يطلع فيها خزوق وقبل ما احكي لكم اللي حصل بعد كده خلينا نطلع للمستقبل وقت ما كان السون وان عندها 59 سنه وبنشوف ان عندها ولد وبنت لكن مين بقى جوزها لسه ما نعرفش وبتروح سونو للبيت وهي في قمه سعادتها ومبسوطه وفرحانه والدنيا تمام قوي وبتروح تفتح الدولاب بتصدم لما بتلاقي جوز مامتها وعشقته ههم اللي مستخبيين ودي كانت اول طعنه لسون وان في حياتها لان عشيقه جوز مامتها بتبقى جريئه جدا وبتفضل تقول انهم مع العلاقه بقى لهم كتير وما ينفعش ابدا يداري علاقتهم بعد كده وبتقول له ازاي هو خايف من طفله زي سون

وان ويا ريتها بنته حتى دي بنت مراته فتاني يوم على طول بتروح سون وان لبيت جدتها وبتتكلم معاها والجده مش بيكون عندها اي مانع ان حفيدتها تيجي تعيش معاها على عكس عمها اللي بيبقى لا طايقها ولا طايق سيرتها وبيتمنى انها تخرج من بيته حالا وبيقول عليها شؤم وحتى بيقول انها حتى لو جت تعيش معاه هو مش هيخليها تكمل تعليمها ولا تروح الجامعه لان حاليا حالتهم الماديه ما عادتش احسن حاجه عشان ما فيش حفيد بيشتغل في العائله فبتركها وبتقوله انها هتاخد حاجتها وتمشي بس هي عايزه الفلوس اللي هو وعدها انه بيجمع طول السنين اللي فاتت عشان

يديها لها لكن عشقته بتقول لها فلوس مين يا حبيبتي وبتهز وبتقول لها انه كان بيضحك عليها وان الراجل ده اصلا مفلس واتجوزها وهي فتاه ليل عشان ما كانش معاه فلوس يحسبها يعني علاقه معفنه يعني اللهم اني صايمه وبتفهم وقتها سون وان ان السنين اللي فاتت دي كلها عدت عليها وما قدرتش تحصل على اي حاجه حتى جوز امها نصب عليها والحزن الحقيقي بيكمل لما بتروح لعمها بتلاقيه جايب لها اعلان لشغل في مصنع هيقبض في الشهر 100,000 يوان وبيقول لها ان ده مبلغ كويس تروح تشتغل في المصنع وتبقى تبعت له كل شهر نص المرتب بتاعها عشان المفروض

هي اكبر حفيده في العيله والمفروض انها اصلا تصرف عليهم من فتره بجد والله رجاله القريه دي يتضرب بيهم المثل في النطاعه ولما بتحاول سون وان تقولوا انها مش هتعمل كده ومش هتصرف على حد فبيقول لها ان هي حاليا ما عدتش ليها حد ولا بنت بات فيه وكمان ما عندهاش فلوس فبت جري سون وان وبتروح على صديقها الوحيد اللي بتلج له في اي حاجه وهو مانج وبتفضل تعيط عنده وبتقول له ان الكل بيستغل وانها حاليا ما عندهاش اي حد ولا حتى بيت تعيش فيه وبتفضل تعيط وبتقول له ياخدها تعيش معاه فمان بيستغل الظروف احسن استغلال وبيقول

لها القصيده اللي حافظها مخصوص علشانها وبيقول لها ان عمره ما هيتخلى عنها وبيعها انهم هيفضلوا مع بعض وهقف قدام عيلته علشانها وعشان كده بيقرروا هم الاثنين ان هم يهربوا ويسيبوا القريه خالص فمج بيسرق الذهب بتاع جدته وبياخد هدومه وبيطلع يجري من البيت وسون وان هي كمان بتلبس اللبس بتاع عشيقه جوز امها اللي اسمه بارك وبتحط مكياج زيها وبتسرقه كل حاجتها وكل ده بيكون اخواتها شايفينها وبيدعو وبتطلع تجري لحد ما بتقابل ماج وبيجمع كل الدهب والحاجات اللي معاهم وقتها سون وان بتقول لمج ان قرارهم ده ما فيهوش راجعه وانهم مجرد ما هيخرجوا من هنا هيقضوا كل

حياتهم سوا لحد ما يموتوا ولو هو مش قد القرار ده يرجع من دلوقتي بس ماج بيقول لها ان عمره ما هيتخلى عنها ابدا وبياخده حلم الحب الاول الابدي وبيطلعوا يجروا هم الاثنين وبيهرب من القريه وبيركبوا اول مركب رايحه على المدينه وهم في الطريق القبطان بيشك فيهم بسبب شكلهم وهيئتهم وبيطلب منهم الهويه بتاعتهم ولان الاثنين لسه صغيرين وقاصر وما كانش معاهم الهويه اصلا فبي شك فيهم فمج كان عايز يرشيه باي حاجه ذهب بس سون وان بتقول لقبطان ان هم عرسان جداد وما ينفعش ابدا يعملهم بالطريقه دي وان كان مش عاجبه يركن في البحر وينزلهم فطبعا القبطان

بيستغرب من طريقه كلامهم وبيسيب في حالهم وبعدها بيوصلوا على المدينه واول ما بيوصلوا بيروحوا عند محل ذهب عشان يحاولوا يبيعوا اي حاجه من الهب اللي معاهم وساعتها يقدروا يباتوا في اي مكان لكن صاحبه المحل الذهب بتشك فيهم لان شكل الذهب مش شبه بعضه خالص واذواق مختلفه ومقاساته مختلفه ده غير ان معاهم ضفضع من الذهب ثمنه غالي جدا فبتسم بكل وضوح لو كانوا حراميه وسارقين الحاجات دي لانها كده كده هتبلغ عنهم الشرطه وبتحاول سون وان تكمل في التمثيليه بتاعتهم وان هم متجوزين جدات وان دي حاجتهم لكن مانج ما بيعرفش يكذب وبيقول لها ان هم هربانين وعايزين

يبيعوا الحاجات دي وهي حاجات جدتهم فصاحبه المحل ما بترضاش تشتري منهم حاجه وبتقول لهم انها مش هتبلغ عنهم وبتطلب منهم يمشوا فبيروت بعدها على اول فندق صغير كده بيقابلها وبتفضل سون وان تكذب وتقول لصاحب الفندق ان هم عرسان جداد واول ما بينزلوا على المدينه اتسرقت منهم محفظتهم وفلوسهم واوراق وكل حاجه وبتطلب منه اوضه صغيره يقعدوا فيها يومين ثلاثه وحتى بتقول ان هو ممكن ياخد الدبله الفضه دي كراه بس صاحب الفندق بيرفض وبيكون شاكك فيهم اصلا لان هم ماهمش ورق هويه وكان هيبلغ الشرطه عنهم هم الاثنين لكن كانت بتطلع مراته من المطبخ وبتقول لهم انها عارفه

ان في حالات سرقه كتير في المدينه وعشان كده لانهم لسه اول مره ينزلوا المدينه لازم تحسن سمعه مدينتهم وبتقول لهم كمان انها هتديهم اليوم ده من غير فلوس خالص وبتاخد المفتاح وبتديها لهم وبيبقى جوزها متضايق لكنها بتبقى عايزه تساعدهم وبيطلع مانج وسونو للاوضه وبيبقوا مبسوطين وحاسين ان هم في امان مع الست الطيبه دي وقتها بقى في القريه بتكون عائلاتهم قدروا يكتشفوا المصيبه اللي هم عملوها ومراه هيون رغم ان كل حاجتها اتسرقت وهدومها كمان الا انها كانت مبسوطه وبتقول لجوزها انها فعلا معجبه بشخصيه سون وان وواضح انها فعلا بتحب مانج وتتمنى انها تكون بالشجاعه دي لان

وقتها ما كانش ده بقى حاله على عكس جوزها اللي بيقول ان اول ما الاثنين يحسوا بالجوع هيرجعوا ثاني للقريه بس وقتها هتبقى كل حاجه اتغيرت وما حدش هيرضى يستقبلهم وبعد شويه بتيجي مامه مانج تتخانق معاهم بس لما بتعرف ان كمان سون وون هربت وبتتاخد ان هم الاثنين هيبقوا مع بعض بتتصدق وصاحبه الفندق بقى بتطلع اكل وشرب لاوضه سون وان ومان وبتقول لهم ان دي هديه من الفندق عشان هم عرسان جداد وبتقعد تتكلم معاهم شويه وبتقول لهم خدوا راحتكم على الاخر يا اد في الوقت ده كانت مامه مانج خدت اول عربيه رايحه على المدينه عشان تدور

على ابنها اه اصل حماتها ما كانتش هتخليها تفضل قاعده في البيت لو مانج ما رجعش في اسرع وقت ثاني يوم بيصحى مانج بدري عن سوان ولما بيصحيها فجاه بيلاقي الاوضه فاضيه ما فيهاش اي حاجه شنطهم مختفيه وما فيش اي اثر لحاجاتهم ده غير ان صاحبه الفندق بتعمل لهم ورقه من تحت الباب فيها حسابهم اللي المفروض يدفعوه رغم انها قالت لهم ان اليوم ده هيقضوا على حسابهم هم وبيصدق وبينزلوا يسالوا اصحاب الفندق والراجل بيقول لهم ان هو ما شافش اي حاجه ومراته كمان بتقول انها ما شافتش حاجه وانهم جايين من غير شنط اصلا وان كان موضوع

الشنط ده مهم قوي يعني فممكن يبلغوا البوليس ويقولوا لهم ان في اثنين هربانين من عيلتهم وجم حجزوا عندهم وسرقوا كمان من عندهم هي دي الست الطيبه هي دي بوسي ملاك الرحمه فبنفس ان هم الاثنين عباره عن عصابه بيسرقوا الناس اللي قاعدين عندهم وبيبقى صاحب الفندق وبوسي مراته طمعين جدا ومش بيفرق بقى معاهم توسلات سون وان وكمان بيطرد وهم بره الفندق وبيطلعوا هم الاثنين معهمش اي حاجه ومش عارفين يعملوا ايه حتى دهب اهاليهم اتسرق من بوسي وبعد شويه بيشوفوا بنت شكلها هي كمان هربانه من اهلها وبتروح عشان تحجز في الفندق فبي اكدوا ان هي كمان يا

عيني هيضحك عليها وفعلا بيستنوا لحد بالليل وبنشوف ان صاحبه الفندق طلعت تقعد معاها وجابت لها اكل وشرب وقالت لها نفس الكلام اللي قالته لسون وان ومنج امبارح وهما الاثنين بقى بيستنوا لحد ما بيجي الليل وبينط من عصور وبيروحوا على اوضه البنت وبيحضر ان دول نصابين وبيخليها تهرب وبيخليها سايبه نور الاوضه بتاعها مولع واصحاب الفندق بيفضلوا قاعدين مستنينها عشان تطفي النور عشان يطلعوا يسر قوها ولما بيفقد الامل ان البنت هتطفي النور بيتعبوا وبينام هم الاثنين وبنشوفه مخبيين حاجه سون وان ومانجو اللمبه بتاعه السقف اما سون وان ومانجو هم الاثنين بيفضلوا مستخبيين لحد ما بيتاكد ان كل

اللي في الفندق ناموا وبيتسو لحد اوضه اصحاب الفندق وبيفضلوا يدوروا على حاجتهم ولما مش بيلاقوه بياخدوا اي حاجه قدامهم يقدروا يستفادوا منها وهم خارجين بقى سون وان مش تحترم نفسها وتمشي بهدوء لا ازاي بتلاقي بنس في شعر بنت صاحبه الفندق وبتكر تاخدها وتلبسها وهي لبستها فعلا لان وقتها البنت بتصحى وبتصرخ وابوها وامها بيقوموا وبتطلع سون وان ومنجي يجروا على اخرهم لكن بتقدر بوسي صاحبه الفندق اللي شبه انثى العنكبوت دي تمسك سون وان وبترد على الارض وبتهدد مانج ان هو لو ما جابش الحاجه اللي سرقها هتخلص على سون وان وحتى جوزها بيكون ماسك معاه شومه كبيره

فمان طبعا عمره ما هيتخلى عن حبيبته وبيجمع كل قوته وبيجري على صاحب الفندق وبيضربوا ضربه محترمه بصراحه كان يستاهلها وقتها سون وان هي كمان بتمسك انثى الحيزبونه دي من شعرها وبتضرب ضربا مبرحا في الوقت ده كانت مامه وصلت المدينه وعملت محضر وكانت الشرطه كلها بيدوروا على مانج وصوان اللي وقتها كانت بوسي ملاك الرحمه راحت سلمتهم على انهم اثنين قاصر ودخلوا على انهم شخصيه ناس كبار وباتوا في الفندق لاقوا كمان ما دفعو الفلوس وسرقوا حاجات من عندهم وعشان كده الشرطه بتتعامل معاهم بطريقه وحشه جدا والضابط كان هيضربه لكن مانج بيمنعه ان هو يمد ايده على سون

وان اللي هو معلش ما تمدش ايدك على المدام لو سمحت وسون وان المسحوبه من لسانها هي كمان بتفضل تهزق الشرطي وبتقول له ان هو مش من حقهم اصلا يضربهم او يمت ايده عليهم ويتعامل معاهم بالقانون وان المفروض يصدقهم هم لان الست دي هي وجوزها نصابين وبياخدوا الناس اللي هم عارفين انهم خايفين من الشرطه وبيبتسم وقتها اخيرا بتيجي مامه مانج وبتهز قهم هم الاثنين وبتسال على ضفدع الدهبي بتاعها والحاجات اللي سرقوها فبيح كوا لها كل حاجه في نفس اللحظه دي كانت صاحبه الفندق راحت عشان تبيع المجوهرات اللي خدتها من شنطه سون وان ومن حظها انها بتروح

لنفس محل المجوهرات اللي كانوا راحوا له اول ما نزلوا على المدينه بس صاحبه المحل بتشوف المجوهرات وبتعرف على طول وبتلم ح لصاحبه صاحبه الفندق انها عارفه ان هي كدابه بس صاحبه الفندق بتبقى بكحه وبتقول لها تاخديهم ولا لا فبتا خدهم بس بسعر قليل وصاحبه الفندق بقى بتروح من هنا بتلاقي مامه مانج في الفندق بتاعها وحالفه م يمين ما هي ماشيه وكل ما بيجي زبون بتطفش وبتقول ان دول نصابين وسرقوا شنطه ابنها وذهبها وعشان كده الناس بتهرب فصاحبه الفندق بتتضايق قوي وبتطلب منها تمشي لكن مامه مانج بتقول لها عليا وعلى اعدائي ده احنا القريه عندنا ما

فيهاش ناس بتسرق مخصوص عشان احنا ناس رزله والحرامي عندنا بيتزف وبنفضل نضايق فيه لحد ما ب رجع كل الحاجات اللي خدها ولما بيبدا الموضوع بقى يوصل لضربه بالايد بتيجي الشرطه وبيقبضوا على صاحبه الفندق لان صاحبه محل المجوهرات بلغت عنها واول ما بتشوف مانج وسون وان اللي كانوا قاعدين في الشارع مش عارفين يعملوا ايه بتفضل تهزق فيهم وبتقول لهم منكم لله وبتطلع مامه مانج من الفندق وهي منتصره ومعاها كل حاجتها اللي قدرت تسترجعها ثاني وبتاخد العيال الاثنين من ايديهم وبيروحوا على القريه لكن هيون كان عنده حق لان ما حدش بيتقبل رجوعهم للقريه خالص وخصوصا سون وان

لدرجه ان المدرسه بيدوها ورقه وبيرفض وها وبيفضل كل الناس يتكلموا عنها بطريقه وحشه وان هي اغوت مانج ابن اكبر عيله في القريه وكمان سباح عبقري واللي واخد مداليات كثير ده غيره ان كان هيشارك في الاولمبيات ولما بتروح جدتها وعمها بيفضلوا يهزقو فيها ويهينها ويشتمو وبيقولوا لها ان ما فيش حد هيرضى يتجوزها بعد اللي اتقال عنها وده برده بيكون نفس كلام عيله مينج لما ابوه بيضربه و بيهينوا و بيهزقه وجدته العرافه بتعمل نفسها ميته وبتبقى مش متقبله اللي هو عمله وباباه بيقوله ان هم الاثنين كانوا اغبياء واللي عملوه ده مش هيستفاد منه اي حاجه وخ خصوصا

ان سون وان في عين كل اهل القريه بقت بنت مش كويسه ده غير انها اترفضت من المدرسه وحتى لو فكروا يجوزوها ل المانج مش هينفع لانها ماتش من مستواهم وبقت انسانه جاهله مش معاها شهاده وهتعرفي دول وبيضايق جدا وبيطلع يجري على بيت عئله سون وان ولما بيتاكد ان فعلا هي انطردت من المدرسه وماحدش عاد بيتقبل بيتضايق جدا من نفسه وبيقول لهم يعملوها بطريقه كويسه لكن عمها بيطرد اما الجده العرافه بتفضل تعمل في تعويذ وحاجات عشان تبعت سون وان عن حفيدها ماج ولما بتروح مامه مانج تزور سون وان بتلاقي عمها حابسها في اوضه الخزين وبيكون واضح

عليها انها لا بتاكل ولا بتشرب فبتسم معاها وبيظهر انها شخص طيب جدا وبتعرف ان هي كمان كانت بتحب جوزها وهربوا مع بعض واتجوزوا في السر وبتقول لها ان دلوقتي جوزها ما عادش طايقها وان الحب بيروح مع الوقت وان هم لسه شباب قدامهم حاجات كتير وبتقعد تتكلم معاها شويه في الوقت ده كان مانجي جا عشان يتقدم لسون وان رسمي وفضل يتكلم مع عمها ويقوله انه عمره ما هيظلم وهيحافظ عليها بس عمها بيقوله ان هو ما عندوش مشكله وخصوصا ان ما حدش هيرضى يتجوزها بعد كده بس يا ترى هل عيلته موافقه وقبل ما يرد بتطلع سون وان

من اوضه الخزين اللي محبوسه فيها وبتقول ان عمرها ما هتتجوز مانج وان هو وعيلته مغرورين ويستنى وهيشوف هتتجوز واحد احلى واغنى منه وان اصلا هي عمرها ما كانت عايزه تتجوز حد من القريه وبتدخل وبتقفل على نفسها ثاني وبصراحه انا نفسي بكون مستغربه هي ليه قالت كده مع ان هي بتحب مانج وفعلا بعد كم يوم بس بيكون عمها حدد لها موعد مدبر مع واحد اكبر منها ب 15 سنه وبيفضل يتكلم عن نفسه وبيظهر ظر قد ايه هو شخص فظ ومغرور وقليل ادب ومتسلط وعامل نفسه ابن ناس ده غير ان هو بيحب ياكل السكر كده قرقشه يعني

وكمان وقح وبيتكلم معاها وبيقول لها ان هو سمع من اهل القريه على اللي حصل ما بينها وما بين الشاب اللي هربت معاه بس هو مش مهتم بالموضوع ده وخصوصا انه كان متجوز قبل كده وعنده طفلين او ثلاثه يعني بس عايز واحده لطيفه كده تقعد مع الاطفال وبعد المقابله بتتاكد وقتها سون وان انها هتدخل على اقذر واسوا مرحله في حياتها واللي هتكمل فيها بقيه حياتها لو فضت مع الشخص ده ده غير مراه عمها بتفضل تقنعها بيه قد ايه هو شخص غني وعنده عدد كبير من المراكب وهتعيش مرتاحه وانا بقول لك من هنا يا سنوان يا اختي

يخرب بيت الراحه اللي تيجي من واحد زي ده بالليل بقى اصحاب مامه سون وان بيروحوا على بيت العرافه وبيفضلوا يهزقو هي ومراه ابنها علشان عايزين يفرقوا ما بين مانج وسون وان خصوصا بقى لما بيعرفوه ان اتقدم لها واحد واتخطب ولما بيجي مانجو بيسمع الكلمتين دول وان سون وان هتتخطب بيتجنن وبيبقى حزين جدا وبياخد سمك كتير قوي وبيروح على بيت عم سون وان وبيطلب منه يجوزها ليه وبيقول ان وهجيب له السمك اللي هو عايزه وان هو مش فقير وهيقدر يصرف على مراته وبيطلب منهم يجوزها له وبيفضل يعيط وهو حزين وقلبه بيتقطع وبيقول لهم ان كل القريه

عارفين من زمان ان هو وسون وان بيحبوا بعض وما ينفعش يجوا دلوقتي ويفرق اوهم بالشكل ده بس عمها بيقول له ان الموضوع مش بايده لان اصلا سون وان هي اللي وافقت على العريس وان ما حدش قادر يغير رايها في الوقت ده كانت سون وان مروحه مع خطيبها واللي بيبقى شخص فظ كالعاده وبيفضل يتكلم معاها بطريقه وحشه جدا بس هي بتضطر تتقبله لان مش قدامها اي حل ثاني وساعتها بيجي مانج وبيبعد عنها الشخص ده ولما بيحاول القبطان المغرور ان هو يزعق مع مانج مانج بيهزقه وبياخد سون وان وبيمشي بعيد عنهم وبيتكلم معاها وبيقول لها هي ليه

بتعمل كده وان هو عنده استعداد يتجوزها ويروحوا للمدينه او يروحوا في اي مكان وهو عمره ما هيخليها تتضايق وهيعمل كل حاجه علشانها بس الغريب ان سون وان بتقوله انها مش عايزاه وان مجرد وجوده في حياتها قدامها بينح سها وبيضايق وبتعرفوا ان هو لو مشي من حياتها هي هتبقى مرتاحه فبيت تدم وقتها مانج من كلامها وبيفتكر كل ذكرياتهم مع بعض وازاي كان دايما جنبها ومش متخيل ان هو كل ده كان عبق على قلبها وما كانش يعرف وعشان كده بيقرر ان هو يمشي ومش هيرجع تاني ابدا وبيمشي مانج من هنا وبتفضل سون وان طول الليل تدور على

الخاتم بتاع مانج اللي رمته في الحقل وهي عماله بتعيط ومنهاره وبنفض وقتها قد ايه هي بتحبه نطلع بقى بالزمن لقدام كانت وقتها سون وان قاعده بتتكلم مع بنتها وبتحكي لها عن حبها الاول اللي هو مينج وبعدين بيتكلموا وبتحكي لها عن ذكرياتهم مع بعض وبعد كا يوم بقى من الحادث ده بتكون عئله مانج خلاص بيودعوا ل انه مسافر على المدينه واصحاب مامه سون وان هم كمان كانوا موجودين عند مارس سفينه وكانوا متضايقين من اللي حصل مع الشباب دول اما العرافه ومراه ابنها فبنفس طين لكل حاجه من الاول وبنعرف ان مامه مانج لما راحت لسون وان عشان

تواسيها قالت لها ان وجودها جنب مانج هيدمر مستقبله لانه سباح عظيم وليه مستقبل وبنفض وقتها ليه سون وان كان عندها استعداد تضحي بكل حاجه وتجرح نفسها وتجرح مانج وكل ده بس عشان عايزاه يعيش حياه كويسه وما يدمر حياته بسببها وللاسف عشان كده سون و بتدمر هي حياتها بنفسها وبنعرف لما بتبدا المركب بتتحرك ان مانج مسافر مع المدرب بتاعه عشان يشارك في الاولمبيات لكن مانج بيقعد على الارض زي الاطفال وبيفضل يعيط وبيقول المدرب ان هو ما بيحبش الرياضه ولا فارق مع الاولمبيات ولا الميداليه الذهبيه وان الدافع الوحيد عشان يعمل كل الحاجات دي كانت هي سون وان

لانه كان عايز ينفذ لها حلمها انها مش عايزه تقعد في القريه وعايزه تسافر على المدينه ومهما حاول الكابتن بتاعه مع انه يتحمس عشان ينسى سون 1ان بتاعته دي مانج بيكون كل تفكيره معاها برده وقتها بقى كانت سون وان مع القبطان المغرور واللي بيطلب من المصمم يصمم لها لبس عصري عشان تليق بيه ومكانته وبيفضل يتكلم بطريقه فاظه وبغرق سون وان بتكون جابت اخرها منه واصلا ما بتبقاش شايفه اي مقارنه بينه وما بين حبيبها مانج وبتقول له انها وافقت عليه مش عشان تدخل الجامعه ولا المدرسه هي وافقت عليه لان ما عندهاش بيت تقعد فيه لقيت ما فيش

اي حاجه في ايديها تعملها غير انها ترمي بنفسها تحت رجلين واحد زي ده وبتنه سون وان وبترجى ان هو لو جاب لها شغل هتفضل ممنونه ليه طول حياتها وعلى الرغم ان قبطان المغرور ممكن يعمل كده بسهوله الى انه بيفضل يزلها وبيقول لها انه لما تجوزها هتشتغل عنده خدامه ليه وفي المقابل هياكلها ويشربها وهخليها تعيش في بيته بس سون وان بتحس ان ما فيش امل في الكلام مع واحد زي ده وخصوصا لما بتدق الساعه 12 ودهم عاد اللي المفروض تتحرك فيه السفينه بتاعه مانج فسون وان بتسيب القبطان المغرور وبتطلع تجري وهي منهار من العياط على مكان

السفينه اللي بتكون خلاص بدات تتحرك في الوقت ده عيله مانج بيروحوا وهم مرتاحين وبيقولوا ان اخيرا حققوا اللي كانوا بيتمنوه وحفظهم هيعيش حياه هنيه بس هانيه بيبقى ليها راي ثاني لان المينا كلها بيسمعوا صوت صراخ سون وعياطها وهي بتعيط وبتنادي على مانج وبتجري ناحيه البحر وبتعيط لدرجه ان مانج بيسمع وهو في السفينه لانه ما كانش بعيد قوي عن الشطر اما العرافه ومراه ابنها وصاحب مامه سون وان بيرجعوا بسرعه على المكان اللي كانوا واقفين فيه وبيراقب كل حاجه وبيطمن ان السفينه اتحركت عشان مانج ما يرجعش وقتها مانج بيتحايل على القبطان ان هو يلف بالسفينه ثاني لكن

الكابتن بتاعه بيقول له يبطل عبط لانه اكيد مش هيموت من غير سون وان يعني بس مانج بتعجبه الفكره قوي وعشان كده بيقوم نطط في الميه والدنيا كلها بتتقلب لما بيشوفوه نط في الميه وبيفكر انه هيموت بس على مين ده بيعوم ولا اجدعه دورفين بحري لحد ما بيوصل عند الشط اللي واقفه عليه سنوان وبيطلع من الميه وبيحضنوا واخيرا بينتصر حبهم وجدته بتهزق مراه ابنها وبتقول لها يعني انت ما لقيتيش غير السباحه اللي تعلميها له منك لله يا شيخه وبنفض كده ان سون وان اتجوزت بمنج لان لما بنطلع بالزمن اللي قدام بنشوف اخت مانج قاعده وبتحكي لبنت

اخوها واللي اسمها عيون قصه حب ابوها وامها نط في المحيط عشان يرجع لحبيبته وبنعرف ان مانج وسون وان فضلوا عايشين مع بعض في تبات ونبات زي ما كانوا عايزين وبنعرف ان هم جابوا بنتهم الاولى هيون بعد جوازهم على طول لكن بتفضل عيله مانجا مش حابين وجود سون وان خالص معاهم وخصوصا الجده العرافه اللي شايفه انها مجرد تكسيد لمامتها الشقم وعشان كده بياخدوها دايما للمعابد عشان تصلي والجده بتفضل ترمي عليها فاصوليا حمراء على اساس ان هي دي يعني اللي هتموت الشق وبعدها بتروح سنوان لبيت جوز مامتها وبتفضل تتخيل مامتها حواليها في البيت ولما بتشوفها مراه جوز

امها بتفضل تتكلم معاها وبيظهر ان الست دي معجبه بشخصيه سون وان وبتفضل تتكلم بطريقه كويسه وبيظهر انها مش شخص وحش خالص بس ظروفها هي اللي كانت صعبه فبت طلب منها سون وان تحافظ على اخواتها الصغيرين وتربيهم بطريقه حلوه وقبل ما بتمشي بتاخد العجله الصغيره اللي كانت بتاعتها وفي الوقت ده بتستغل العرافه مراه ابنها ان سون وان سايبه بنتها فبيا اخدوها وبيروحوا على الستات اللي بيشتغلوا في الغوص وبيطلبوا منهم ياخدوا الطفله يعلموها الغوص معاهم بس طبعا كلهم بيرفضوا لان جدتها مامه سون وان راهه حبت ان حد من ولادها يشتغل في الغوص واكيد مش هيعلم الحفيده وبيطريه

وبيقولوا لهم ان هم مش هيسمح ان الطفله ديدي تنزل المحيط ولا تنزل ترعى حتى ولما بتروح سون وان على البيت بتلاقي الجده رافضه خالص موضوع ان حفيدتها تركب عجل ده وبتقول لها ان الستات ما بيعملوش الحاجات دي اما مانج لما بيرجع للبيت وبيتكلم مع سون وان وبيحس انها حزينه سون وان بترفض تقول له اي حاجه من تصرفات مامته وجدته لكنها بتطلب منه يدعم بنتهم ويخليها تركب العجله لانها عايزه بنتها تعمل كل اللي هي عايزاه وتركب العجله عشان ما تقضي طول حياتها في المطبخ وتخدم عيلتهم وبيدعم مانج وبيجيب عجله مخصوص لبنته مش كده وبس ده لما

بيبقوا قاعدين على الاكل وبيلا قي انهم بيحطوا الاكل الحلو قدام الرجاله والجده وبتبقى بنته عايزه تاكل من الاكل ده ومن البسله بيلف مانجو وبيدي لبنته اكله والبسله اللي هي عاوزاها وبيقول لهم ان من هنا ورايح هياكل على الترابيزه بتاعه بنته ومراته فب زقوه شويه طبعا والحاجات دي هي اللي بتكون بتهون على سون وان وهي بتشوف مانج كل يوم طالع يشتغل عشان يجيب اكل ليهم وفي نفس الوقت بيدعمها هي وبنتها وفي المست مستقبل بقى بنشوف هيون اللي كبرت وبقت شابه جميله وبتشتغل وحبت شاب من عيله غنيه وراحت تقابل مامه الشاب ده في واحد من المطاعم وبنشوف

الام اللي بتتكلم من طراطيف مناخرها لانها غنيه ومن عيله ارستقراطيه وبتفضل تتكلم مع هيون وبتسال هي قدرت تشقط ابنها ازاي وكمان بتقول لها انها عارفه ان اي واحده تتمنى تتجوز من ابنها وان كانت عايزه تتجوز من ابنها يا اما تبقى مديره في الشغل بتاعها يا اما تسيب الشغل ده خالص بس هيون بتقول لها انها مش هتعمل لا ده ولا ده لانها لسه موظفه صغيره وانها اكيد في المستقبل هتترقى وتبقى مديره لكن ده بمجهودها وبشغل مش بالواسطه ولا عشان هي هتبقى مراه راجل غني ده غير ان مرتبها بتدعم بيه عيلتها لان هو محتاجين ل فلوسها وراتبها

عشان كده هي عمرها ما هتسيبه وهنا بنفهم الفجوه اللي ما بينها وما بين حماتها المستقبليه واللي مستحيل توافق بيها كعروس لابنها وبترجع هيون للبيت وهي حزينه وبتدخل اوضتها وبتتكلم مع حبيبها وبتقول ان طالما هو مع كلام مامته فهي مش عاوزاه في حياتها وبتقفل معاه وهي حزينه ولما بتتكلم مع مامتها وبتسال ه هي ليه متضايقه هيون بترد بطريقه واقحه وبت ققول لها انها اتربت في عيله فقيره وعشان كده كل ما بيبقى معاها فلوس بتشتري لنفسها الحاجات اللي حاست انها اتحرمت منها بس هيقوم بتحس انها لبخت في الكلام مع مامتها ولانها عارفه هي قد ايه اتعذبت وتعبت

في حياتها فما بتبقاش عايزه تجرحها ابدا بالكلام وقتها بتفتكر سونو لما لقت فجاه الجده بتنادي عليها وبتقول لها ان هم عاملين مراسم مهمه جدا ودي المراسم اللي بعدها هيودو حفيدتهم هيون عشان تتعلم الغوص فسون وان بتسمع الكلمتين دول وبتت جنن وبترمي الحاجه على الارض وبتاخد بنتها وبتقول لهم ان هي بنتها وم مستحيل تخليها تشتغل في المحيط بس الجده بتشتمها وبتتخانق معاها وحماتها كمان بتضربها بالقلم وبتقول لها ان دي حفيدتها وتعمل فيها زي ما هي عايزه وبيفضلوا يهينوه في الوقت ده بيجي مانج اللي بيسمع مامته وجدته وهم بيتكلموا بالشكل ده مع مراته وبنته وبيقول لهم انه

مش هيسمح لحد ياذي عيلته وبياخد مراته وبنته وبيمشوا من البيت اما هيوم بقى وبتسال مامتها لو رجعت بالزمن هتتجوز باباها ثاني فسون وان بتتقمص دور فاطمه كشري وبتقول لها عبده انا مستحيل الاقي زي سي عبده وفعلا بيشوفهم سي عبده ا قصدي مانج اللي بيبقى داخل عليهم بالبسله والاكل اللي بتحبه هيون في الوقت ده بتبص لها هيون وبتتاخد ان الحب ما لوش اي علاقه بالفلوس نرجع ثاني بقى بالزمن لورا بعد ما مانج خد مراته وبنته وراحوا قعدوا في بيت بالايجار وبنعرف ان الدنيا كانت ملطشه معاهم لدرجه ان هم ما كانوش لاقيين يدفعوا الايجار حتى لكن بيعرفوا

من صاحب البيت ان في حد جو دفع لهم ثلاث شهور مقدم كمان وساب لهم الورقه دي وقطعه لحمه بس ما بيبقو عارفين مين الشخص ده لان اسمه بعيد عن عيلتهم ههم الاثنين وبتمر الايام وبتحمل سونو في ابنها الثاني ومن وقت للثاني بييجوا اصحاب مامتها عشان يساعدوها ويطبخوا لها بس وقتها بيجي واحد وبيقول لها ان جوزها تصفي ايده وبيجي من وراه مانج ولما سون وان بتشوفه بتاخده وبتجري على المستشفى وبتبقى خايفه عليه جدا وبتقوله ان الشغل مش اهم منه وبيرجعوا على البيت وهو بيبقى مش عايز يضايقها بس هي بتمسك ايده عشان يروحه سوا وبيعدي يوم ورا

الثاني وبتلاحظ سون وان ان مانج بقى بينام كتير حتى من غير ما ياكل لحد ما في يوم بتلاحظ ان هو حاطط لزقات من بتاعه الضهر وبتفهم انه بيعاني في الشغل ولما بت بتكشف رجله بتلاقيه متعور وكانه مضروب ومجروح بطريقه غريبه وتاني يوم الصبح بتودعه هي وهيون وبيطلبوا منه ما يتعبش نفسه في الشغل اما سون وان فبتعمل حلويات وبتروح لمراه القبطان فاكرينه القبطان المغرور وبنعرف ان مانج شغال على المراكب بتاعته وسون وان بتتكلم مع مراته وبتحاول تفهم منها ليه مانج بيتعب قوي كده في الشغل وكانت عايزه توصي عليه وهنا كانت الصدمه لانها بتكتشف ان القبطان بيضرب

مراته وانه اصلا مريض نفسي وبتتاخد وقتها انه بياذي جوزها وبيضربوا وفعلا بنشوف القبطان المغرور وهو بيتعامل مع مانج بطريقه زي وشه وبيفضل يزل فيه وبيبقى القبطان مش عايز يروح ولا عايز مانج يروح لكن مانج بيجيب اخره وبيقول له ان هو هيروح ومش عايز يشتغل معاه ثاني فبي جري القبطان وراه وبيفضل يستفزه ويقول له هو ليه عايز يروح بدري كده هو بيحب مراته للدرجات دي ف مانج بيسكت وبيقول له ايوه ان هو بيحبها لان هي تستاهل وبيسالوا هو بقى ليه ما بيحبش يروح فبيض القبطان في رجله لكن فجاه بيسمعوا صوت سون وان وهي جايه من بعيد

وبتصرخ وبتشتم القبطان وبتجري عليه وبتقوم ضرباه قيوله يبعد عن جوزها وان هو مريض ومتسلط وفعلا بيخاف منهم جدا خصوصا لما بتضربه سون وان اللي بتفضل تعيط وبتطلب من مانج ما زيش نفسه ابدا لان هي بتحبه وبنشوفه وهم مروحين من بيت بنتهم هيون وهم الاثنين كانوا معديين ال 60 سنه وماسكين ايديهم في ايد بعض وكانهم لسه شباب في بدايه علاقتهم وكان هي دي القصه الامثل للحب الحقيقي في الوقت اللي احنا فيه وقصتنا ما وقفتش هنا لان لسه في احداث كتير قوي وده اللي هنعرفه في الجزء اللي جاي استنونا سلام